Yakobo 1:14 - BAIBLO ALOO NGMAMI KLƆUKLƆU Ɔ

¹⁴ Se nɔ tsuaa nɔ ɔ, lɛ nitsɛ e we akɔnɔ nɛ gblaa lɛ, nɛ́ sisiɔ lɛ ɔ nɛ kaa lɛ.

Somi He Ɔ

¹⁴ Se nɔ tsuaa nɔ ɔ, lɛ nitsɛ e kɔnɔ nɛ gblaa lɛ nɛ mlɔɔ lɛ ɔ lɛ kaa lɛ.

Yakobo 1:14 ပူးပေါင်းရင်းမြစ်များ

Mose I, 3:6

Yo ɔ na kaa tso ɔ ngɛ fɛu; e na kaa tso ɔ yiblii ɔ maa ngɔ, nɛ e ma ha nɛ nɔ maa le ní. Lɔ ɔ he ɔ, e tsɔ eko nɛ e ye, nɛ e ha e huno ɔ hu eko nɛ e ye.

Mose I, 6:5

Benɛ Yawɛ na kaa nimlihi a yi mi wa, nɛ nɔ́ yaya pɛ a susuɔ daa nɛ ɔ,

Mose I, 8:21

Yawɛ nu bɔ ɔ he via, nɛ e ná he bua jɔmi. Kɛkɛ nɛ e de e he ke, “I be níhi nɛ wami ngɛ a mi ɔ tsuo a hɛ mi kpatae kikɛ nɛ ɔ hu kɔkɔɔkɔ.

Samuel II, 11:4

David tsɔ nɛ a ya tsɛ yo ɔ kɛ ba; nɛ benɛ e ba a, David kɛ lɛ hwɔ. Jamɛ a be ɔ, Batsheba je we mi se, nɛ e ngɛ e he tsukɔe. Kɛkɛ nɛ e kpale kɛ ho we mi ya.

Hiob 31:27

Nɔ́ ko mlɔɔ we mi hyɛ kaa ma fiɔ ye nine he kɛ wo a hɛ mi nyami.

Hiob 31:9

Ke ye nyɛmi ko e yo he pee mi akɔnɔ hyɛ, nɛ i ya wo lɛ ka ngɛ ye nyɛmi nɛ ɔ sinya se ɔ,

Abɛ Womi 4:23

Susu o yi mi saminya loko o pee nɔ́ ko, ejakaa lɔ ɔ nɔ o wami daa si ngɛ.

Yesaya 44:20

E ní pee mɔbɔ kaa nɔ nɛ ngɛ la zu yee; a mlɔɔ lɛ, nɛ e laa blɔ; lɔ ɔ he ɔ, e be nyɛe ma he lɛ nitsɛ e yi wami, loo nɛ e ma de ke, “Anɛ pi yaka nɔ́ nɔ nɛ i ngɔ ye hɛ ngɔ fɔ nɛ ɔ?”

Hosea 13:9

“Israel ma, ma kpata nyɛ hɛ mi pɛsɛpɛsɛ! Nɛ, mɛnɔ ma nyɛ ma kpɔ nyɛ?

Mateo 15:18

Se níhi nɛ jee nɔ nya a, tsui mi a jee; nɛ lɔ ɔmɛ nɛ bleɔ nɔ ɔ nɛ.

Mateo 15:20

Enɛ ɔmɛ ji níhi nɛ bleɔ nɔ; se ke nɔ ko fɔ we e dɛ loko e ye ní ɔ, lɔ ɔ ble we nɔ.”

Mateo 4:1

Jehanɛ ɔ, Mumi ɔ ngɔ Yesu kɛ ho nga a nɔ ya, konɛ Abosiami ya ka lɛ.

Mateo 5:28

Se imi lɛɛ i ngɛ nyɛ dee ke nɔ tsuaa nɔ nɛ hyɛɛ yo, nɛ e he peeɔ lɛ akɔnɔ ɔ, e kɛ lɛ puɛ gba momo ngɛ e tsui mi.

Romabi 7:11

Yayami ná he blɔ, nɛ e gu mlaa nɔ kɛ sisi mi, nɛ e gbe mi.

Romabi 7:13

Lɛɛ nɔ́ kpakpa a plɛ pee gbenɔ ha mi lo? Dɛbi! Yayami lɛ kɛ enɛ ɔ ba; e gu nɔ́ kpakpa a nɔ ha gbenɔ ba na mi, konɛ bɔ nɛ yayami su ngɛ nitsɛnitsɛ ɔ nɛ je kpo paa nɛ a na. Lɔ ɔ he ɔ, mlaa a haa yayami jeɔ kpo paa kaa nɔ́ ko nɛ hí kulaa.

Efesobi 4:22

Lɔ ɔ he ɔ, bɔ nɛ nyɛ ba nyɛ je mi saa ngɛ nɔmlɔ su momo ɔ nya, nɛ nyɛ ya nyɛɛ akɔnɔ yayahi nɛ puɛɔ nɔ a se ɔ, nyɛ kpa!

Hebribi 3:13

Mohu ɔ, nyɛɛ kɛ nyɛ sibi nɛ tu he wami womi munyu daa ligbi nɛ nyɛ ma nyɛ ma de ke “mwɔnɛ ɔ.” Kɛkɛ ɔ, yayami be nyɛ ti nɔ ko sisie nɛ e gbo Mawu tue.

Yakobo 1:13

Ke a ka nɔ ko ɔ, e ko de ke Mawu lɛ ka lɛ. Ejakaa nɔ ko be nyɛe maa ka Mawu kaa e maa pee yayami lo. Pohu Mawu nitsɛ kɛ́ nɔ.

Yakobo 1:15

Nɛ akɔnɔ ɔ, ke e ngɔ hɔ ɔ, e fɔɔ yayami, nɛ yayami hu ke e wa a, e fɔɔ gbenɔ.