Yakobo 1:25 - BAIBLO ALOO NGMAMI KLƆUKLƆU Ɔ

²⁵ Sane kpakpa a ji Mawu mlaa nɛ hi kɛ pi si, nɛ haa nɔ yeɔ e he. Ke nɔ ko kase sane kpakpa a mi tsɔɔmi ɔmɛ saminya, nɛ e mia e hɛ mi nɛ e hɛ ji nɔ́ nɛ e kase ɔ nɔ, se mohu e ye nɔ ɔ, a maa gbaa lɛ saminya ngɛ nɔ́ tsuaa nɔ́ nɛ e ngɛ tsue ɔ mi.

Somi He Ɔ

²⁵ Se nɔ nɛ hyɛɛ he yemi mlaa nɛ hi kɛ pi si kãii, nɛ e hɛ hii he be tsuaa be, nɛ e pi nɔ nɛ nuɔ nɛ e hɛ jee nɔ, se mohu e ji e nɔ yelɔ nɛ tsuɔ he ni ɔ, jamɛ a tsɛ ɔ Mawu maa gbaa lɛ ngɛ e nɔ́ tsuaa nɔ́ peemi mi.

Yakobo 1:25 ပူးပေါင်းရင်းမြစ်များ

La 106:3

A gbaa nihi nɛ yeɔ dami sane, nɛ a peeɔ nɔ́ nɛ da be tsuaa be.

La 119:32

Ma ye o mlaa amɛ a nɔ kɛ gɛjɛmi; ejakaa o ha nɛ i nu mlaa amɛ a sisi saminya.

La 119:45

nɛ ma hi si ngɛ he jɔmi mi; ejakaa o mlaa nɔ i hlaa kaa ma ye.

Abɛ Womi 14:15

Kuasia heɔ nɔ́ tsuaa nɔ́ yeɔ. Ní lelɔ lɛɛ e le e nane nya hyɛmi.

Yesaya 8:20

Ke a de nyɛ ja a, nyɛ he nɔ ke, “Nyɛɛ bu nɔ́ nɛ Yawɛ ngɛ nyɛ tsɔɔe ɔ tue! Nyɛ ko bu ní peeli tue. Níhi nɛ a deɔ nyɛ ɔ, a he be se nami.”

Luka 11:28

Se Yesu he nɔ ke, “A gbaa ni nɛmɛ nɛ nuɔ Mawu munyu ɔ, nɛ a yeɔ nɔ ɔ mohu!”

Yohane 13:17

Amlɔ nɛ ɔ nɛ nyɛ na le anɔkuale ɔ, ke nyɛ tsu e nya ní ɔ, a gbaa nyɛ!

Yohane 8:36

Lɔ ɔ he ɔ, ke Bi ɔ ha nyɛ ye nyɛ he ɔ, nyɛ maa ye nyɛ he niinɛ.

Ni Tsumi 13:43

Benɛ kpe ɔ kpa a, Yuda bi, kɛ ma je li nɛ ba sɛ Yuda bi a jami ɔ mi nɛ a yee Mawu gbeye ɔ, a ti nihi babauu nyɛɛ Paulo kɛ Barnaba a se! Bɔfo ɔmɛ tu munyu tsɔɔ mɛ, nɛ a wo mɛ ga ke a ngɔ a hɛ ngɔ fɔ Mawu dloomi ɔ nɔ daa.

Ni Tsumi 2:42

Nimli nɛ ɔmɛ kaseɔ ní be tsuaa be ngɛ bɔfo ɔmɛ a ngɔ; a kɛ mɛ peeɔ kake kɛ yeɔ ní, nɛ a kɛ peeɔ sɔlemi hulɔ.

Ni Tsumi 26:22

Se Mawu piɛ ye he kɛ ba su mwɔnɛ ligbi nɛ ɔ, nɛ i daa si ngɛ nyɛ hɛ mi kɛ ngɛ odase yee kɛ ngɛ nimli tsuo tsɔɔe, nimli wawi kɛ nimli nguahi tsuo. Nɔ́ nɛ Mose kɛ gbali ɔmɛ de to kaa e maa ba mi ɔ, lɔ ɔ nɔuu nɛ i ngɛ dee.

