Yakobo 3:17 - BAIBLO ALOO NGMAMI KLƆUKLƆU Ɔ

¹⁷ Se nɔ nɛ ngɛ nile nɛ je hiɔwe ɔ, kekleekle nɔ́ nɛ a naa ngɛ e he ji kaa e he tsɔ. Lɔ ɔ se ɔ, a naa kaa e he jɔ; e hɛ ka si, nɛ e nuɔ nɔ́ he ha nɔ. E naa nɔ mɔbɔ saminya, nɛ ní kpakpahi sɔuu e tsuɔ. E hyɛ we nihi a hɛ mi, nɛ e pee we osato.

Somi He Ɔ

¹⁷ Se ni lemi nɛ je hiɔwe ɔ, kekleekle ɔ, e he tsɔ, lɔ ɔ se ɔ, e he jɔ, e hɛ ka si, e buɔ tue, e hyi tɔtɔɔtɔ kɛ mɔbɔ nami kɛ yiblii kpakpahi, e ji nɔ́, e pee we osato.

Yakobo 3:17 ပူးပေါင်းရင်းမြစ်များ

Matsɛmɛ I, 3:12

nɔ́ nɛ o bi ɔ, ma pee ha mo. Ma ha mo nile, kɛ nɔ́ sisi numi babauu bɔ nɛ nɔ ko hí si hyɛ nɛ e kɛ mo sɔ, nɛ o se hu nɔ ko nɔ ko ba be nae nɛ e kɛ mo maa sɔ.

Matsɛmɛ I, 3:28

Benɛ Israel ma a tsuo nu bɔ nɛ Matsɛ Salomo buá sane ɔ he ha a, a bu lɛ wawɛɛ nitsɛ; ejakaa a yɔse kaa Mawu ha lɛ nile nɛ e kɛ kojo ngɛ dami sane yemi nya.

Matsɛmɛ I, 3:9

Lɔ ɔ he ɔ, i kpa mo pɛɛ, ha mi nile nɛ ma kɛ ye o ma a nɔ ngɛ dami sane yemi mi; nɛ ma le slɔɔto nɛ ngɛ nɔ́ nɛ da, kɛ nɔ́ nɛ dɛ a kpɛti. Ke pi ja a, lɛɛ kɛ ma pee kɛ ye o ma kpekpemi nɛ ɔmɛ a nɔ kɛɛ?”

Kronika I, 22:12

Yawɛ, o Mawu ɔ nɛ ha mo nile kɛ juɛmi, bɔ nɛ pee nɛ o ye Israel nɔ ngɛ e mlaa a nya.

Kronika I, 22:9

Se kɛ̃ ɔ, e ha mi si womi ko. E de mi ke, ‘A ma fɔ binyumu ko ha mo, nɛ e maa ye matsɛ ngɛ tue mi jɔmi mi; ejakaa ma ha e kɛ e he nyɛli tsuo nɛ bɔle lɛ ɔ maa hi si ngɛ tue mi jɔmi mi. A ma tsɛ e biɛ ke Salomo, ejakaa e yi nɔ ɔ, ma ha Israel he jɔmi, kɛ tue mi jɔmi.

Hiob 28:12

Se nile lɛɛ jije a maa na lɛ ngɛ? Juɛmi ɔ, jije e hii?

Hiob 28:23

He nɛ nile ngɛ, kɛ blɔ nɛ a maa gu kɛ ya na lɛ ɔ, Mawu pɛ lɛ le.

Hiob 28:28

Mawu de nɔmlɔ ke, “Nyɔmtsɛ ɔ gbeye yemi ɔ, lɔ ɔ ji nile; yayami he jemi ɔ, lɔ ɔ ji juɛmi.”

Mose II, 36:2

Mose tsɛ Bezalel, Oholiab, kɛ nɔ tsuaa nɔ nɛ Yawɛ dloo lɛ ga nile, nɛ jehanɛ e ngɛ ní tsumi ɔ he suɔmi ɔ kɛ ba ní tsumi ɔ he.

