Yakobo 1:26 - BAIBLO ALOO NGMAMI KLƆUKLƆU Ɔ

²⁶ Anɛ nyɛ ti nɔ ko susuu kaa e ngɛ Mawu jae bɔ nɛ sa lo? Jamɛ a nɔ ɔ, e kɔ e lilɛ mi. Ke e kɔɛ e lilɛ mi ɔ, tsa pi Mawu nɛ e ngɛ jae, se lɛ nitsɛ e he kɛkɛ nɛ e ngɛ sisie.

Somi He Ɔ

²⁶ Se ke e peɔ nyɛ ti nɔ ko kaa Mawu jalɔ ji lɛ nɛ e kɔɛ e lilɛ mi ɔ, e ngɛ e he sisie, nɛ kikɛmɛ a nɔmlɔ nɔ jami ɔ ji yaka.

Yakobo 1:26 ပူးပေါင်းရင်းမြစ်များ

Hiob 15:13

Mɛni he je o mi mi fu Mawu, nɛ o ha nɛ munyuhi kaa kikɛ nɛ ɔ je o nya mi?

Hiob 30:11

Akɛnɛ Mawu gbla ye tue nɛ i gbɔjɔ he je ɔ, a bui mi fɛɛ; nɔ́ nɛ a suɔ lɛ a peeɔ mi.

La 141:3

Yawɛ, moo to bulɔ nɛ hyɛ ye nya nɔ, konɛ e hyɛ ye munyu tumi nɔ.

La 32:9

Nyɛ ko pee nyɛ he kaa okpɔngɔ, aloo teji nɛ ja a ngɔ dade kɛ e he kpa wo e nya mi loko a ma nyɛ maa hɛɛ lɛ ɔ.”

La 34:13

Hyɛ nɛ o ko tu munyu nɛ sɛ́! Hyɛ nɛ o ko ye lakpa!

Abɛ Womi 10:19

Nɔ nɛ tuɔ munyu babauu ɔ, e kɛ we nɛ e peeɔ yayami. Ní lelɔ lɛɛ e hyɛɛ e lilɛ nɔ saminya.

Abɛ Womi 10:31

Nihi nɛ peeɔ nɔ́ nɛ da a, a tuɔ juɛmi munyu. Se lilɛ nɛ yeɔ lakpa a, a maa po lɛ kɛ fɔ he.

Abɛ Womi 14:12

Blɔ nɛ nɔmlɔ susuɔ kaa e da a, nyagbe ɔ, e kɛ nɔ yaa gbenɔ mi.

Abɛ Womi 15:2

Ní leli a ní sɛɛmi ngɔɔ ngɛ tue mi; kuasiahi lɛɛ munyu nɛ jeɔ a nya mi ɔ, juɛmi be mi.

Abɛ Womi 16:10

Ke matsɛ buá sane he ɔ, tɔmi ko kulaa be he; ejakaa matsɛ ɔ, Mawu biɛ mi e tuɔ munyu ngɛ.

Abɛ Womi 16:25

Blɔ nɛ moo o susu kaa e da a, nyagbe ɔ, e kɛ mo yaa gbenɔ mi.

Abɛ Womi 19:1

Ohiatsɛ nɛ yeɔ anɔkuale ɔ, e hi pe kuasia nɛ yeɔ lakpa.

Abɛ Womi 21:26

Nɔ nɛ peeɔ nɔ́ nɛ da a, e haa nɔ nɔ́, nɛ e nyɛ́ nɔ nɔ́ he; se yiwutsotsɛ lɛɛ daa nɛ ɔ, e hɛ ngɛ nɔ́ nɔ kɔe.

Yesaya 1:13

Se nami ko be he kaa nyɛ maa ngɔ nyɛ bɔ ɔmɛ kɛ ba hu. Nyɛ tsopa kɛ e he via nɛ nyɛ ngɛ sãe ɔ ngɛ fu jee kɛ ngɛ mi woe. I hla we nyɛ Nyɔhiɔhe nyami be ɔmɛ, nyɛ Hejɔɔmi ligbi ɔmɛ, kɛ behi nɛ nyɛ peeɔ kpe kɛ jaa imi, nyɛ Mawu ɔ hu; yayamihi nɛ nyɛ ngɛ pee ɔ puɛ enɛ ɔmɛ tsuo.

Yesaya 44:20

E ní pee mɔbɔ kaa nɔ nɛ ngɛ la zu yee; a mlɔɔ lɛ, nɛ e laa blɔ; lɔ ɔ he ɔ, e be nyɛe ma he lɛ nitsɛ e yi wami, loo nɛ e ma de ke, “Anɛ pi yaka nɔ́ nɔ nɛ i ngɔ ye hɛ ngɔ fɔ nɛ ɔ?”

Malaki 3:14

Ɛ̃ɛ̃, nyɛ deɔ ke, ‘Mawu jami he be se nami; ke wa ye Yawɛ Tabohiatsɛ ɔ mlaa amɛ a nɔ, nɛ wa pee mɔbɔmɔbɔ kaa nihi nɛ a he yayami ngɛ mɛ dɔe ɔ, mɛni se wa ma na?

Mateo 15:9

Yaka gu a jaa mi, ejakaa tsɔɔmihi nɛ a tsɔɔ ji mlaahi nɛ nimli pee.’ ”

Marko 7:7

Yaka gu a ke a ngɛ mi jae; nimli adesahi a mlaahi mohu a tsɔɔ!’

