Yakobo 2:5 - BAIBLO ALOO NGMAMI KLƆUKLƆU Ɔ

⁵ Ye nyɛmimɛ nɛ i suɔ, nyɛɛ bu tue. Tse nyɛ le kaa nihi nɛ je ɔ buu mɛ ohiatsɛmɛ ɔ, mɛ Mawu hla a. Akɛnɛ a heɔ Yesu yeɔ ɔ, nimli nɛ ɔmɛ ba pee mumi mi niatsɛmɛ, nɛ matsɛ yemi ɔ nɛ Mawu wo si ha nihi nɛ suɔ lɛ ɔ ba pee a nɔ.

Somi He Ɔ

⁵ Mamimɛ nɛ i suɔ, nyɛɛ bu tue! Anɛ pi je nɛ ɔ mi ohiafohi nɛ ji niatsɛmɛ ngɛ hemi kɛ yemi blɔfami ɔ nɛ Mawu hla, konɛ matsɛyemi nɛ e wo he si ngɔ ha ninɛmɛ nɛ a suɔ lɛ ɔ nɛ e pee a nɔ lo?

Yakobo 2:5 ပူးပေါင်းရင်းမြစ်များ

Matsɛmɛ I, 22:28

Mikaya he nɔ ke, “Ke o kpale kɛ ba kɛ manye ɔ, lɛɛ tsa pi Yawɛ nɛ tu munyu kɛ gu ye nɔ mɔ!” E ya nɔ de ke, “Nyɛ tsuo nyɛɛ nu nɔ́ nɛ i ngɛ dee ɔ!”

Hiob 34:10

Lɔ ɔ he ɔ, nyɛɛ bu mi tue, nyɛ juɛmitsɛmɛ! Anɛ Mawu maa pee yi wu tso ní lo? Anɛ Ope ɔ maa pee nɔ́ nɛ dɛ blɔ lo?

Hiob 34:19

Mawu hyɛ we ganɔhi a hɛ mi. E bui niatsɛmɛ pe ohiatsɛmɛ; ejakaa lɛ nɛ e bɔ mɛ tsuo.

Hiob 38:14

Piani la haa nɛ a naa yoku ɔmɛ, kɛ kɔ̃ ɔmɛ saminya kaa bɔ nɛ a naa zahi ngɛ bo mi, aloo nya sɔumi nɔ́ ngɛ tabo zu mi ɔ.

Mose II, 20:6

Se nihi akpe abɔ nɛ suɔ mi, nɛ a yeɔ ye mlaa amɛ a nɔ ɔ, mɛɛ i naa mɛ mɔbɔ.

Abɛ Womi 13:7

Ni komɛ peeɔ a he niatsɛmɛ, pohu nɔ́ ko be a dɛ. Ni komɛ hu peeɔ a he ohiatsɛmɛ, se a ngɛ ní babauu.

Abɛ Womi 7:24

Lɔ ɔ he ɔ, ye bimɛ, nyɛɛ bu tue! Nyɛ ta tue nɛ nyɛɛ nu nɔ́ nɛ i ngɛ nyɛ dee ɔ.

Abɛ Womi 8:32

“Lɔ ɔ he ɔ, nihewi, nyɛɛ bu mi tue! Nyɛɛ pee bɔ nɛ i de nyɛ ɔ, nɛ nyɛ ma na bua jɔmi.

Yesaya 14:32

Mɛni heto wa ma ha tsɔli ɔmɛ nɛ je Filistia kɛ ba a? Wa ma de mɛ ke Yawɛ to Zion sisi saminya, nɛ e ma a nɛ ngɛ amanehlu nae ɔ, a tue mi maa jɔ mɛ ngɛ lejɛ ɔ.

Yesaya 29:19

Nihi nɛ a he jɔ, dɛgutsɛmɛ, kɛ nihi nɛ a ní ngɛ mɔbɔ ɔ, Yawɛ Israel Mawu klɔuklɔu ɔ ma ha mɛ bua jɔmi ekohu.

Zefania 3:12

Ma si nihi nɛ peeɔ a he humi, kɛ ohiatsɛmɛ ngɛ nyɛ kpɛti, nɛ a maa ngɔ a hɛ kɛ fɔ imi Yawɛ ye nɔ.

Zakaria 11:11

A po somi ɔ mi jamɛ a ligbi ɔ nɔuu, nɛ to je juali ɔmɛ nɛ na nɔ́ nɛ i pee ɔ yɔse kaa Yawɛ sɛ gbi ji nɛ ɔ nɛ.

