Yakobo 2:18 - BAIBLO ALOO NGMAMI KLƆUKLƆU Ɔ

¹⁸ Se nɔ ko ma de ke, “Moo lɛɛ o hɛɛ hemi kɛ yemi, nɛ imi lɛɛ i tsuɔ ní” Yoo, tsɔɔ mi o hemi kɛ yemi nɛ o tsu we he ní ɔ, nɛ imi hu i kɛ níhi nɛ i tsuɔ ɔ maa tsɔɔ mo kaa i heɔ yeɔ.

Somi He Ɔ

¹⁸ Se nɔ ko ma de ke: “Moo lɛɛ o ngɛ hemi kɛ yemi, nɛ imi lɛɛ, i ngɛ ni tsumihi;” tsɔɔ mi o hemi kɛ yemi nɛ ni tsumihi be he ɔ, nɛ imi hu ma je ye ni tsumi ɔmɛ a mi ma tsɔɔ mo ye hemi kɛ yemi ɔ.

Yakobo 2:18 ပူးပေါင်းရင်းမြစ်များ

Romabi 14:23

Se ke e yi mi peeɔ lɛ enyɔɔnyɔ ngɛ niye ní ko he nɛ e ye ɔ, Mawu maa bu lɛ fɔ, ejakaa e be hemi kɛ yemi; nɛ nɔ́ ko nɛ o peeɔ nɛ hemi kɛ yemi be mi ɔ, e ji yayami.

Romabi 3:28

Lɔ ɔ he ɔ, wa yɔse kaa hemi kɛ yemi nɔ a guu kɛ woɔ nɔ nguɔ, se pi ní tsumi nɛ a tsu ngɛ mlaa a nya.

Romabi 4:6

Enɛ ɔ nɔuu David hu ngɛ tsɔɔe be nɛ e tu nɔ nɛ Mawu buu lɛ nɔ nɛ da, nɛ pohu pi nɔ́ ko nɛ e tsu he je ɔ e gbaami he munyu ɔ nɛ. E de ke,

Romabi 8:1

Amlɔ nɛ ɔ, nihi nɛ ngɛ Kristo Yesu mi ɔ, fɔ bumi ko be ha mɛ hu.

Romabi 9:19

Nyɛ ti nɔ ko ma bi mi ke, “Mɛni he je Mawu piaa wɔ mɔ? Nɔ́ nɛ e to e yi mi kaa e maa pee ɔ, anɛ nɔ ko ma nyɛ tsi nya lo?”

1 Korintobi 13:2

Ke a dloo mi he wami nɛ a kɛ fiɛɔ Mawu sɛ gbi ɔ, ke i le nɔ́ tsuaa nɔ́, nɛ i nuɔ laami sanehi tsuo a sisi, ke i ngɛ hemi kɛ yemi nɛ nya wa ngɛ Mawu mi, nɛ ma nyɛ ma hia yohi, se i be suɔmi ɔ, ye he be se nami ko kulaa.

2 Korintobi 5:17

Ke nɔ ko ba pee Kristo nɔ́ kɛkɛ e plɛ bɔ nɔ́ he; blema ní ɔmɛ tsuo be kɛ ho. Hyɛ, níhi tsuo pee e he.

2 Korintobi 7:1

Siwohi nɛ wa na kɛ je Mawu dɛ mi ji nɛ ɔmɛ nɛ. Lɔ ɔ he ɔ, ye nyɛmimɛ nyɛ ha wa je níhi tsuo nɛ woɔ wa nɔmlɔ tso, kɛ mumi he mu kɛ ya se, konɛ wa he nɛ tsɔ kulaa kɛ hi si ngɛ Mawu gbeye yemi nya.

Galatabi 5:6

Ke nɔ ko ngɛ Kristo mi ɔ, a po lɛ jio, a pui lɛ jio, lɔ ɔ tsu we nɔ́ ko. Nɔ́ nɛ he hia wawɛɛ mohu ji hemi kɛ yemi nɛ jeɔ kpo ngɛ suɔmi nɛ wa ngɛ kɛ ha wa nyɛmimɛ ɔ mi ɔ.

1 Timoteo 1:5

Nɔ́ nɛ i ngɛ mo fae ke o pee nɛ ɔ ma ha nɛ waa suɔ wa sibi kɛ tsui nɛ mi tsɔ; wa he nile be wɔ fɔ bue, nɛ wa ma he Kristo maa ye anɔkuale mi.

Tito 2:7

Mo nitsɛ o ba o je mi saminya ngɛ nɔ́ tsuaa nɔ́ mi, konɛ lɔ ɔ nɛ pee nɔ hyɛmi nɔ́ kpakpa ha ni ɔmɛ. Ke o ngɛ ní tsɔɔe ɔ, ha nɛ a na kaa o juɛmi mi tsɔ, nɛ o hɛ dɔ.

Hebribi 11:31

Hemi kɛ yemi lɛ ha nɛ Rahab, yaholɔ ɔ gbo we kɛ piɛ we tue gboli nɛ a kpata a hɛ mi ɔ a he, ejakaa nihi nɛ ya slaa zugba a, e he mɛ kɛ bua jɔmi.

Hebribi 11:33

Hemi kɛ yemi lɛ ha nɛ nimli nɛ ɔmɛ kɛ mahi hwu ta, nɛ a ye kunimi; a ha nɛ jatahi ma a nya.

Hebribi 11:6

Ke nɔ ko be hemi kɛ yemi ɔ, e be nyɛe maa sa Mawu hɛ mi. Ejakaa e hia kaa nɔ tsuaa nɔ nɛ maa hɛ lɛ kɛ su Mawu he ɔ, e he ye kaa Mawu ngɛ; nɛ nihi nɛ hlaa e se blɔ ɔ, e gbaa mɛ.

Yakobo 2:14

Ye nyɛmimɛ, ke nɔ ko ke e ngɛ hemi kɛ yemi, se e ní peepee tsɔɔ we ja a, mɛni se nami ngɛ he? Anɛ jamɛ a hemi kɛ yemi ɔ ma nyɛ he e yi wami lo?

Yakobo 3:13

Anɛ ní lelɔ ko ngɛ nyɛ kpɛti lo? Anɛ nɔ ko ngɛ nyɛ kpɛti nɛ nuɔ nɔ́ sisi lo? Jamɛ a nɔ ɔ, e ba e je mi saminya. E ngɔ he si bami kɛ tsu ní kpakpa kɛ ye e nile ɔ he odase.