Luka 8:18

“Lɔ ɔ he ɔ, nyɛɛ bu tue saminya; ejakaa nɔ tsuaa nɔ nɛ nɔ́ ko ngɛ e dɛ ɔ, a ma ha lɛ fuu kɛ piɛ he. Se nɔ nɛ be nɔ́ ko ɔ, bɔɔ nɛ e susu kaa e ngɛ ɔ tete po a ma he ngɛ e dɛ.”

1 Korintobi 15:15

Pi enɛ ɔ kɛkɛ! E tsɔɔ kaa wa ye Mawu he lakpa, ejakaa wa de ke e tle Kristo si kɛ je gbeje. Se ke e ngɛ mi kaa a tle we ni gbogboehi si kɛ bɛ wami mi ekohu ɔ, lɛɛ Mawu tsa tle we Kristo si mɔ.

1 Korintobi 15:2

Ke nyɛ pɛtɛ sane kpakpa a he wawɛɛ kaa bɔ nɛ i fiɛ tsɔɔ nyɛ ɔ, a ma he nyɛ yi wami. Ke pi jã lɛɛ nyɛ he ye yaka gu.

1 Korintobi 3:18

Nyɛ ti nɔ ko nɔ ko kó sisi e he. Ke nyɛ ti nɔ ko susuu kaa lɛɛ e le ní pe nɔ tsuaa nɔ ɔ, é pee e he kuasia. Kɛkɛ ɔ, e maa pee ní lelɔ nitsɛnitsɛ.

Galatabi 2:6

Se ni nɛmɛ nɛ a buu mɛ kaa a ngɛ biɛ ɔ, bɔ tsuaa bɔ nɛ a ngɛ sa a, pi ye he sane ko. Mawu hyɛ we nimli a hɛ mi; ejakaa imi lɛɛ ni nɛmɛ nɛ a buu mɛ ɔ tsɔɔ we mi nɔ́ ko ngɔ piɛ he.

Galatabi 2:9

Yakobo, Petro, kɛ Yohane nɛ a buu mɛ kaa asafo ɔ mi titimahi ɔ na paa kaa Mawu dloo mi babauu, nɛ e tu ní tsumi pɔtɛɛ nɛ ɔ ngɔ wo ye dɛ; lɔ ɔ he ɔ, mɛ hu a sa i kɛ Barnaba wa dɛ mi kɛ he wɔ atuu kaa nihi nɛ kɛ mɛ ngɛ ní tsumi kake tsue. Wa ma nya si kaa i kɛ Barnaba maa ya ma je li ɔmɛ a ngɔ, konɛ mɛɛ lɛɛ a ya Yuda bi ɔmɛ a ngɔ.

Galatabi 3:4

Amanehlu babauu nɛ nyɛ na a, anɛ e maa pee yaka? Dɛbi! I he we yi!

Galatabi 6:3

Ke e peeɔ nɔ ko kaa nɔ ko ji lɛ, se pohu pi nɔ ko kulaa ji lɛ ɔ, lɛ nitsɛ e he nɛ e ngɛ sisie.

Efesobi 4:29

Munyu nɛ maa je nyɛ ti nɔ ko nya a, e ko pee nɔ́ nɛ ma puɛ nɔ, se mohu nɔ́ nɛ hi, nɛ e he hia, nɛ nɔ́ kpakpa ko maa je mi kɛ wo nɔ he wami. Kɛkɛ ɔ, e maa pee dloomi kɛ ha nihi nɛ ngɛ nyɛ tue bue ɔ.

Efesobi 5:4

E sɛ kaa yakayaka munyu, loo kuasiahi a munyu, loo fɛu yemi munyu nɛ sɛ́ jeɔ nyɛ nya. Se mohu nyɛɛ na Mawu si ngɛ nɔ́ nɛ e pee ha nyɛ ɔ he.

Mose V, 11:16

Nyɛɛ hyɛ nɛ hi kɛkɛ, konɛ a ko mlɔɔ nyɛ kɛ je Yawɛ he kɛ ya ja mawu kpahi, nɛ nyɛ sɔmɔ mɛ.

Kolosebi 4:6

Ke nyɛɛ kɛ nihi ngɛ ní sɛɛe ɔ, nyɛ ha nɛ munyu nɛ maa je nyɛ nya a nɛ ngɔ kaa nɔ́ ko nɛ a wo lɛ ngo, nɛ nyɛɛ le bɔ nɛ nyɛ ma ha nɔ tsuaa nɔ munyu heto bɔ nɛ sa.

Yakobo 1:19

Ye nyɛmimɛ nɛ i suɔ, nyɛ hɛ nɛ hi enɛ ɔ nɔ. Ke nɔ ko ngɛ munyu tue ɔ, nyɛɛ bu tue; nyɛ he ko sɔ kɛ tu munyu, nɛ nyɛ mi mi hu ko fu mla.

Yakobo 1:22

Nyɛ ko sisi nyɛ he kaa nyɛ maa bu munyu ɔ tue kɛkɛ; mohu nyɛɛ pee munyu ɔ nɔ yeli.

Yakobo 2:20

Kuasia! O ngɛ hlae nɛ nɔ ko nɛ de mo ke hemi kɛ yemi kɛkɛ nɛ ní tsumi piɛ we he ɔ, e wui yiblii.

1 Petro 3:10

Ngmami ɔ ke, “Nɔ tsuaa nɔ nɛ suɔ kaa e na bua jɔmi, nɛ e se nɛ kɛ ngɛ je mi ɔ, e kpa lakpa yemi, kɛ nɔ he munyu yaya tumi.