Yakobo 1:15 - BAIBLO ALOO NGMAMI KLƆUKLƆU Ɔ

¹⁵ Nɛ akɔnɔ ɔ, ke e ngɔ hɔ ɔ, e fɔɔ yayami, nɛ yayami hu ke e wa a, e fɔɔ gbenɔ.

Somi He Ɔ

¹⁵ Lɔ ɔ se ɔ akɔnɔ ɔ, ke e ngɔ ho ɔ, e fɔɔ yayami, nɛ yayami hu, ke e wa a, e fɔɔ gbenɔ.

Yakobo 1:15 ပူးပေါင်းရင်းမြစ်များ

Mose I, 2:17

ja tso ɔ nɛ haa nɔ leɔ kpakpa kɛ yayami ɔ pɛ. Koo ye jamɛ a tso ɔ yiblii; ligbi nɛ o maa ye eko ɔ, o ma gbo.”

Mose I, 3:6

Yo ɔ na kaa tso ɔ ngɛ fɛu; e na kaa tso ɔ yiblii ɔ maa ngɔ, nɛ e ma ha nɛ nɔ maa le ní. Lɔ ɔ he ɔ, e tsɔ eko nɛ e ye, nɛ e ha e huno ɔ hu eko nɛ e ye.

Samuel II, 11:4

David tsɔ nɛ a ya tsɛ yo ɔ kɛ ba; nɛ benɛ e ba a, David kɛ lɛ hwɔ. Jamɛ a be ɔ, Batsheba je we mi se, nɛ e ngɛ e he tsukɔe. Kɛkɛ nɛ e kpale kɛ ho we mi ya.

Hiob 15:35

Nimli nɛ ɔmɛ ji ni nɛmɛ nɛ toɔ ga yaya, nɛ a peeɔ yayami; sisimi hyi a tsui mi tɔtɔɔtɔ.

La 7:14

Ke yiwutsotsɛ ngɛ nɔ́ yayami susue ɔ, e hii nɔ́ ɔ plɛe ngɛ e yi mi kpamisa kaa bɔ nɛ bimwɔyo hii plɛe ngɛ yohɔyo mi mi ɔ. Nyagbe ɔ, nɔ́ nɛ jeɔ kpo ji lakpa.

La 9:17

Nimli yayamihi, kɛ mahi tsuo nɛ a hɛ je Mawu nɔ ɔ, a nyagbe ji gbenɔ.

Abɛ Womi 11:19

Nɔ nɛ peeɔ nɔ́ nɛ da kpamisa nɛ e kpa we ɔ, e yi ma na wami. Se nɔ nɛ dii yayami se ɔ, e ma gbo.

Yesaya 33:11

Nyɛ toɔ ga yayahi nɛ a he be se nami. Mumi nɛ nyɛ woɔ ɔ ngɛ kaa la nɛ ma kpata nyɛ nitsɛmɛ nyɛ hɛ mi.

Yesaya 59:4

Ke a kɛ nɔ ko ya kojomi he ɔ, nyɛ yi sane ɔ ha lɛ bɔ nɛ sa. Nyɛɛ kɛ mlaa tsu we ní, nɛ nyɛ yeɔ lakpa kɛ faa nyɛ he ngɛ sane yemi he. Ga yayahi nɛ kpataa nihi a hɛ mi sɔuu nyɛ toɔ.

Mateo 26:14

Kɛkɛ nɛ kaseli nyɔngma kɛ enyɔ ɔmɛ a kpɛti nɔ kake nɛ a tsɛɛ lɛ Yuda Iskariot ɔ pue nɔ kɛ ho osɔfo nikɔtɔma amɛ a ngɔ ya,

Mateo 5:28

Se imi lɛɛ i ngɛ nyɛ dee ke nɔ tsuaa nɔ nɛ hyɛɛ yo, nɛ e he peeɔ lɛ akɔnɔ ɔ, e kɛ lɛ puɛ gba momo ngɛ e tsui mi.

Yakobo 1:14

Se nɔ tsuaa nɔ ɔ, lɛ nitsɛ e we akɔnɔ nɛ gblaa lɛ, nɛ́ sisiɔ lɛ ɔ nɛ kaa lɛ.

Yakobo 1:18

Mawu gu sane kpakpa a nɔ kɛ ha wɔ mumi mi wami. Lɛ nitsɛ e suɔmi nya nɛ e pee enɛ ɔ. Ejakaa e suɔ kaa e pee wɔ nihi nɛ a he hia pe nibɔ ní ɔmɛ tsuo.