Yakobo 2:19 - BAIBLO ALOO NGMAMI KLƆUKLƆU Ɔ

¹⁹ Nyɛ heɔ yeɔ kaa Mawu kake pɛ lɛ ngɛ! Saminya! Mumi yayami ɔmɛ po heɔ yeɔ ja nɔuu. Nɛ lɔ ɔ haa a nuɔ sawale, nɛ a he doɔ blibliibli.

Somi He Ɔ

¹⁹ Moo lɛɛ o heɔ yeɔ kaa Mawu ɔ nɔ kake ʼi. O pee saminya! Mumi yayami ɔmɛ hu heɔ yee ja, nɛ a he doo kɛ gbeye yemi.

Yakobo 2:19 ပူးပေါင်းရင်းမြစ်များ

Yesaya 43:10

“Israel ma, mo ji ye we odase. Imi ji nɔ nɛ hla mo, konɛ o pee ye tsɔlɔ, bɔ nɛ pee nɛ o le mi, o he ye nɔ nɛ o ye, nɛ o na nɛ o le kaa imi pɛ ji Mawu. Ye se ɔ, mawu kpa ko be hu, mawu kpa ko hi si hyɛ, nɛ eko be bae gblegbleegble.

Yesaya 44:6

Bɔ nɛ Yawɛ, Israel matsɛ, kɛ e kpɔlɔ, nɛ lɛ ji Tabohiatsɛ ɔ ngɛ dee ji, “Imi ji kekleekle no, kɛ nyagbe no. Ye se ɔ, Mawu kpa ko be hu.

Yesaya 44:8

Ye ma, koo nu sawale! Koo ye gbeye! Ye we odase ji mo. Anɛ i de we enɛ ɔ blema lokoo lo? Anɛ ye se ɔ, Mawu ko pa ngɛ lo? Dɛbi, i li he wami kpa ko ngɛ ye se hu?”

Yesaya 45:6

I ngɛ nɔ́ nɛ ɔ pee, konɛ nihi tsuo ngɛ je ɔ mi, kɛ je beleku je kɛ ya si bonyoku je nɛ a le kaa imi ji Yawɛ, nɛ ye se ɔ, mawu kpa ko be hu.

Yesaya 46:9

Nyɛ kai níhi nɛ i pee blema lokoo ɔ; ejakaa Mawu kpa ko be nɛ kɛ mi sɔ.

Yona 4:4

Yawɛ bi lɛ ke, “E da ha mo kaa o mi mi fuɔ lo?”

Yona 4:9

Se Mawu bi Yona ke, “E da ha mo kaa o mi mi fuɔ tso nɛ ɔ lo?” Yona he nɔ ke, “I ngɛ he blɔ kaa ye mi mi fuɔ kɛ ya siɔ gbenɔ mi po.”

Zakaria 14:9

Nɛ Yawɛ maa ye tsɛ ngɛ je ɔ mi he tsuaa he. Nɔ tsuaa nɔ ma ja Mawu kake too ɔ, nɛ e biɛ pɛ a ma tsɛ.

Mateo 8:29

Si kake too ɔ, mumi yayami ɔmɛ kpa ngmlaa ke, “Mo Mawu Bi, mɛni sane waa kɛ mo ngɛ? Anɛ o ba hiɛ ɔ nɛ o ba gbla wa tue loko be ɔ nɛ su lo?”

Marko 1:24

“Yesu Nazaret no, mɛni sane waa kɛ mo ngɛ? O ba nɛ o ba kpata wa hɛ mi; pi ja? I le mo tsɔ! Mo ji Mawu tsɔlɔ klɔuklɔu ɔ nɛ.”

Marko 12:29

Yesu he nɔ ke, “Kekleekle nɔ́ ji, ‘Israel, bu tue! Nyɔmtsɛ wa Mawu ɔ, lɛ nɔ kake pɛ ji Nyɔmtsɛ.

Marko 5:7

nɛ e kpa ngmlaa wawɛɛ ke, “Yesu, Mawu nɛ ngɛ hiɔwe lokoo ɔ bi, mɛni o ngɛ hlae ngɛ ye dɛ? I na Mawu kaa kó pĩ mi!”

Marko 7:9

Jehanɛ Yesu de mɛ ke, “Tse nyɛ pee saminya kaa nyɛ kua Mawu mlaa a, konɛ nyɛɛ ye nyɛ blema tsɔɔmi ɔ nɔ!

Luka 4:34

“Jee hiɛmɛ nɛ ɔ, esɔ! Mɛni sane waa kɛ mo ngɛ, mo Yesu nɛ o je Nazaret? O ba nɛ o ba kpata wa hɛ mi, pi ja? I le mo tsɔ! Mo ji Mawu Nɔ Klɔuklɔu ɔ nɛ!”

Yohane 17:3

Ke a na le kaa mo ji anɔkuale Mawu ɔ, nɛ a le Yesu Kristo, nɔ nɛ o tsɔ ɔ, a ma na neneene wami.

