Yakobo 1:6 - BAIBLO ALOO NGMAMI KLƆUKLƆU Ɔ

⁶ Se ke o ngɛ Mawu nɔ́ ko he pɛɛ kpae ɔ, he ye, nɛ o ko je nɔ́ kulaa kaa Mawu ma ha mo nɔ́ nɛ o ngɛ bie ɔ. Nɔ nɛ jeɔ nɔ́ ɔ, e ngɛ kaa wo mi oslɔke nɛ kɔɔhiɔ ngɛ lɛ fiae kɛ ngɛ yae kɛ ngɛ bae.

Somi He Ɔ

⁶ Se e kpa pɛɛ ngɛ hemi kɛ yemi mi, nɛ e ko je nɔ́, ejakaa nɔ jelɔ ɔ e ngɛ kaa oslɔke nɛ kɔɔhiɔ fiaa kɛ yaa kɛ baa.

Yakobo 1:6 ပူးပေါင်းရင်းမြစ်များ

Mose I, 49:4

O ngɛ kaa pa nɛ hia kɛ bee. Se jehanɛ lɛɛ, o kekleekle blɔ he ɔ ma bɔ mo. Ejakaa o kɛ ye plã ya hwɔ si Nɛ o ble o tsɛ sa a.

Mateo 14:28

Petro he nɔ ke, “Nyɔmtsɛ, ke mo ɔ, lɛɛ ha nɛ ma nyɛɛ nyu ɔ hɛ mi kɛ ba o ngɔ.”

Ni Tsumi 10:20

Dla o he nɛ o kple si esɔ, nɛ o kɛ mɛ nɛ ho; ejakaa imi lɛ i tsɔ mɛ.”

Efesobi 4:14

Jehanɛ ɔ, wa be si hie hu kaa jokuɛwi nɛ heɔ tsɔɔmi yeɔ kaa kɔɔhiɔ mimiɛɔ nɔ́ kɛ yaa kɛ baa, konɛ nihi nɛ toɔ ga yaya, nɛ a yeɔ kutupɔ kɛ sisiɔ nɔ ɔ a nine ko su wa nɔ.

1 Timoteo 2:8

He tsuaa he nɛ asafo ɔ ma bua a he nya ngɛ kɛ ja Mawu ɔ, nyumuhi nɛ a sɔle. E hia kaa a pee Kristo se nyɛɛli nɛ ngɔ a he kɛ ha Mawu kulaa. Ke a ngɛ sɔlee ɔ, a wo a nine nɔ, nɛ mi mi la kó hi mi; nɛ a ko hla kaa a maa sã nya ngɛ nɔ́ ko he.

Hebribi 10:23

Nɔ́ nɛ wa ngɔ wa hɛ ngɔ fɔ nɔ, nɛ wa yeɔ he odase ɔ, nyɛ ha waa pɛtɛ he nɛ wa nɛ wa ko mimiɛ, ejakaa Mawu nɛ wo si ɔ, anɔkualetsɛ ji lɛ.

Hebribi 11:6

Ke nɔ ko be hemi kɛ yemi ɔ, e be nyɛe maa sa Mawu hɛ mi. Ejakaa e hia kaa nɔ tsuaa nɔ nɛ maa hɛ lɛ kɛ su Mawu he ɔ, e he ye kaa Mawu ngɛ; nɛ nihi nɛ hlaa e se blɔ ɔ, e gbaa mɛ.

Hebribi 13:9

Nyɛ ko ha ni komɛ nɛ ngɔ tsɔɔmi slɔɔtoslɔɔtohi nɛ kɛ sane kpakpa a kɔ we nɛ je nyɛ kɛ je blɔ kpakpa a nɔ. Mawu dloomi ɔ lɛ woɔ wa mumi mi he wami; se mlaahi nɛ kɔɔ niye ní he ɔ, se nami ko kulaa be he kɛ ha nihi nɛ yeɔ nɔ ɔ.

Yakobo 1:7

Nɔmlɔ nɛ jeɔ nɔ́ nɛ e juɛmi peeɔ lɛ enyɔɔnyɔ, nɛ e nyɛ we nɔ́ ko nya si mami ɔ, e ko susu kaa e ma na nɔ́ ko kɛ je Nyɔmtsɛ ɔ dɛ mi.

Yakobo 5:15

Ke a sɔle kɛ hemi kɛ yemi ha lɛ kikɛ nɛ ɔ, hiɔtsɛ ɔ ma na he wami. Nyɔmtsɛ ɔ ma tsa lɛ kulaa, nɛ e maa ngɔ yayami tsuo nɛ ngɛ hiɔtsɛ ɔ he ɔ kɛ pa lɛ.

2 Petro 2:17

Nimli nɛ ɔmɛ ngɛ kaa nyu vuhi nɛ nyu be a mi; a ngɛ kaa bɔkuhi nɛ ahumi ngɔ kɛ yaa. Mawu dla he ko ngɔ to mɛ ngɛ diblii nɛ mi ti mi.