Romabi 11:22

Enɛ ɔ tsɔɔ wɔ kaa Mawu mi mi hi, se e sane wa hulɔ. Nihi nɛ gbee si ɔ, e kɛ mɛ to ní; se nyɛɛ lɛɛ e mi mi jɔ ha nyɛ, nɛ e sa kaa nyɛɛ ya nɔ kikɛ nɛ ɔ. Ke pi jaa, a ma kplɔ nyɛ kɛ pue si ja nɔuu.

Romabi 2:13

Ejakaa pi nihi nɛ le mlaa a nɛ a buu nihi nɛ da ngɛ Mawu hɛ mi, se mohu nihi nɛ yeɔ mlaa a nɔ, mɛ a maa wo nguɔ.

Romabi 7:12

Lɔ ɔ he ɔ, mlaa a ngɛ klɔuklɔu, kita a hu ngɛ klɔuklɔu; e da, nɛ e hi hulɔ.

Romabi 8:15

Mawu ha we nyɛ mumi nɛ peeɔ nɔ nyɔguɛ, nɛ nyɛ ma pa hi gbeye yee; se mohu e peeɔ nyɛ Mawu bimɛ. Mumi ɔ lɛ woɔ wɔ he wami, nɛ wa nyɛɔ faa kue kɛ ngmlaa ke, “Tsaatsɛ! Tsaatsɛ!”

Romabi 8:2

Ejakaa wa ngɛ Kristo mi, lɔ ɔ he ɔ, Mawu mumi ɔ nɛ haa nɔ wami ɔ, haa wa yeɔ wa he; nɛ yayami, kɛ gbenɔ be wa nɔ he wami hu.

1 Korintobi 15:58

Lɔ ɔ he ɔ, ye nyɛmimɛ nɛ i suɔ! Nyɛ fi si, nɛ nyɛɛ da si kpɛii. Ní tsumi nɛ nyɛ ngɛ tsue ha Nyɔmtsɛ ɔ, nyɛ tsu nɛ e ya nɔ saminya be tsuaa be. Ejakaa nyɛ nitsɛmɛ nyɛ le kaa dengme nɛ nyɛ ngɛ gboe ha Nyɔmtsɛ ɔ be yaka pee.

2 Korintobi 13:5

Nyɛɛ ka nyɛ nitsɛmɛ nyɛ he nɛ nyɛɛ hyɛ kaa nyɛ heɔ Kristo yeɔ niinɛ lo. Nyɛɛ hyɛ nyɛ nitsɛmɛ nyɛ he nɛ hi. Anɛ nyɛ nitsɛmɛ nyɛ li kaa Yesu Kristo he wami ɔ ngɛ nyɛ mi lo? Ee, ke nyɛ sɛ́ ɔ, nyɛ be enɛ ɔ lee.

Galatabi 2:4

Se nyɛmimɛ ɔmɛ a ti lakpatsɛmɛ komɛ gu ga blɔ nɔ kɛ sɛ asafo ɔ mi nigii kɛ ngɛ hlae nɛ a hyɛ bɔ nɛ a maa pee kɛ puɛ he yemi nɛ Kristo ha wɔ ɔ, konɛ a ye wɔ nyɔguɛ.

Galatabi 5:1

Wa ye wa he. Ee, Kristo ha wa ye wa he. Nyɛɛ da si kpitikplii, konɛ nɔ ko kó ye nyɛ nyɔguɛ hu.

Galatabi 6:2

Nyɛɛ kpee nyɛ sibi kɛ tloo nyɛ tlomi ɔmɛ kaa bɔ nɛ Kristo mlaa a tsɔɔ kaa nyɛɛ pee ɔ.

