Yakobo 1:9 - BAIBLO ALOO NGMAMI KLƆUKLƆU Ɔ

⁹ Kristo se nyɛɛlɔ ohiatsɛ ɔ, ke Mawu wo e nɔ ɔ, e fĩa;

Somi He Ɔ

⁹ Nyɛmi nɛ ji ohiafo ɔ, e fia ke Mawu wo e nɔ ɔ,

Yakobo 1:9 ပူးပေါင်းရင်းမြစ်များ

La 62:9

Nimli adesahi tsuo ngɛ kaa mumi nɛ a woɔ; nimli nguahi jio, nimli wawi jio, mɛ tsuo a pi nɔ́ ko kulaa. Ke a ngmɛ mɛ ngɛ sɛni mi ɔ, a ngɛ wojowojo kulaa, nɛ a jiimi sui mumi nɛ a woɔ.

Abɛ Womi 17:5

Nɔ nɛ yeɔ ohiatsɛ he fɛu ɔ, ohiatsɛ ɔ bɔlɔ e ngɛ jɛe ɔ nɛ. Nɔ nɛ bua jɔɔ nɔ ko amanehlu he ɔ, e be e he yee.

Abɛ Womi 19:1

Ohiatsɛ nɛ yeɔ anɔkuale ɔ, e hi pe kuasia nɛ yeɔ lakpa.

Yesaya 29:19

Nihi nɛ a he jɔ, dɛgutsɛmɛ, kɛ nihi nɛ a ní ngɛ mɔbɔ ɔ, Yawɛ Israel Mawu klɔuklɔu ɔ ma ha mɛ bua jɔmi ekohu.

Luka 1:52

E kpa matsɛmɛ nguanguahi kɛ je a sɛhi a nɔ, nɛ e wó humihi a nɔ.

Luka 10:20

Se, nyɛ ko na bua jɔmi kaa mumi yayami ɔmɛ buɔ nyɛ tue; nyɛ bua nɛ jɔ mohu kaa a ngma nyɛ biɛ ngɛ hiɔwe.”

Luka 14:11

Ejakaa nɔ tsuaa nɔ nɛ woɔ e he nɔ ɔ, a maa ba lɛ si, nɛ nɔ nɛ baa e he si ɔ, a ma wo e nɔ.”

Luka 9:48

nɛ e de mɛ ke, “Nɔ tsuaa nɔ nɛ ma he jokuɛ nyafii nɛ ɔ atuu ngɛ ye biɛ mi ɔ, imi e he atuu ɔ nɛ; nɔ tsuaa nɔ nɛ heɔ mi atuu ɔ, nɔ nɛ tsɔ mi ɔ lɛ e he atuu ɔ nɛ. Ejakaa nɔ nyafii pe kulaa ngɛ nyɛ tsuo nyɛ kpɛti ɔ, lɛ ji nɔmlɔ nguaa pe kulaa.”

Romabi 8:17

Akɛnɛ Mawu bimɛ ji wɔ ɔ, wa peeɔ Mawu we ní yeli hulɔ, nihi nɛ a kɛ Kristo maa dla ní. Ee, ke waa kɛ Kristo na nɔ́ ɔ, a maa wo waa kɛ lɛ tsuo wa hɛ mi nyami.

2 Korintobi 6:10

A naa wɔ kaa kɔmɔ yeli, se daa nɛ ɔ, wa bua jɔ; wa ngɛ kaa ohiatsɛmɛ, se wa haa nɛ nihi babauu peeɔ niatsɛmɛ; wa ngɛ kaa dɛgutsɛmɛ, se wa ngɛ nɔ́ tsuaa nɔ́.

Mose V, 15:11

Be tsuaa be ɔ, ohiatsɛmɛ komɛ maa hi nyɛ nyɛmimɛ Israel fɔfɔɛ ɔmɛ a kpɛti nɛ e fi mɛ kɛ̃; lɔ ɔ he ɔ, i ngɛ mo fae ke o bli o dɛ mi ha mɛ.

Mose V, 15:7

“Ke Israel fɔfɔɛ ko dɛ mi ba ta ngɛ ma amɛ a mi ngɛ zugba a nɛ Yawɛ, o Mawu ɔ ngɔ kɛ ngɛ mo hae ɔ nɔ ɔ, koo pee kpɛle nɛ o nyɛ lɛ nɔ́ he.

Mose V, 15:9

Ke jeha nɛ a kɛ hiɔ kee nɔ ɔ su ta po, ko kua kaa o maa pa lɛ nɔ́ ko. Ko ha susumi yaya kaa kikɛ nɛ ɔ nɛ ba o yi mi. Ke o kua lɛ nɔ́ nɛ hia lɛ ɔ hami, nɛ e fa kue ha Yawɛ kɛ si mo ɔ, a maa bu mo fɔ.

Filipibi 3:14

Lɔ ɔ he ɔ, i ngɔ hɛ kɛ pi oti ɔ, konɛ ye nine nɛ su jlasi ɔ nɔ. Enɛ ɔ he nɛ Mawu tsɛ wɔ kɛ je hiɔwe tɔɔ kɛ gu Kristo Yesu nɔ.

Filipibi 3:3

Wɔ mohu ji nihi nɛ a po mɛ anɔkuale mi. Ejakaa wɔɔ lɛɛ wa jaa Mawu kɛ guu e mumi ɔ nɔ, nɛ wa fĩaa kɛ fɔɔ Kristo Yesu nɔ. Wa ngɔɛ wa hɛ kɛ fɔɛ he lo nya ní peemi níhi a nɔ.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

Kpojemi 2:9

I le o haomi ɔmɛ! I le kaa nɔ́ ko be o dɛ lɛɛ, se kɛ̃ ɔ, niatsɛ ji mo. Nihi nɛ deɔ ke Yuda bi ji mɛ, pohu e be mi ja a, ní yayahi nɛ a deɔ ngɛ o he ɔ, i le lɛ tsuo. Abosiami jali a kuu ji mɛ!

Samuel I, 2:8

E woɔ ohiatsɛmɛ a nɔ kɛ jeɔ tabo zu mi, nɛ e jeɔ ni nɛmɛ nɛ e fi mɛ kɛ jeɔ a haomihi a mi. E haa a kɛ ganɔhi hii si, nɛ e kɛ mɛ toɔ hɛ mi nyami blɔ hehi. Yawɛ níhi ji je ɔ titima amɛ; a nɔ nɛ e fia je ɔ kɛ fɔ.