Abɛ Womi 2:6

Yawɛ lɛ haa nɔ nile; lɛ nɛ e tsɔɔ nɔ nile, kɛ nɔ́ sisi numi.

Yesaya 2:4

Yawɛ maa hyɛ je ma amɛ a kpɛti sanehi a mi ha mɛ. E ma dla nihi babauu a kpɛti. A kɛ a ta hwumi klaate ɔmɛ maa sɔ kpakplaahi, nɛ a kɛ a we akplɔ ɔmɛ maa pee tso he suami hahi. Je ma ko je ma ko be ta hwue kɔkɔɔkɔ; a be a he dlae kɛ ha ta gblegbleegble hu.

Yesaya 32:6

Ejakaa kuasia tuɔ munyu basabasa, nɛ e toɔ ga kaa e maa pee yayami. E tuɔ munyu, nɛ e peeɔ nɔ́ basabasa kɛ siɔ Yawɛ. Nɔ nɛ hwɔ ngɛ lɛ yee ɔ, e ha we lɛ nɔ́ ko nɛ e yeɔ kɔkɔɔkɔ, nɛ nɔ nɛ kuma ngɛ lɛ yee hu e ha we lɛ nyu tete po nɛ e nuɔ.

Yesaya 40:11

E maa lɛ e to kuu ɔ kaa to hyɛlɔ kpakpa; e ma bua e to bi ɔmɛ a nya, nɛ e maa hɛɛ mɛ ngɛ e bɔkɔ mi; to nyɛ ɔmɛ hu e ma tsɔ̃ mɛ blɛuu.

Daniel 1:17

Mawu ha nihewi eywiɛ nɛ ɔmɛ nile, kɛ juɛmi nɛ a kɛ kaseɔ womi, kɛ je mi nile. Daniel lɛɛ Mawu dloo lɛ ninahi kɛ nlamihi a sisi tsɔɔmi ngɔ piɛ he.

Malaki 2:9

Enɛ ɔ he je ɔ, imi hu ma ha nɛ Israel bi ɔmɛ maa hie nyɛ, ejakaa nyɛ pee we ye suɔmi nya ní; mlaa a hu, nihi a hɛ mi lɛ nyɛ hyɛɛ kɛ tsɔɔ.”

Malaki 3:3

E ma ba kojo kaa bɔ nɛ sika hiɔ ga ní tsulɔ tsuɔ sika hiɔ he ɔ. Kaa bɔ nɛ sika hiɔ, loo sika tsu ga ní tsulɔ tsuɔ sika he ɔ, ja ji bɔ nɛ Yawɛ tsɔlɔ ɔ maa tsu osɔfo ɔmɛ a he, konɛ a ngɔ nike ní nɛ sa kɛ ba ha lɛ Yawɛ ɔ.

Mateo 23:28

Kikɛ nɛ ɔ pɛ nyɛ hu nyɛ ngɛ; nihi naa nyɛ kaa nimli kpakpahi, se osato, kɛ yayami hyi nyɛ mi mi tɔ.

Mateo 5:8

“A gbaa ni nɛmɛ nɛ a tsui mi tsɔ, ejakaa a maa na Mawu.

Mateo 5:9

“A gbaa ni nɛmɛ nɛ kpataa pɛ, ejakaa a ma tsɛ mɛ Mawu bimɛ.

Luka 21:15

Ejakaa munyu nɛ maa je nyɛ nya, kɛ juɛmi nɛ nyɛɛ kɛ ma fa nyɛ he ɔ, ma ha nyɛ. Nyɛ he nyɛli ɔmɛ a ti nɔ ko nɔ ko be nyɛ nyɛe, loo a maa je nɔ́ nɛ nyɛ ngɛ dee ɔ he nɔ́.

