Yakobo 1:16 - BAIBLO ALOO NGMAMI KLƆUKLƆU Ɔ

¹⁶ Ye nyɛmimɛ nɛ i suɔ, nyɛ ko ha nɛ a sisi nyɛ.

Somi He Ɔ

¹⁶ Nyɛ ko ha nɛ a mlɔɔ nyɛ, mamimɛ nɛ i suɔ.

Yakobo 1:16 ပူးပေါင်းရင်းမြစ်များ

Mateo 22:29

Yesu de mɛ ke, “Nyɛ tɔ! Ejakaa nyɛ li ngmami ɔmɛ, aloo Mawu he wami.

Marko 12:24

Yesu he nɔ ke, “Nyɛ tɔ! Nyɛ le nɔ nɛ he je? Nyɛ li ngmami ɔmɛ, nɛ Mawu he wami ɔ hu nyɛ li.

Marko 12:27

Enɛ ɔ tsɔɔ kaa Mawu ɔ, pi ni gbogboehi a Mawu, se hɛ ngmengmletsɛmɛ a Mawu ji lɛ. Enɛ ɔ lɛɛ nyɛ tɔ!”

Ni Tsumi 1:15

Be bɔɔ se ɔ, nihi maa pee lafa kɛ nyingmi enyɔ nɛ he Yesu ye ɔ ba bua a he nya. Kɛkɛ nɛ Petro te da si, nɛ e kɛ mɛ tu munyu ke,

1 Korintobi 6:9

Anɛ nyɛ li kaa yayami peeli be blɔ nya ko ngɛ Mawu matsɛ yemi ɔ mi lo? Nyɛ ko sisi nyɛ he! Yaholi, loo amaga jali, loo gba puɛli, loo nyumuhi kɛ yihi sɔuu nɛ kɛ a sibi peeɔ yakayaka ní,

Galatabi 6:7

Nyɛ ko sisi nyɛ he. Mawu ɔ, a yi e he fɛu. Nɔ́ nɛ nɔmlɔ du ɔ, lɔ ɔ nɔuu e ma kpa.

Filipibi 2:12

Ye nyɛmimɛ nɛ i suɔ! E he hia wawɛɛ kaa amlɔ nɛ ɔ tete nɛ i be nyɛ ngɔ ɔ, nyɛɛ bu mi tue wawɛɛ pe kekle ɔ po. Nyɛɛ kɛ gbeye yemi, kɛ he domi blibliibli nɛ tsu ní wawɛɛ, konɛ a he nyɛ yi wami.

Filipibi 4:1

Ye nyɛmimɛ, nyɛɛ hyɛ bɔ nɛ i suɔ nyɛ ha! Nyɛɛ hyɛ bɔ nɛ ye hɛ ngɛ jae ngɛ nyɛ he ha! Nyɛ lɛ nyɛ haa mi bua jɔmi; nyɛ ngɛ kaa jlasi ngɛ ye yi! Ye nyɛmimɛ nɛ i suɔ. Kaa nihi nɛ ngɛ Nyɔmtsɛ ɔ mi ɔ, kikɛ nɛ ɔ pɛ ji bɔ nɛ sa nɛ nyɛɛ ba nyɛ je mi.

Kolosebi 2:4

I ngɛ nyɛ enɛ ɔ dee, konɛ nɔ ko kɛ nyami ngɔngɔɛ munyu ko kó ba sisi nyɛ.

Kolosebi 2:8

Nyɛɛ hyɛ nɛ hi nɛ nɔ ko kó ngɔ je mi nile, loo yaka sisimi kɛ ye nyɛ nyɔguɛ. Blema tsɔɔmihi, kɛ mumihi nɛ yeɔ je ɔ nɔ ɔ, a ngɔ ní nɛ ɔmɛ je, se pi Kristo ngɔ.

2 Timoteo 2:18

A tla blɔ kɛ je anɔkuale ɔ he, nɛ a ngɛ dee ke be ɔ nɛ gbogboehi maa te si kɛ je gbeje ɔ be momo. A ngɔ munyu nɛ ɔmɛ kɛ ngɛ Kristo we bi babauu a hemi kɛ yemi hɛ mi kpatae.