Zakaria 11:7

To je juali ɔmɛ bɔ mi apaa, nɛ i hyɛ to kuu ɔ nɛ a yaa gbe ɔ nɔ. I ngɔ dɛma tso enyɔ. I wo kake biɛ ke “Dloomi”, nɛ i tsɛ enyɔne ɔ “Kakepeemi”. Nɛ i hyɛ to ɔmɛ a nɔ.

Mateo 11:5

Hɛ yuyuili ngɛ nɔ́ hyɛe, glɔtsɛmɛ ngɛ nyɛɛe, nɛ nihi nɛ ngɛ he womi nɔ hiɔ yaya nue ɔ, a he ngɛ tsɔe; amuɛtihi ngɛ nɔ́ nue, gbogboehi ngɛ si tee, nɛ a ngɛ sane kpakpa fiɛe ha ohiatsɛmɛ.

Mateo 25:34

Kɛkɛ ɔ, matsɛ ɔ ma de nihi nɛ ngɛ e hiɔ nɔ ɔ ke, ‘Nyɛ nihi nɛ Tsaatsɛ gbaa nyɛ, nyɛɛ ba! Matsɛ yemi ɔ nɛ a dla ngɔ to nyɛ kɛ je be nɛ a to je ɔ sisi ɔ, nyɛ ba ngɔ.

Mateo 5:3

“A gbaa nihi nɛ le kaa mumi mi ohiatsɛmɛ ji mɛ, ejakaa a nɔ́ ji hiɔwe matsɛ yemi ɔ nɛ.

Marko 7:14

Kɛkɛ nɛ Yesu tsɛ ni ɔmɛ tsuo kɛ ba e ngɔ ekohu, nɛ e de mɛ ke, “Nyɛ tsuo nyɛɛ bu mi tue saminya, konɛ nyɛɛ nu sisi.

Luka 12:21

Yesu de kɛ gbe nya ke, “Nɔ nɛ buaa níhi a nya kɛ haa e he, se e pi niatsɛ ngɛ Mawu níhi a mi ɔ, nɔ́ nɛ baa e nɔ ji nɛ ɔ nɛ.”

Luka 12:32

“Kuu nyafii, nyɛ ko ye gbeye; ejakaa nyɛ Tsɛ ɔ ngɛ he tsui kaa e maa ngɔ matsɛ yemi ɔ ngɔ ha nyɛ.

Luka 16:22

“Ohiatsɛ ɔ ba gbo, nɛ bɔfohi ba ngɔ lɛ kɛ ho Abraham mi si ya. Niatsɛ ɔ hu ba gbo, nɛ a pu lɛ.

Luka 16:25

“Se Abraham de lɛ ke, ‘Ye bi, kai kaa o wami be mi ɔ, o na ní kpakpahi babauu, be mi nɛ Lazaro lɛɛ e na ní yayahi sɔuu. Se piɔ lɛɛ e na bua jɔmi, nɛ moo lɛɛ o ngɛ nɔ́ nae.

Luka 22:29

Lɔ ɔ he ɔ, he wami nɛ Tsaatsɛ ha mi nɛ ma kɛ ye e ma a nɔ ɔ, imi hu i ngɛ nyɛ jamɛ a he wami ɔ hae.

Luka 6:20

Yesu plɛ e hɛ mi ngɔ kpee e kaseli ɔmɛ, nɛ e de mɛ ke, “A gbaa nyɛ, ohiatsɛmɛ, ejakaa nyɛ nɔ́ ji Mawu matsɛ yemi ɔ nɛ!

Yohane 7:48

Anɛ nyɛ nu hyɛ kaa ma nimeli ɔmɛ, aloo Farisi bi ɔmɛ a ti nɔ kake ngmelu po he lɛ ye lo?

Ni Tsumi 7:2

Stefano he nɔ ke, “Tsaatsɛmɛ kɛ ye nyɛmimɛ, nyɛɛ bu tue. Benɛ wa nɛ̃ Abraham ngɛ Mesopotamia nɛ e na we nɛ e ba hi Haran lolo ɔ, Mawu nɛ hɛ mi ngɛ nyami ɔ je e he kpo tsɔɔ lɛ,

Romabi 8:17

Akɛnɛ Mawu bimɛ ji wɔ ɔ, wa peeɔ Mawu we ní yeli hulɔ, nihi nɛ a kɛ Kristo maa dla ní. Ee, ke waa kɛ Kristo na nɔ́ ɔ, a maa wo waa kɛ lɛ tsuo wa hɛ mi nyami.