Luka 6:36

Nyɛɛ na nɔ tsuaa nɔ mɔbɔ kaa bɔ nɛ nyɛ Tsɛ Mawu naa nɔ tsuaa nɔ mɔbɔ ɔ.

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Yohane 1:47

Benɛ Yesu na Natanael nɛ ma e ngɔ ɔ, e de ke, “Israel no ngmingmiingmi ji nɛ ɔ nɛ; sé ko be e he.”

Ni Tsumi 11:24

Barnaba a, nɔmlɔ kpakpa nɛ heɔ Mawu yeɔ saminya ji lɛ, nɛ Mumi Klɔuklɔu hyi lɛ tɔ. Enɛ ɔ ha nɛ a na nihi babauu kɛ ha Nyɔmtsɛ ɔ.

Ni Tsumi 9:36

Yo ko hu ngɛ Yopa nɛ ji Yesu se nyɛɛlɔ. A tsɛɛ lɛ Tabita, aloo ngɛ Hela gbi mi ɔ, Dorka. Biɛ nɛ ɔ sisi ji Odabɔ. Daa nɛ ɔ, kpakpa sɔuu e peeɔ, titli ɔ, e hyɛɔ dɛgutsɛmɛ a nɔ.

Romabi 12:18

Ke e maa hi ɔ, nyɛɛ bɔ mɔde nɛ nyɛɛ kɛ nɔ tsuaa nɔ nɛ hi si ngɛ he jɔmi mi.

Romabi 12:9

Suɔmi ɔ, e je nyɛ tsui mi tɔɔ. Nyɛɛ nyɛ yayami kulaa; nɛ nyɛɛ pɛtɛ nɔ́ kpakpa he.

Romabi 15:14

Ye nyɛmimɛ, imi nitsɛ i le tsɔ kaa nyɛ nitsɛmɛ tete nyɛ mi mi hi; nyɛ le ní bɔ nɛ sa, nɛ nyɛ nyɛɔ woɔ nyɛ sibi ga.

1 Korintobi 12:8

Mawu mumi ɔ haa nɔ ko he wami nɛ e kɛ tuɔ munyu nɛ juɛmi ngɛ mi. Jamɛ a mumi ɔ nɔuu haa nɔ kpa hu he wami nɛ e kɛ tuɔ munyu nɛ sisi numi ngɛ mi.

2 Korintobi 10:1

Imi Paulo nitsɛ, i ngɛ nyɛ pɛɛ kpae! Ni komɛ deɔ ke ke i ba nyɛ ngɔ ɔ, i peeɔ kpoo, se ke i be nyɛ kasa nya kɛkɛ i hia kã. I suɔ nɛ ma pee kpoo, nɛ ye mi mi nɛ jɔ kaa Kristo.

2 Korintobi 6:6

Waa kɛ subai kpakpa, nile nɛ mi kuɔ, tsui si tomi, mi mi himi, klɔuklɔu peemi ngɛ mumi mi, anɔkuale suɔmi,

2 Korintobi 7:11

Nɛ́ e pee nyɛ kaa nyɛ hao ɔ, nyɛɛ hyɛ nɔ́ nɛ je mi kɛ ba! Nyɛ nɔ gbagba te, nɛ nyɛ suɔ kaa nyɛ maa tsɔɔ kaa nyɛ pee we yayami ko. Nɔ́ nɛ ba a dɔ nyɛ, nɛ nyɛ ye gbeye kaa nɔ́ ko pa ngɛ se kɛ ma. E pee nyɛ kaa nyɛɛ na mi, konɛ nyɛ fa ye he, nɛ nyɛɛ gbla yayami peelɔ ɔ tue. Ngɛ blɔ tsuaa blɔ nɔ ɔ, nyɛ tsɔɔ kaa sane nɛ ba a, nyɛ li he nɔ́ ko.

