Yakobo 2:1 - BAIBLO ALOO NGMAMI KLƆUKLƆU Ɔ

¹ Ye nyɛmimɛ, nyɛ heɔ Nyɔmtsɛ Yesu Kristo nɛ hɛ mi ngɛ nyami ɔ yeɔ, lɔ ɔ he ɔ, nyɛ ko hyɛ nɔ hɛ mi, nɛ nyɛ ko bu ni komɛ pe ni komɛ.

Somi He Ɔ

¹ Mamimɛ, nyɛɛ kɛ nihi a hɛ mi hyɛmi ko futu wa Nyɔmtsɛ Yesu Kristo nɛ ji hɛ mi nyami Nyɔmtsɛ ɔ hemi kɛ yemi ɔ mi.

Yakobo 2:1 ပူးပေါင်းရင်းမြစ်များ

Kronika II, 19:7

Nyɛɛ ye Yawɛ gbeye, nɛ nyɛɛ pee nyɛ níhi ngɛ blɔ nɛ da nɔ; ejakaa Yawɛ, wa Mawu ɔ sume kaa a plɛ dami sane hɛ mi ngɔ bu si, aloo a hyɛ nɔ hɛ mi, aloo a he nyɔ mi ní.”

Abɛ Womi 24:23

Ní leli a munyu komɛ hu ji nɛ ɔmɛ nɛ. Ke a ngɛ kojoe ɔ, e sɛ kaa a hyɛɔ nɔ hɛ mi.

Abɛ Womi 28:21

Nɔ hɛ mi hyɛmi hí. Abolo bɔbɔyoo ko nɛ o kɛ maa wo nɔ ko nya mi ɔ ma ha nɛ nɔ ɔ maa pee nɔ́ nɛ dɛ amlɔ.

Mose III, 19:15

“Nyɛɛ ye dami sane ngɛ kojomi mi; nyɛ ko hyɛ nɔ ko hɛ mi, ohiatsɛ ji lɛ jio, niatsɛ ji lɛ jio.

Mateo 22:16

Kɛkɛ nɛ a tsɔ a kaseli ɔmɛ a ti ni komɛ, kɛ Herode we bi komɛ kɛ ba e ngɔ. A ba de lɛ ke, “Tsɔɔlɔ, wa le kaa anɔkualetsɛ ji mo. Bɔ nɛ Mawu suɔ kaa adesa nɛ hi si ɔ, o tsɔɔ pɛpɛɛpɛ nɛ o yi nɔ ko nɔ ko gbeye; ejakaa o hyɛ we nimli a hɛ mi.

Ni Tsumi 10:34

Kɛkɛ nɛ Petro wo e nya nɔ nɛ e de ke, “I kpa si anɔkuale mi kaa Mawu hyɛ we nɔ hɛ mi.

Ni Tsumi 20:21

I tu munyu kɛ tsɔɔ Yuda bi, kɛ ma je li tsuo ke a kpa yayami peemi, nɛ a ba Mawu ngɔ, nɛ a he wa Nyɔmtsɛ Yesu Kristo nɛ a ye.

Ni Tsumi 24:24

Be saii se ɔ, Felike kɛ e yo Drusila ba. E yo ɔ, Yuda no ji lɛ. Felike ha a ya tsɛ Paulo kɛ ba. Benɛ Paulo ngɛ munyu tue ngɛ hemi kɛ yemi ngɛ Kristo Yesu mi he ɔ, e bu lɛ tue saminya.

Ni Tsumi 7:2

Stefano he nɔ ke, “Tsaatsɛmɛ kɛ ye nyɛmimɛ, nyɛɛ bu tue. Benɛ wa nɛ̃ Abraham ngɛ Mesopotamia nɛ e na we nɛ e ba hi Haran lolo ɔ, Mawu nɛ hɛ mi ngɛ nyami ɔ je e he kpo tsɔɔ lɛ,

Romabi 1:11

Ejakaa ye hɛ ngɛ jae wawɛɛ ngɛ nyɛ he, nɛ i suɔ kaa ma na nyɛ, konɛ ma ba ha nyɛ mumi mi nike ní kɛ wo nyɛ he wami.

1 Korintobi 2:8

Je nɛ ɔ mi nɔ yeli ɔmɛ a ti nɔ ko nɔ ko li nile nɛ ɔ, a le jinɛ a ko sɛu we Nyɔmtsɛ Mawu nɛ hɛ mi ngɛ nyami ɔ.

Mose V, 1:17

Nyɛ ko hyɛ nɔ hɛ mi ngɛ sane yemi mi; nyɛɛ bu nɔ tsuaa nɔ tue pɛpɛɛpɛ. Nyɛ ko ye nɔmlɔ adesa hɛ mi gbeye; ejakaa Mawu ji nɔ nɛ buáá sane he. Se ke sane ko pa nyɛ ɔ, lɛɛ nyɛ kɛ ba ye hɛ mi, konɛ imi nitsɛ ma hyɛ mi.’

Mose V, 16:19

A ko ye tue kpɛkpɛɛ sane; nɛ a ko hyɛ nɔ hɛ mi. A ko he nyɔ mi ní; ejakaa nyɔ mi ní hemi yuɔ ní leli po a hɛngmɛ, nɛ e haa a plɛɔ munyu hɛ mi buɔ si.

Kolosebi 1:4

Ejakaa hemi kɛ yemi nɛ nyɛ ngɛ ngɛ Kristo Yesu mi, kɛ suɔmi nɛ nyɛɛ kɛ suɔ ni klɔuklɔu ɔmɛ tsuo ɔ, wa nu he.

