Yakobo 3:16 - BAIBLO ALOO NGMAMI KLƆUKLƆU Ɔ

¹⁶ He nɛ hunga jemi ngɛ, nɛ nihi suɔ kaa e hi ha mɛ pɛ ɔ, lejɛ ɔ nɛ a naa sakasaka peemi, kɛ awi yemi slɔɔtohi babauu ngɛ.

Somi He Ɔ

¹⁶ Ejakaa he nɛ hunga jemi kɛ pɛ ngɛ ɔ, lejɛ ɔ sakasaka peemi kɛ ni yayahi kulaa ngɛ.

Yakobo 3:16 ပူးပေါင်းရင်းမြစ်များ

Mose I, 11:9

A wo ma a biɛ ke Babilon, ejakaa lejɛ ɔ Yawɛ tsaka ni ɔmɛ a gbi ɔ ngɛ, nɛ e gbɛ mɛ ngɔ fĩa je ɔ mi tsuo.

Mose I, 38:9

Se Onan le kaa bimɛ ɔmɛ ba be e nɔ pee. Enɛ ɔ he je ɔ, be tsuaa be nɛ e kɛ e nyɛmi ɔ yo ɔ ma na bɔmi ɔ, e haa nɛ nyu nɛ jeɔ e he ɔ pueɔ zugba, bɔ nɛ pee nɛ e ko fɔ bimɛ ha e nyɛmi ɔ.

Marko 3:25

Ke we ko gba ta wo lɛ nitsɛ e he ɔ, jamɛ a we ɔ be si nyɛe maa da.

Ni Tsumi 19:29

Ma a mi tsuo pee hoo kɛ ngmlaa. Kɛkɛ nɛ basabasa peeli ɔmɛ ya nu Gayo kɛ Aristarko, Makedonia bi nɛ piɛ Paulo he kɛ hia blɔ ɔ, nɛ a tsɛ̃ a yi se kɛ fo kɛ ho he nɛ ma a kpee ngɛ ɔ ya.

Romabi 2:8

Se ni nɛmɛ nɛ mɛɛ lɛɛ mɛ nitsɛmɛ a nɔ mi pɛ a foɔ, nɛ a bui anɔkuale, nɛ nɔ́ yayami se pɛ a dii ɔ, Mawu kɛ mi mi la, kɛ mi mi fumi ma kple a nɔ.

1 Korintobi 14:33

Mawu sume basabasa, se mohu tue mi jɔmi e suɔ. Bɔ nɛ níhi ngɛ ngɛ Mawu we asafo ɔmɛ tsuo a mi ji nɛ ɔ nɛ.

1 Korintobi 3:3

Nyɛ ngɛ he lo nya kɛ mwɔɔ, ejakaa nɔ́ nɛ je mi bi peeɔ ɔ, lɔ ɔ nyɛ hu nyɛ peeɔ. Be abɔ nɛ hunga jemi, kɛ pɛ ngɛ nyɛ kpɛti kɛ mwɔɔ ɔ, anɛ enɛ ɔ tsɔɔ we kaa je mi bi ji nyɛ lo? Nɔ́ nɛ nɔ tsuaa nɔ peeɔ ɔ, anɛ pi lɔ ɔ nɔuu nɛ nyɛ hu nyɛ ngɛ pee ɔ lo?

2 Korintobi 12:20

I ngɛ gbeye yee kaa ke i ba nyɛ slaami ɔ, i ba be nyɛ nae bɔ nɛ i ko suɔ, nɛ nyɛ hu nyɛ be mi nae bɔ nɛ nyɛ ko suɔ. Eko piɔ ɔ, níhi nɛ ma ba na kɛkɛ ji pɛ, hunga jemi, mi mi la, mi gbami, nɔ biɛ puɛmi, sieku yemi, he nɔ womi, kɛ basabasa peemi.

Galatabi 5:20

amaga jami, kunya tsumi, ninyɛ, pɛ hlami, hunga jemi, mi mi la womi, pɛ, mi gbami, nya hiɔmi,

Yakobo 3:14

Se ke hunga jemi yaya, kɛ pɛ ngɛ nyɛ tsui mi, nɛ nyɛ ti nɔ tsuaa nɔ ngɛ hlae kaa e hi ha lɛ nɔ kake pɛ ɔ, nyɛ ko fĩa, nɛ́ nyɛ ba ye lakpa ngɔ si anɔkuale ɔ.

1 Yohane 3:12

Wa ko pee kaa bɔ nɛ Kain pee ɔ; ejakaa Abosiami mumi ngɛ e mi, nɛ e gbe lɛ nitsɛ e nyɛmi Habel. Mɛni he je Kain gbe e nyɛmi ɔ? Ejakaa níhi nɛ e tsu ɔ, ní ɔmɛ dɛ, se e nyɛmi ɔ lɛɛ níhi nɛ e tsu ɔ da.