Yakobo 3:2 - BAIBLO ALOO NGMAMI KLƆUKLƆU Ɔ

² Wɔ tsuo wa pɔɔ tɔmi peemi babauu. Se ke nɔ ko tɔ we ngɛ munyu tumi mi ɔ, lɛɛ nɔmlɔ nɛ hi kɛ pi si ji lɛ, nɛ e ma nyɛ maa ye e nɔmlɔ tso ɔ tsuo nɔ hulɔ.

Somi He Ɔ

² Ejakaa wɔ tsuo kulaa wa tɔɔ fuu. Ke nɔ ko tɔ we ngɛ munyu mi ɔ, lɛɛ nɔmlɔ nɛ hi kɛ pi si ji lɛ, nɛ e ngɛ he wami nɛ e kɛ maa ye e nɔmlɔ tso mluku ɔ kulaa nɔ.

Yakobo 3:2 ပူးပေါင်းရင်းမြစ်များ

Matsɛmɛ I, 8:46

“Nɔ ko nɔ ko be nɛ pee we yayami. Lɔ ɔ he ɔ, ke e ba mi kaa o ma a pee yayami kɛ si mo, nɛ o mi mi fu mɛ, nɛ o ngɔ mɛ ngɔ wo a he nyɛli a dɛ mi, nɛ a nuu mɛ nyɔguɛ kɛ ho zugba kpa nɔ ya, lejɛ ɔ kɛ jio, e kɛ we jio,

Kronika II, 6:36

“Nɔ ko nɔ ko be nɛ pee we yayami. Lɔ ɔ he ɔ, Yawɛ lee, ke e ba mi kaa o ma a pee yayami kɛ si mo, nɛ o mi mi fu mɛ nɛ o ngɔ mɛ ngɔ wo a he nyɛli a dɛ mi, nɛ he nyɛli ɔmɛ ngɔ mɛ nyɔguɛ kɛ ho a zugba nɔ ya, lejɛ ɔ kɛ jio, e kɛ we jio,

Hiob 15:13

Mɛni he je o mi mi fu Mawu, nɛ o ha nɛ munyuhi kaa kikɛ nɛ ɔ je o nya mi?

La 34:13

Hyɛ nɛ o ko tu munyu nɛ sɛ́! Hyɛ nɛ o ko ye lakpa!

La 39:1

I de ke, “Ma hyɛ ye he nɔ saminya, konɛ i kɛ ye lilɛ ko pee yayami. Be abɔ nɛ i ngɛ yayami peeli a kpɛti ɔ, ma ma ye nya.”

Abɛ Womi 10:19

Nɔ nɛ tuɔ munyu babauu ɔ, e kɛ we nɛ e peeɔ yayami. Ní lelɔ lɛɛ e hyɛɛ e lilɛ nɔ saminya.

Abɛ Womi 13:3

Nɔ nɛ hyɛɛ e lilɛ nɔ saminya a, e yi naa wami. Nɔ nɛ tuɔ munyu puu ɔ, e hɛ mi kpataa.

Abɛ Womi 20:9

Mɛnɔ ma nyɛ ma de anɔkuale mi ke, “Ye tsui mi tsɔ, nɛ yayami ko pa be ye he hu”?

Abɛ Womi 21:23

Nɔ nɛ hyɛɛ e nya, kɛ e lilɛ nɔ saminya ngɛ munyu tumi mi ɔ, e yeɔ e he kɛ jeɔ amanehlu mi.

Fiɛlɔ 7:20

Niinɛ, dalɔ ko dalɔ ko be zugba nɛ ɔ nɔ. Nɔ ko nɔ ko be nɛ peeɔ kpakpa daa nɛ ɔ, nɛ lɛɛ e pee we yayami gblegbleegble.

Yesaya 64:6

Wɔ tsuo wa pee yayami, nɛ wa plɛ pee nihi nɛ a he tsɔ we. Kpakpa nɛ wa peeɔ ɔ po ngɛ kaa tade sɛmusɛmu ngɛ o hɛ mi. Wa yayami ɔmɛ ha wɔ tsuo wa pee kaa ba gbigbli nɛ kɔɔhiɔ muɔ kɛ yaa.

Mose III, 13:39

osɔfo ɔ nɛ hyɛ lɛ. Ke ngmo ɔ su ngɛ kaa la zu huataa a, lɛɛ e ji kó kɛkɛ nɛ je kpo ngɛ e he womi nɔ; nɔ ɔ he tsɔ.

Mateo 12:34

Nyɛ sinɔhi a nina! Nyɛ nimli yayamihi! Kɛ nyɛ maa pee kɛ tu munyu kpakpa kɛɛ? Ejakaa nɔ́ nɛ hyi tsui mi tɔ ɔ, lɔ ɔ nya deɔ.

Mateo 12:37

Munyuhi nɛ nyɛ tu ɔ, lɔ ɔmɛ a nɔ a maa da kɛ wo nyɛ nguɔ, nɛ lɔ ɔmɛ nɔuu a nɔ a maa da kɛ bu nyɛ fɔ.”

Romabi 3:10

Kaa bɔ nɛ ngmami ɔ deɔ ɔ, “Nɔ ko nɔ ko be nɛ da; nɔ kake ngmelu po be.