2 Korintobi 9:10

Mawu lɛ haa nɔ wu nɛ e duɔ, kɛ ngma nɛ e yeɔ. Wu tsuo nɛ hia nyɛ dumi ɔ, Mawu ma ha nyɛ, nɛ ke nyɛ du ɔ, lɛ nɔuu e ma ha nɛ tso ɔ maa wa. Kpakpa nɛ nyɛ ngɛ pee ɔ, blɔ nɔ nɛ Mawu maa gu nɛ e ma ha nɛ e wo yiblii ji nɛ ɔ nɛ.

Efesobi 5:9

Ejakaa la kaa kikɛ nɛ ɔ he okadihi nɛ a naa ji kpakpa peemi, dami sane yemi, kɛ anɔkuale tumi.

Filipibi 1:11

Kristo Yesu nitsɛ ma ha nyɛ ma na subai nɛ hi saminya ngɛ nyɛ wami si himi mi, konɛ a wo Mawu hɛ mi nyami, nɛ a je e yi.

Filipibi 4:8

Nyagbe ɔ, ye nyɛmimɛ, nihi nɛ ji anɔkuale, nihi nɛ sa bu, níhi nɛ da, níhi nɛ he tsɔ, níhi nɛ ngɛ fɛu, níhi nɛ woɔ nɔ hɛ mi nyami, ke je mi bami kpakpa ko ngɛ, ke yi jemi ko hu ngɛ ɔ, enɛ ɔmɛ a he nyɛ susu.

Kolosebi 1:10

Kɛkɛ ɔ, nyɛ maa ba nyɛ je mi bɔ nɛ maa sa Nyɔmtsɛ ɔ hɛ mi. Nyɛ ma tsu ní kpakpa sɔuu, nɛ nyɛ maa le Mawu saminya pe bɔ nɛ nyɛ le lɛ daa.

1 Tesalonikabi 2:7

Pohu wa ngɛ he blɔ kaa wa biɔ enɛ kɛ enɛ ngɛ nyɛ dɛ, ejakaa Kristo bɔfohi ji wɔ. Se benɛ wa ngɛ nyɛ ngɔ ɔ, wa pee nyɛ dɔdɔɔdɔ kaa bɔ nɛ bimɛanyɛ hɛɛɔ lɛ nitsɛ e bimɛ ɔ.

1 Timoteo 5:21

Ngɛ Mawu, kɛ Kristo Yesu, kɛ bɔfo klɔuklɔu ɔmɛ tsuo a hɛ mi ɔ, i ngɛ mo kita kae nɛ o ye mlaa nɛ ɔmɛ a nɔ pɛpɛɛpɛ. Ke o ngɛ nɔ́ ko pee ɔ, koo hyɛ nɔ hɛ mi. Jehanɛ hu, ko ha nɛ nɔ ko ní peepee nɛ sa o hɛ mi pe nɔ kpa nɔ́.

2 Timoteo 2:24

Nyɔmtsɛ ɔ sɔmɔlɔ ɔ, e sɛ́ kaa e pɛɔ, mohu ɔ, e mi nɛ jɔ ha nɔ tsuaa nɔ; e pee ní tsɔɔlɔ kpakpa nɛ toɔ e tsui si.

Tito 1:15

Nihi nɛ a he tsɔ ɔ, nɔ́ tsuaa nɔ́ he tsɔ ha mɛ. Se nihi nɛ ble a he, kɛ ni nɛmɛ nɛ he we yi ɔ lɛɛ nɔ́ ko nɔ́ ko he tsɔ we ha mɛ; ejakaa a ble a juɛmi, kɛ a he nile tsuo.

Tito 3:2

A ko tu nihi a he munyu yaya, nɛ a ko pɛ; se mohu a he nɛ jɔ, nɛ a tsɔ a hɛ mi ha nɔ tsuaa nɔ.

Hebribi 12:11

Be mi nɛ a ngɛ nɔ ko tsɔsee ɔ, bua jɔmi be mi; e dɔɔ lɛ wawɛɛ. Nihi nɛ a tsɔse mɛ ɔ, pee se ɔ, a naa he se; a yeɔ dami sane, nɛ enɛ ɔ he ɔ, a hii si ngɛ he jɔmi mi.