Ni Tsumi 16:17

Yiheyo nɛ ɔ nyɛɛ waa kɛ Paulo wa se kɛ ngmlaa ke, “Kikɛmɛ a nimli nɛ ɔmɛ ɔ, Mawu, Hiɔwe No ɔ tsɔli ji mɛ; nɛ a ngɛ fiɛe kɛ ngɛ nyɛ tsɔɔe bɔ nɛ nyɛ maa pee nɛ a he nyɛ yi wami.”

Ni Tsumi 19:15

Se mumi yayami ɔ he nɔ, nɛ e de mɛ ke, “Yesu ɔ, i le lɛ, nɛ Paulo hu i le lɛ; se nyɛɛ lɛɛ mɛnɔmɛ ji nyɛ?”

Ni Tsumi 24:25

Se benɛ Paulo ngɛ dami, he nɔ yemi, kɛ kojomi nɛ maa ba a he munyu tue ɔ, Felike ye gbeye wawɛɛ, nɛ e de lɛ ke, “Yaa lolo, ke i na deka a, ma tsɛ mo ekohu.”

Romabi 3:30

Mawu kake lɛ ngɛ kɛ ha Yuda bi, kɛ ma je li tsuo; nɛ hemi kɛ yemi nɔ Mawu guu kɛ woɔ nihi nɛ a po mɛ ɔ nguɔ. Nihi nɛ a pui mɛ ɔ hu hemi kɛ yemi ɔ nɔ nɔuu a maa gu kɛ wo mɛ nguɔ.

1 Korintobi 8:4

Lɔ ɔ he ɔ, ma suɔ nɛ ma de nɔ́ ko ngɛ kusumi lo nɛ a kɛ haa amaga a yemi he. Wa le kaa amaga daa si ha nɔ́ ko nɛ be je nɛ ɔ mi. Wa le hu kaa mawu kpa ko be ngɛ anɔkuale Mawu kake ɔ se.

1 Korintobi 8:6

kɛ̃ ɔ, wɔɔ lɛɛ Mawu kake too nɛ ji Tsɛ ɔ, lɛ pɛ wa ngɛ. Lɛ nɛ bɔ níhi tsuo, nɛ lɛ nɛ ha nɛ wa ngɛ wami mi. Wa ngɛ Nyɔmtsɛ kake hulɔ; lɛ ji Yesu Kristo. E nɔ Mawu gu kɛ bɔ nɔ́ tsuaa nɔ́, nɛ lɛ nɛ ha nɛ wa ngɛ wami mi.

Galatabi 3:20

Se Mawu lɛɛ lɛ nɔ kake too lɛ wo Abraham si ɔ nɛ; e gui nɔ ko nɔ ko nɔ.

Mose V, 6:4

“Israel ma, nyɛ hɛ nɛ hi nɔ kaa Yawɛ, wa Mawu ɔ, lɛ pɛ ji Mawu.

1 Timoteo 2:5

Mawu kake kɛkɛ lɛ ngɛ, kɛ nɔ kake nɛ dlaa Mawu kɛ adesa a kpɛti. Jamɛ a nɔ ɔ ji Kristo Yesu.

Yakobo 2:8

E ngɛ ngmami ɔ mi ke, “Suɔ o nyɛmi kaa bɔ nɛ o suɔ mo nitsɛ o he.” Matsɛ yemi ɔ mi mlaa ji nɛ ɔ nɛ; ke o ye nɔ ɔ, lɛɛ o pee saminya.

Yuda 1:4

I ngɛ enɛ ɔ dee, ejakaa ni komɛ nɛ li Mawu ju si ba sɛ wa kpɛti. Sɛ gbi nɛ kɔɔ dloomi nɛ Mawu dloo wɔ ɔ he ɔ, nimli nɛ ɔmɛ plɛ hɛ mi ngɔ bu si, bɔ nɛ pee nɛ a kɛ laa a yakayaka ní peemi ɔmɛ a nɔ. Yesu Kristo, wa Tsɔɔlɔ, kɛ wa Nyɔmtsɛ kake too ɔ hu a kua lɛ. Blema lokoo lɛ ngmami ɔmɛ de to kaa a ma kpata nimli nɛ ɔmɛ a hɛ mi.

Yuda 1:6

Nyɛ kai Mawu bɔfohi nɛ hɛɛ blɔ nya sa a, nɛ pee se ɔ, a tsɔ atuã kɛ je mɛ nitsɛmɛ a si himi he ɔ. Amlɔ nɛ ɔ, a kɛ kɔsɔkɔsɔ fi mɛ, nɛ Mawu ngɔ mɛ ngɔ to gbogboehi a je ngɛ diblii nɛ mi ti mi. Lejɛ ɔ nɛ a maa hi hluu kɛ yaa si ligbi ngua a maa su, nɛ a maa kojo mɛ.

Kpojemi 20:10

Kɛkɛ nɛ a hɛ Abosiami ɔ nɛ sisi mɛ ɔ ngɔ fɔ taku kɛ e mi la nɛ ngɛ tsoe gegeege ɔ mi he nɛ lohwe awi yelɔ ɔ, kɛ lakpa gbalɔ ɔ ngɛ ɔ. Nɛ a ma pii mɛ nyɔ kɛ pia kɛ ya neneene.