1 Timoteo 1:19

O hemi kɛ yemi mi nɛ wa, nɛ o he nile nɛ hi hɛ ngmengmle. Ni komɛ ya bui a he nile tue, nɛ a hemi kɛ yemi ɔ ta.

1 Timoteo 5:21

Ngɛ Mawu, kɛ Kristo Yesu, kɛ bɔfo klɔuklɔu ɔmɛ tsuo a hɛ mi ɔ, i ngɛ mo kita kae nɛ o ye mlaa nɛ ɔmɛ a nɔ pɛpɛɛpɛ. Ke o ngɛ nɔ́ ko pee ɔ, koo hyɛ nɔ hɛ mi. Jehanɛ hu, ko ha nɛ nɔ ko ní peepee nɛ sa o hɛ mi pe nɔ kpa nɔ́.

Tito 1:1

Imi Paulo, Mawu tsɔlɔ, kɛ Yesu Kristo bɔfo ɔ lɛ i ngma womi nɛ ɔ. Mawu hla mi, nɛ e tsɔ mi, konɛ ma ya wo nihi nɛ Mawu hla mɛ ɔ a hemi kɛ yemi mi he wami, nɛ ma tsɔɔ mɛ anɔkuale ɔ nɛ ngɛ Mawu jami mi.

Tito 2:13

be mi nɛ wa ngɛ gbaami nɛ wa ngɔ wa hɛ fɔ nɔ ɔ blɔ hyɛe ɔ. Jamɛ a be ɔ, wa Mawu kpetekpleenyɛ, kɛ wa kpɔlɔ Yesu Kristo hɛ mi nyami ɔ maa je kpo.

Hebribi 1:3

Bɔ nɛ Mawu hɛ mi ngɛ nyami ɔ, jã nɔuu Bi ɔ hu hɛ mi ngɛ nyami. Bi ɔ ngɛ kaa Mawu pɛpɛɛpɛ. E kɛ e munyu ɔ he wami kpetekpleenyɛ ɔ hɛɛ je ɔ tsuo. Benɛ e ngɔ je ɔ he yayami tsuo kɛ ho ɔ, e ya hi si ngɛ hiɔwe ngɛ matsɛ ngua a hiɔ nɔ.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

Yakobo 1:16

Ye nyɛmimɛ nɛ i suɔ, nyɛ ko ha nɛ a sisi nyɛ.

Yakobo 1:19

Ye nyɛmimɛ nɛ i suɔ, nyɛ hɛ nɛ hi enɛ ɔ nɔ. Ke nɔ ko ngɛ munyu tue ɔ, nyɛɛ bu tue; nyɛ he ko sɔ kɛ tu munyu, nɛ nyɛ mi mi hu ko fu mla.

Yakobo 2:3

Nɔ nɛ dla e he saminya a, nyɛ he lɛ atuu kɛ bu, nɛ nyɛ de lɛ ke, “I kpa mo pɛɛ, ba hi hiɛ!” Se ohiatsɛ ɔ lɛɛ, nyɛ de lɛ ke, “Dá si ngɛ lejɛ ɔ he ko!” aloo “Ba sɔ̃ si ngɛ hiɛ ɔ!”

Yakobo 2:9

Se ke nyɛ hyɛɔ nihi a hɛ mi ɔ, yayami nyɛ ngɛ pee ɔ nɛ, nɛ nyɛ yeɔ fɔ kaa nyɛ tɔ mlaa.

Yakobo 3:17

Se nɔ nɛ ngɛ nile nɛ je hiɔwe ɔ, kekleekle nɔ́ nɛ a naa ngɛ e he ji kaa e he tsɔ. Lɔ ɔ se ɔ, a naa kaa e he jɔ; e hɛ ka si, nɛ e nuɔ nɔ́ he ha nɔ. E naa nɔ mɔbɔ saminya, nɛ ní kpakpahi sɔuu e tsuɔ. E hyɛ we nihi a hɛ mi, nɛ e pee we osato.

2 Petro 1:1

Imi Simon Petro, Yesu Kristo tsɔlɔ, kɛ e bɔfo ɔ, i ngɛ womi nɛ ɔ ngmae kɛ yaa ha nihi nɛ a nine su hemi kɛ yemi nɛ he jua wa saminya kaa wɔ hu wa nɔ́ ɔ nɔ. Wa Mawu ɔ, kɛ wa kpɔlɔ Yesu Kristo, nɔ nɛ peeɔ nɔ́ nɛ da a, lɛ ha mɛ kikɛmɛ a hemi kɛ yemi ɔ nɛ.

Yuda 1:16

Daa nɛ ɔ, nimli nɛ ɔmɛ ngɛ munyu huitihuiti tue kɛ ngɛ bee; nɔ́ muɛ a hɛ gblegbleegble. Mɛ nitsɛmɛ a he akɔnɔ yayahi a se nɛ a dii. A fĩaa; a peeɔ nya puu, nɛ a gbee nihi a yi mi, konɛ a kɛ na ni ɔmɛ a he blɔ.

Kpojemi 14:12

Enɛ ɔ tsɔɔ kaa e hia kaa ni klɔuklɔu ɔmɛ nɛ yeɔ Mawu mlaa amɛ a nɔ, nɛ a heɔ Yesu yeɔ anɔkuale mi ɔ nɛ a to a tsui si daa.