Hebribi 12:14

Nyɛɛ bɔ mɔde nɛ nyɛɛ kɛ nihi tsuo nɛ hi si ngɛ tue mi jɔmi mi. Nyɛɛ bɔ mɔde nɛ nyɛɛ pee klɔuklɔu, ejakaa nɔ nɛ be klɔuklɔu ɔ, e be Nyɔmtsɛ ɔ nae.

Yakobo 1:17

Nike ní kpakpa, kɛ níhi nɛ hi kɛ pi si nɛ wa naa yaka a, lɛ tsuo Mawu lɛ haa wɔ. Mawu lɛ bɔ pu, nyɔhiɔ, kɛ dodoehi nɛ ngɛ hiɔwe ɔ. E haa nɛ a haa wɔ la daa, nɛ lɛ nitsɛ hu e tsakee we gblegbleegble.

Yakobo 1:5

Se ke nyɛ ti nɔ ko ngɛ nile hlae ɔ, e kpa Mawu pɛɛ, nɛ e ma ha lɛ; ejakaa Mawu haa nɔ nɔ́ faa nɛ mi mi gbigblimi be mi.

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.

Yakobo 2:4

Tse nyɛ na nɔ nɛ nyɛ ngɛ pee ɔ! Mi gbami nyɛɛ kɛ ngɛ nyɛ kpɛti bae ɔ nɛ. Nyɛ ngɛ nyɛ sibi a he ga yaya toe.

Yakobo 3:15

Kikɛmɛ a nile nɛ ɔ, pi hiɔwe nɛ e je; zugba nɛ ɔ nɔ nɔ́; Mawu mumi be mi, mumi yayami sɔuu.

Yakobo 4:8

Nyɛɛ hɛ nyɛ kɛ su Mawu he, nɛ e maa hɛ lɛ kɛ su nyɛ he. Yayami peeli, nyɛ fɔ nyɛ dɛ! Nyɛ yi mi enyɔɔnyɔtsɛmɛ, nyɛ tsake nyɛ tsui.

1 Petro 1:22

Amlɔ nɛ ɔ, anɔkuale tsɔɔmi ɔ nɛ kɔɔ Yesu Kristo he ɔ, nyɛ ye nɔ. Nyɛ tsukɔ nyɛ he, nɛ nyɛ ba na suɔmi kpakpa kɛ ha nyɛ nyɛmimɛ nɛ ngɔ a he ngɔ ha Yesu ɔ. Lɔ ɔ he ɔ, nyɛɛ suɔ nyɛ sibi saminya kɛ nyɛ tsui tsuo.

1 Petro 2:1

Lɔ ɔ he ɔ, nyɛ kpa yayami tsuaa yayami peemi, lakpa, osato, ninyɛ, kɛ nihi a he munyu tumi.

1 Petro 2:18

Sɔmɔli, nyɛɛ ba nyɛ he si ha nyɛ nyɔmtsɛmɛ, nɛ nyɛɛ bu mɛ saminya; pi nihi nɛ a mi mi hi, nɛ a he jɔ kɛkɛ, se ni nɛmɛ nɛ waa nyɛ yi mi tete.

1 Yohane 3:18

Ye bimɛ nɛ i suɔ! Ke wa ke wa suɔ nɔ ko ɔ, wa ko de kɛ nya kɛkɛ; wa suɔmi ɔ nɛ pee anɔkuale suɔmi nɛ jee kpo ngɛ ní peemi mi.

1 Yohane 3:3

Nɔ tsuaa nɔ nɛ ngɛ hɛ kɛ nɔ fɔmi kaa kikɛ nɛ ɔ ngɛ Kristo mi ɔ, peeɔ e he klɔuklɔu kaa bɔ nɛ Kristo hu ngɛ klɔuklɔu ɔ.