Romabi 7:21

Lɔ ɔ he ɔ, nɔ́ ko nɛ i naa nɛ ngɛ ní tsue kaa mlaa ji nɛ ɔ nɛ: ke i to kaa ma pee kpakpa a, kɛkɛ i ya pee yayami mohu.

1 Korintobi 9:27

Se mohu ɔ, i waa ye nɔmlɔ tso ɔ yi mi, nɛ i haa nɛ e peeɔ ye suɔmi nya ní. I peeɔ jã, bɔ nɛ pee nɛ ke i fiɛ ha ni kpahi se ɔ, imi nitsɛ lɛɛ Mawu ko sake mi ngɔ fɔ he.

Galatabi 3:22

Se ngmami ɔ deɔ ke, “Je ɔ tsuo hyi tɔ kɛ yayami sɔuu.” Lɔ ɔ he ɔ, nike ní nɛ a wo he si ɔ, nihi nɛ heɔ Yesu Kristo yeɔ ɔ, mɛ pɛ lɛ a nine maa su nɔ.

Galatabi 5:17

Ejakaa nɔ́ nɛ nɔmlɔ tso ɔ suɔ ɔ, pi lɔ ɔ nɛ mumi ɔ suɔ; nɛ nɔ́ nɛ mumi ɔ suɔ ɔ, pi lɔ ɔ nɛ nɔmlɔ tso ɔ suɔ. Nɔ́ enyɔ nɛ ɔmɛ kɛ a he yi. Enɛ ɔ tsɔɔ kaa nyɛ be nyɛe maa pee nyɛ nitsɛmɛ nyɛ suɔmi nya ní.

Kolosebi 1:28

Lɔ ɔ he ɔ, wa ngɛ Kristo he sane ɔ fiɛe kɛ ngɛ nɔ tsuaa nɔ tsɔɔe. Wa ngɛ nihi tsuo kɔkɔ bɔe, nɛ wa ngɛ mɛ ní tsɔɔe kɛ nile nɛ mi kuɔ. Wa ngɛ mɔde bɔe nɛ waa gbla nɔ tsuaa nɔ kɛ ba Mawu ngɔ kaa nihi nɛ le Kristo kɛ pi si.

Kolosebi 4:12

Epafra, nyɛ kpɛti no kpa nɛ lɛ hu e tsuɔ ní ha Kristo Yesu ɔ ke e biɔ nyɛ. Daa nɛ ɔ, e ngɛ sɔlee ha nyɛ kɛ e tsui tsuo. E ngɛ e he gbee kaa Mawu nɛ ha nɛ nyɛɛ hɛɛ hemi kɛ yemi ɔ mi wawɛɛ kaa Kristo se nyɛɛli kpakpahi, nihi nɛ heɔ Yesu yeɔ kɛ a tsui tsuo, nɛ a peeɔ Mawu suɔmi nya ní sisiisi.

Hebribi 13:21

e dla nyɛ kɛ pi si kɛ ní tsumi kpakpa sɔuu, konɛ nyɛɛ pee e sɔumi nya ní; nɛ kɛ gu Yesu Kristo nɔ ɔ, e ha nyɛ tsu níhi nɛ maa sa e hɛ mi, konɛ a wo e hɛ mi nyami kɛ je neneene kɛ ya neneene. Amen.

Yakobo 1:26

Anɛ nyɛ ti nɔ ko susuu kaa e ngɛ Mawu jae bɔ nɛ sa lo? Jamɛ a nɔ ɔ, e kɔ e lilɛ mi. Ke e kɔɛ e lilɛ mi ɔ, tsa pi Mawu nɛ e ngɛ jae, se lɛ nitsɛ e he kɛkɛ nɛ e ngɛ sisie.

Yakobo 1:4

Nyɛɛ to nyɛ tsui si saminya kɛ gblee kahi tsuo a mi kɛ manye, konɛ nyɛɛ hi kɛ pi si kulaa, nɛ nɔ́ ko nɔ́ ko kó hia nyɛ.

Yakobo 2:10

Nɔ tsuaa nɔ nɛ maa ye mlaa amɛ tsuo a nɔ pɛpɛɛpɛ, se e ma tɔ mlaa a kake ɔ, e yeɔ fɔ kaa e tɔ mlaa amɛ tsuo.

1 Petro 3:10

Ngmami ɔ ke, “Nɔ tsuaa nɔ nɛ suɔ kaa e na bua jɔmi, nɛ e se nɛ kɛ ngɛ je mi ɔ, e kpa lakpa yemi, kɛ nɔ he munyu yaya tumi.

1 Petro 5:10

Se ke nyɛ na amanehlu be bɔɔ se ɔ, Mawu nɛ dlooɔ wɔ níhi tsuo ɔ, lɛ nitsɛ e maa pee nɔ́ tsuaa nɔ́ nɛ he hia ha nyɛ. E maa waje nyɛ; e maa wo nyɛ he wami, nɛ e ma ha nɛ nyɛ ma fi si kaa nyɛ le lɛ daa. Lɛ nɛ e tsɛ nyɛ, konɛ nyɛɛ kɛ lɛ ba hi e hɛ mi nyami nɛ ngɛ kɛ yaa neneene ɔ mi; ejakaa nyɛɛ kɛ Kristo ba pee kake.