1 Korintobi 2:9

Se, kaa bɔ nɛ a ngma a, “Nɔ́ nɛ hɛngmɛ nɛ́ hyɛ, Nɔ́ nɛ tue nui hyɛ, Nɔ́ nɛ adesa ko juɛmi sui he ɔ, Lɔ ɔ nɔuu Mawu dla ngɔ to nihi nɛ suɔ lɛ.”

2 Korintobi 4:15

Nyɛ he nɛ a ngɛ enɛ ɔ tsuo pee ngɛ. Nɛ ke Mawu dloomi nya a, a ba he nihi fuu a yi wami ɔ, jã kɛ̃ sina sɔlemi ɔ maa hiɛ kɛ wo Mawu hɛ mi nyami.

2 Korintobi 6:10

A naa wɔ kaa kɔmɔ yeli, se daa nɛ ɔ, wa bua jɔ; wa ngɛ kaa ohiatsɛmɛ, se wa haa nɛ nihi babauu peeɔ niatsɛmɛ; wa ngɛ kaa dɛgutsɛmɛ, se wa ngɛ nɔ́ tsuaa nɔ́.

2 Korintobi 8:9

Nyɛ le suɔmi agbo nɛ wa Nyɔmtsɛ Yesu Kristo ngɛ kɛ ha wɔ. Niatsɛ mi niatsɛ ji lɛ. Se nyɛ he ɔ, e pee e he ohiatsɛ, konɛ nyɛɛ lɛɛ nyɛɛ pee niatsɛmɛ.

Efesobi 1:18

I kpaa Mawu pɛɛ nɛ e bli nyɛ mumi mi hɛngmɛ. Kɛkɛ ɔ, níhi nɛ Mawu wo si kaa e ma ha nyɛ benɛ e tsɛ nyɛ, nɛ nyɛ ngɔ nyɛ hɛ ngɔ fɔ nɔ ɔ, nyɛ maa na. Nyɛ maa le hu kaa níhi nɛ Mawu wo si kaa e ma ha e ni klɔuklɔu ɔmɛ ɔ, a hɛ mi ngɛ nyami babauu.

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

1 Tesalonikabi 2:12

Wa wo nyɛ he wami; wa wo nyɛ bua, nɛ wa wo nyɛ ga kaa nyɛɛ ba nyɛ je mi bɔ nɛ sa Mawu hɛ mi. Lɛ nɛ e tsɛ nyɛ ke nyɛɛ ba lɛ nitsɛ e matsɛ yemi ɔ, kɛ e nyami ɔ mi.

2 Tesalonikabi 1:5

Enɛ ɔ tsɔɔ paa kaa Mawu yeɔ dami sane; e ngɔ nɔ́ nɛ nyɛ ngɛ nae nɛ ɔ kɛ ngɛ nyɛ dlae kɛ ha e matsɛ yemi ɔ.

1 Timoteo 6:18

A ko pee kpɛle, se a bɔle nine ha nɔ tsuaa nɔ.

2 Timoteo 4:18

Nyɔmtsɛ ɔ ma je mi kɛ maa je ní yayamihi tsuo a mi, nɛ e kɛ mi maa ya hiɔwe he nɛ e ngɛ matsɛ yee ngɛ ɔ fiafiaafia. A maa wo e hɛ mi nyami kɛ maa ya neneene. Amen.

2 Timoteo 4:8

Lɔ ɔ he ɔ, Mawu ngɔ ye hiɔwo nɛ ji jlasi nɛ e kɛ haa nihi tsuo nɛ peeɔ nɔ́ nɛ da a ngɔ to ha mi. Kojomi ligbi ɔ, Nyɔmtsɛ Yesu Kristo, nɔ nɛ yeɔ dami sane ɔ maa ngɔ ye jlasi ɔ ngɔ ha mi. Pi imi nɔ kake pɛ nɛ e ma ha, se mohu e ma ha nihi tsuo nɛ suɔ lɛ, nɛ a ngɛ e bami ɔ blɔ hyɛe ɔ.