Kolosebi 1:23

Lɔ ɔ he ɔ, e hia kaa nyɛɛ hɛɛ hemi kɛ yemi ɔ mi; nyɛɛ da si kpitikplii, nɛ hɛ kɛ nɔ fɔmi nɛ nyɛ ná benɛ nyɛ nu sane kpakpa a, nyɛ ko ngmɛɛ he. Sane kpakpa nɛ ɔ nɛ a fiɛ ngɔ tsɔɔ bɔ níhi tsuo ngɛ je ɔ mi ɔ he lɛ imi Paulo i ba pee sɔmɔlɔ ngɛ.

1 Timoteo 2:15

Se ke yo ɔ kɛ hɛdɔ he Mawu ye, nɛ e suɔ nyɛmimɛ ɔmɛ, nɛ e pee e he klɔuklɔu kɛ humi ɔ, Mawu ma he e yi wami kɛ gu bimɛ nɛ e ma fɔ ɔ a nɔ.

1 Timoteo 4:16

Timoteo, hyɛ mo nitsɛ o he nɔ saminya; nɔ́ nɛ o ngɛ tsɔɔe ɔ hu hyɛ nɔ bɔ nɛ sa. Ejakaa ke o pee ja a, o ma he mo nitsɛ o yi wami, kɛ nihi nɛ buɔ mo tue ɔ hulɔ.

Hebribi 12:15

Nyɛɛ hyɛ nɛ hi nɛ Mawu dloomi ɔ kó bɔ nɔ ko. Nyɛɛ hyɛ nɛ nɔ ko nɔ́ ko ko dɔ nyɛ kadikadi nɛ ba ble níhi babauu kɛ puɛ ní.

Yakobo 2:12

Nyɛ munyu tumi, kɛ nyɛ ní peepee tsuo nɛ tsɔɔ kaa mlaa nɛ haa wa yeɔ wa he ɔ nɛ a kɛ maa kojo wɔ.

1 Petro 2:16

Nyɛɛ hi si kaa nihi nɛ ye a he, se nyɛ ko ngɔ he yemi nɛ ɔ kɛ pee yayami nɛ nyɛɛ laa nɔ. Mohu ɔ, nyɛɛ hi si kaa Mawu tsɔli.

1 Yohane 2:24

Lɔ ɔ he ɔ, sɛ gbi ɔ nɛ nyɛ na kɛ je sisije ɔ, nyɛɛ pɛtɛ he wawɛɛ. Ke nyɛ pɛtɛ jamɛ a sɛ gbi ɔ he wawɛɛ ɔ, lɔ ɔ lɛɛ nyɛɛ maa hi Bi ɔ, kɛ Tsɛ ɔ mi daa.

Kpojemi 14:13

Nɛ i nu gbi ko kɛ je hiɔwe nɛ ngɛ dee ke, “Ngmaa: A gbaa gbogboehi nɛ gboɔ ngɛ Nyɔmtsɛ ɔ mi kɛ je mwɔnɛ ɔ kɛ yaa nɛ ɔ.” “Ee!” Mumi ɔ ngɛ dee ke, “A maa jɔɔ a he kɛ je a dengme gbomi ɔ mi; se a ní tsumi ɔmɛ nyɛɛɔ a se.”

Kpojemi 22:14

A gbaa nihi nɛ fɔ a tade ɔmɛ a he ɔ. Ee, a maa ye tso nɛ haa nɔ wami ɔ yiblii ɔ eko, nɛ a maa gu agbo ɔmɛ a mi kɛ ya ma a mi.

Samuel I, 12:14

Ke nyɛ maa ye Yawɛ, nyɛ Mawu ɔ gbeye, nɛ nyɛ ma sɔmɔ lɛ, nɛ nyɛ be e hɛ mi atuã tsɔe, se nyɛ maa ye e mlaa amɛ a nɔ, nɛ nyɛɛ kɛ nyɛ matsɛ ɔ maa nyɛɛ e se ɔ, lɛɛ e maa hi ha nyɛ.