Yakobo 2:20 - BAIBLO ALOO NGMAMI KLƆUKLƆU Ɔ

²⁰ Kuasia! O ngɛ hlae nɛ nɔ ko nɛ de mo ke hemi kɛ yemi kɛkɛ nɛ ní tsumi piɛ we he ɔ, e wui yiblii.

Somi He Ɔ

²⁰ Oo, kuasia, o ngɛ hlaɔ nɛ o le kaa hemi kɛ yemi nɛ ni tsumihi be he ɔ, hemi kɛ yemi gbogboe ʼi lo?

Yakobo 2:20 ပူးပေါင်းရင်းမြစ်များ

Abɛ Womi 12:11

Ngmɔ hulɔ nɛ tsuɔ ní wawɛɛ ɔ ma na niye ní babauu. Se nɔ nɛ ya nyɛɛɔ yakayaka níhi a se lɛɛ kuasia ji lɛ.

Yeremia 2:5

Yawɛ ke, “Mɛni tɔmi nyɛ nɛmɛ ɔmɛ na ngɛ ye he loko a tsɔ a he kɛ je ye he ɔ? A ya nyɛɛ níhi nɛ he be se nami a se, nɛ mɛ nitsɛmɛ a plɛ pee yaka nimli.

Romabi 1:21

A le Mawu ji nɛ, se e hɛ mi nyami nɛ sa kaa a woɔ kaa Mawu ji lɛ ɔ, a wui; nɛ a nɛ́ lɛ si hulɔ. Lɔ ɔ ji kaa nɔ́ kpakpa ko kulaa be a juɛmi mi; nɛ a kɔ we nɔ́ se, ejakaa a juɛmi mi wo diblii kpii.

Romabi 3:28

Lɔ ɔ he ɔ, wa yɔse kaa hemi kɛ yemi nɔ a guu kɛ woɔ nɔ nguɔ, se pi ní tsumi nɛ a tsu ngɛ mlaa a nya.

Romabi 9:20

Se mo nɔmlɔ adesa, mɛnɔ ji mo nɛ o ma de Mawu ke nɔ́ nɛ e de ɔ dɛ? Anɛ buɛ ma de nɔ nɛ puɛ lɛ ɔ ke, “Mɛni he je o puɛ mi kaa kikɛ nɛ ɔ?”

Galatabi 5:6

Ke nɔ ko ngɛ Kristo mi ɔ, a po lɛ jio, a pui lɛ jio, lɔ ɔ tsu we nɔ́ ko. Nɔ́ nɛ he hia wawɛɛ mohu ji hemi kɛ yemi nɛ jeɔ kpo ngɛ suɔmi nɛ wa ngɛ kɛ ha wa nyɛmimɛ ɔ mi ɔ.

Galatabi 6:3

Ke e peeɔ nɔ ko kaa nɔ ko ji lɛ, se pohu pi nɔ ko kulaa ji lɛ ɔ, lɛ nitsɛ e he nɛ e ngɛ sisie.

Kolosebi 2:8

Nyɛɛ hyɛ nɛ hi nɛ nɔ ko kó ngɔ je mi nile, loo yaka sisimi kɛ ye nyɛ nyɔguɛ. Blema tsɔɔmihi, kɛ mumihi nɛ yeɔ je ɔ nɔ ɔ, a ngɔ ní nɛ ɔmɛ je, se pi Kristo ngɔ.

1 Timoteo 1:6

Nɔ́ nɛ i ngɛ mo dee nɛ ɔ, ni komɛ ngmɛɛ he, nɛ nya sami nɛ he be se nami ha nɛ a tla blɔ.

Tito 1:10

Ejakaa nihi babauu tsɔ atuã, nɛ a ngɛ yakayaka munyu tue kɛ ngɛ nihi sisie. Nihi nɛ deɔ ke ja a po nɔ ɔ, mɛ titli lɛ a ngɛ ní nɛ ɔ tsue.

Yakobo 1:26

Anɛ nyɛ ti nɔ ko susuu kaa e ngɛ Mawu jae bɔ nɛ sa lo? Jamɛ a nɔ ɔ, e kɔ e lilɛ mi. Ke e kɔɛ e lilɛ mi ɔ, tsa pi Mawu nɛ e ngɛ jae, se lɛ nitsɛ e he kɛkɛ nɛ e ngɛ sisie.

Yakobo 2:17

Hemi kɛ yemi hu ja nɔuu e ngɛ; ke ní tsumi piɛ we he ɔ, e ji hemi kɛ yemi nɛ gbo.

Yakobo 2:26

Lɔ ɔ he ɔ, kaa bɔ nɛ ke mumi je nɔmlɔ tso ɔ mi nɛ e plɛɔ nɔ́ gbogboe ɔ, jã hemi kɛ yemi nɛ ní tsumi piɛ we he ɔ peeɔ hemi kɛ yemi gbogboe.