Hebribi 11:26

Ngɛ Mose susumi nya a, ke a bɔ nɔ ko ahlua ngɛ Kristo ɔ he ɔ, juetli babauu nɛ ngɛ Egipt ɔ po he jua wɛ kaa lɔ ɔ, ejakaa e hɛ ngɛ hiɔwo nɛ e ma na hwɔɔ se ɔ nɔ.

Yakobo 1:12

Nɔ nɛ ke a ngɛ lɛ kae ɔ, e toɔ e tsui si, nɛ e ngmɛɛ we e hemi kɛ yemi he ɔ, á gbaa lɛ. Ejakaa ke e nyɛ gblee ka a mi ɔ, neneene wami nɛ Mawu wo si kaa a ma ha nihi nɛ suɔ lɛ ɔ, e nine maa su nɔ.

Yakobo 1:16

Ye nyɛmimɛ nɛ i suɔ, nyɛ ko ha nɛ a sisi nyɛ.

Yakobo 1:19

Ye nyɛmimɛ nɛ i suɔ, nyɛ hɛ nɛ hi enɛ ɔ nɔ. Ke nɔ ko ngɛ munyu tue ɔ, nyɛɛ bu tue; nyɛ he ko sɔ kɛ tu munyu, nɛ nyɛ mi mi hu ko fu mla.

Yakobo 1:9

Kristo se nyɛɛlɔ ohiatsɛ ɔ, ke Mawu wo e nɔ ɔ, e fĩa;

1 Petro 1:4

Lɔ ɔ he ɔ, wa hɛ ngɛ nɔ kaa Mawu ngɔ gbosi ní nɛ puɛ we, nɛ mu be he, nɛ kpa we hulɔ ɔ ngɔ to ha nyɛ ngɛ hiɔwe.

2 Petro 1:11

Kɛkɛ ɔ, Mawu ma ha nyɛ blɔ nɛ nyɛ maa sɛ wa Nyɔmtsɛ, kɛ wa kpɔlɔ Yesu Kristo matsɛ yemi ɔ mi.

Kpojemi 2:9

I le o haomi ɔmɛ! I le kaa nɔ́ ko be o dɛ lɛɛ, se kɛ̃ ɔ, niatsɛ ji mo. Nihi nɛ deɔ ke Yuda bi ji mɛ, pohu e be mi ja a, ní yayahi nɛ a deɔ ngɛ o he ɔ, i le lɛ tsuo. Abosiami jali a kuu ji mɛ!

Kpojemi 21:7

Nihi tsuo nɛ maa ye kunimi ɔ ma na nike ní nɛ ɔ kɛ maa je ye dɛ mi; ma pee a Mawu, nɛ mɛ hu a maa pee ye ma.

Kpojemi 3:18

Lɔ ɔ he ɔ, i ngɛ mo ga woe nɛ o ba he sika tsu ngɛ ye dɛ; ee, ba he sika tsu ngmingmiingmi ngɛ ye dɛ, konɛ o na ní. He ní hiɔ hu nɛ o wo, nɛ a ko na kaa o hɛɛ o he gu, ejakaa e ngɛ zo. Jehanɛ, he tsopa nɛ o nga ngɔ pue o hɛngmɛ nɔ, konɛ o hyɛ nɔ́.

Manyadali 9:7

Benɛ Yotam nu he ɔ, e ho ya da si ngɛ Gerizim yo ɔ yi mi, nɛ e kpa ngmlaa nɛ e de ke. “Nyɛɛ bu mi tue, nyɛ Shekem bi, konɛ Yawɛ hu nɛ bu nyɛ tue!

Samuel I, 2:30

Imi Yawɛ, Israel Mawu ɔ, i wo si be ko ke o kɛ o weku li ma sɔmɔ mi kaa osɔfohi kɛ maa ya neneene. Se jehanɛ ɔ, i ngɛ dee ke i kpale ye nya se! Mohu ɔ, nihi nɛ woɔ ye hɛ mi nyami ɔ, ma wo a hɛ mi nyami; nɛ nihi nɛ hiee mi ɔ, imi hu ma hie mɛ.

Samuel I, 2:8

E woɔ ohiatsɛmɛ a nɔ kɛ jeɔ tabo zu mi, nɛ e jeɔ ni nɛmɛ nɛ e fi mɛ kɛ jeɔ a haomihi a mi. E haa a kɛ ganɔhi hii si, nɛ e kɛ mɛ toɔ hɛ mi nyami blɔ hehi. Yawɛ níhi ji je ɔ titima amɛ; a nɔ nɛ e fia je ɔ kɛ fɔ.