Yakobo 3:10 - BAIBLO ALOO NGMAMI KLƆUKLƆU Ɔ

¹⁰ Adesa lilɛ kake ɔ, e kɛ gbaa, nɛ e kɛ gbiɛɔ nɔ hulɔ. Ye nyɛmimɛ, e sɛ́ kaa e baa jã.

Somi He Ɔ

¹⁰ Nya kake ɔ nɔuu mi gbaami kɛ gbiɛmi jee. Mamimɛ, enɛ ɔmɛ ɔ, e sɛ́ nɛ e baa ja.

Yakobo 3:10 ပူးပေါင်းရင်းမြစ်များ

Mose I, 20:9

Kɛkɛ nɛ Abimelek tsɔ ya tsɛ Abraham kɛ ba, nɛ e bi lɛ ke, “Mɛni o pee wɔ nɛ ɔ? Mɛni yayami i pee mo loko o ha amanehlu kaa kikɛ nɛ ɔ ba i kɛ ye ma mi bi ɔmɛ wa nɔ ɔ? Nɔ́ nɛ a pee we nɔ nɛ o pee mi nɛ ɔ nɛ.

Samuel II, 13:12

Se Tamar de lɛ ke, “Dɛbi, ye nyɛminyumu, ko pue ye hɛ mi si; ejakaa a pee we nɔ́ nɛ ɔ ngɛ Israel. Ko tsu zo ní kaa kikɛ nɛ ɔ.

Mika 3:11

Ma nimeli ɔmɛ heɔ nyɔ mi ní loko a buá sane he; osɔfo ɔmɛ heɔ hiɔwo loko a tsɔɔ mlaa a sisi; gbali ɔmɛ heɔ sika loko a gbaa. Se mɛ tsuo a buɔ Mawu kua pɛɛ nɛ a deɔ ke, “Yawɛ kɛ wɔ ngɛ; nɔ́ ko nɔ ko be wɔ pee!”

Romabi 12:14

Nihi nɛ waa nyɛ yi mi ɔ, nyɛ kpa Mawu pɛɛ ha mɛ; nyɛ ko gbiɛ mɛ.

1 Korintobi 3:3

Nyɛ ngɛ he lo nya kɛ mwɔɔ, ejakaa nɔ́ nɛ je mi bi peeɔ ɔ, lɔ ɔ nyɛ hu nyɛ peeɔ. Be abɔ nɛ hunga jemi, kɛ pɛ ngɛ nyɛ kpɛti kɛ mwɔɔ ɔ, anɛ enɛ ɔ tsɔɔ we kaa je mi bi ji nyɛ lo? Nɔ́ nɛ nɔ tsuaa nɔ peeɔ ɔ, anɛ pi lɔ ɔ nɔuu nɛ nyɛ hu nyɛ ngɛ pee ɔ lo?

1 Timoteo 5:13

Enɛ ɔ se hu a puɛɔ be kɛ hii nihi a we mi kpae. Nɔ́ nɛ pe enɛ ɔ po ji kaa a yeɔ sieku; a jeɔ si, nɛ a ngɔɔ a nya kɛ woɔ nihi a munyu mi; nɛ nɔ́ nɛ sɛ́ kaa a deɔ hu, a maa hi dee putɛputɛɛ.

Yakobo 1:16

Ye nyɛmimɛ nɛ i suɔ, nyɛ ko ha nɛ a sisi nyɛ.

Yakobo 1:19

Ye nyɛmimɛ nɛ i suɔ, nyɛ hɛ nɛ hi enɛ ɔ nɔ. Ke nɔ ko ngɛ munyu tue ɔ, nyɛɛ bu tue; nyɛ he ko sɔ kɛ tu munyu, nɛ nyɛ mi mi hu ko fu mla.

Yakobo 3:1

Ye nyɛmimɛ, nyɛ ti nihi fuu kó pee nyɛ he tsɔɔli. Kaa bɔ nɛ nyɛ le ɔ, wɔ tsɔɔli ɔmɛ ɔ, wa tue gblami nya maa wa pe ni kpa amɛ.

Yakobo 3:11

Anɛ nyu hɛngmɛ baa nyu mua, kɛ nyu doodooe kɛ jee hɛngmɛ kake ɔ nɔuu mi lo?

Yakobo 3:9

Lilɛ waa kɛ naa wa Nyɔmtsɛ, kɛ wa Tsɛ Mawu ɔ si; nɛ lɛ nɔuu waa kɛ gbiɛɔ wa sibi adesa nɛ Mawu bɔ ngɛ e subai nɔ ɔ.

1 Petro 3:9

Nyɛ ko ngɔ yayami kɛ ma yayami nane mi, aloo jɛmi kɛ ma jɛmi nane mi. Ke nihi pee nyɛ yayami, loo a jɛ nyɛ ɔ, nyɛ de Mawu nɛ e gbaa mɛ mohu. Ejakaa gbaami Mawu wo si ke e maa gbaa nyɛ benɛ e tsɛ nyɛ ɔ nɛ.