Hebribi 13:1

Nyɛɛ ya nɔ nɛ nyɛɛ suɔ nyɛ sibi daa kaa nyɛmimɛ.

Yakobo 1:19

Ye nyɛmimɛ nɛ i suɔ, nyɛ hɛ nɛ hi enɛ ɔ nɔ. Ke nɔ ko ngɛ munyu tue ɔ, nyɛɛ bu tue; nyɛ he ko sɔ kɛ tu munyu, nɛ nyɛ mi mi hu ko fu mla.

Yakobo 1:2

Ye nyɛmimɛ, ke nyɛɛ kɛ ka slɔɔtoslɔɔtohi ngɛ kpee ɔ, nyɛ bua nɛ jɔ wawɛɛ mohu;

Yakobo 2:1

Ye nyɛmimɛ, nyɛ heɔ Nyɔmtsɛ Yesu Kristo nɛ hɛ mi ngɛ nyami ɔ yeɔ, lɔ ɔ he ɔ, nyɛ ko hyɛ nɔ hɛ mi, nɛ nyɛ ko bu ni komɛ pe ni komɛ.

Yakobo 2:14

Ye nyɛmimɛ, ke nɔ ko ke e ngɛ hemi kɛ yemi, se e ní peepee tsɔɔ we ja a, mɛni se nami ngɛ he? Anɛ jamɛ a hemi kɛ yemi ɔ ma nyɛ he e yi wami lo?

Yakobo 2:5

Ye nyɛmimɛ nɛ i suɔ, nyɛɛ bu tue. Tse nyɛ le kaa nihi nɛ je ɔ buu mɛ ohiatsɛmɛ ɔ, mɛ Mawu hla a. Akɛnɛ a heɔ Yesu yeɔ ɔ, nimli nɛ ɔmɛ ba pee mumi mi niatsɛmɛ, nɛ matsɛ yemi ɔ nɛ Mawu wo si ha nihi nɛ suɔ lɛ ɔ ba pee a nɔ.

Yakobo 3:1

Ye nyɛmimɛ, nyɛ ti nihi fuu kó pee nyɛ he tsɔɔli. Kaa bɔ nɛ nyɛ le ɔ, wɔ tsɔɔli ɔmɛ ɔ, wa tue gblami nya maa wa pe ni kpa amɛ.

Yakobo 3:10

Adesa lilɛ kake ɔ, e kɛ gbaa, nɛ e kɛ gbiɛɔ nɔ hulɔ. Ye nyɛmimɛ, e sɛ́ kaa e baa jã.

Yakobo 4:11

Ye nyɛmimɛ, nyɛ ko tu nyɛ sibi a he munyu yaya. Nɔ nɛ tuɔ e nyɛmi he nyumu yaya a, mlaa a e ngɛ munyu tue kɛ ngɛ sie ɔ nɛ; nɛ nɔ tsuaa nɔ nɛ kojoɔ e nyɛmi ɔ, e ngɛ mlaa a kojoe. Ke nɔ ko tuɔ munyu kɛ siɔ mlaa a, pi mlaa a nɔ yelɔ ji lɛ, se mohu e peeɔ mlaa a kojolɔ.

Yakobo 5:12

Ye nyɛmimɛ nɛ i suɔ, enɛ ɔ tsuo se ɔ, nyɛ ko ka kita. Nyɛ ko ka hiɔwe; nyɛ ko ka zugba, nɛ nyɛ ko ka nɔ́ kpa ko hulɔ. Ke nɔ́ ɔ ngɛ mi anɔkuale ɔ, nyɛ de ke “Ee”; se ke e be mi ɔ, nyɛ de ke, “Dɛbi.” Kɛkɛ ɔ, Mawu be nyɛ fɔ bue.

Yakobo 5:19

Ye nyɛmimɛ, ke nyɛ ti nɔ ko tla kɛ je anɔkuale ɔ he, nɛ nɔ ko kpale lɛ kɛ ba ekohu ɔ,