Tito 3:9 - BAIBLO ALOO NGMAMI KLƆUKLƆU Ɔ

⁹ Se nya sami yaka gu, weku kpa se jami, pɛ, kɛ mlaa a he nɔ́ jemi ɔ lɛɛ je o he kɛ je mi. Ní nɛ ɔmɛ a he be se nami, nɛ a he hia we hulɔ.

Somi He Ɔ

⁹ Se kuasiahi a nɔ jemi kɛ weku sisi tsɔɔmi kɛ pɛ kɛ mlaa he kunɔ nɔmi ɔ, sã o he kɛ je he, ejakaa a he be senami nɛ a pi nɔ́ ko.

Tito 3:9 ပူးပေါင်းရင်းမြစ်များ

Hiob 15:3

Ní lelɔ tu we munyu kaa bɔ nɛ o ngɛ munyu tue ɔ. Ní lelɔ fa we e he kɛ munyu nɛ he be se nami.

1 Korintobi 13:2

Ke a dloo mi he wami nɛ a kɛ fiɛɔ Mawu sɛ gbi ɔ, ke i le nɔ́ tsuaa nɔ́, nɛ i nuɔ laami sanehi tsuo a sisi, ke i ngɛ hemi kɛ yemi nɛ nya wa ngɛ Mawu mi, nɛ ma nyɛ ma hia yohi, se i be suɔmi ɔ, ye he be se nami ko kulaa.

1 Korintobi 8:1

Jehanɛ ma suɔ nɛ ma de nɔ́ ko ngɛ kusumi lo nɛ a kɛ haa amaga he. E ngɛ mi niinɛ kaa “wɔ tsuo wa le ní,” kaa bɔ nɛ a deɔ ɔ. Se nile haa nɔ woɔ e he nɔ, nɛ suɔmi lɛɛ e woɔ nɔ he wami.

1 Timoteo 4:7

Se yimowi a yakayaka nyaziahi nɛ se nami be he ɔ, koo di se. Bɔɔ Mawu jami he mɔde mohu.

2 Timoteo 2:14

Kaii mɛ kikɛmɛ a ní nɛ ɔmɛ. Bɔɔ mɛ kɔkɔ ngɛ Nyɔmtsɛ ɔ hɛ mi ke a ko pɛ ngɛ munyuhi a he, ejakaa nɔ́ kpakpa ko ji mi kɛ bɛ, se mohu jamɛ a munyu ɔmɛ gbeɔ e nuli ɔmɛ a hemi kɛ yemi.

2 Timoteo 2:16

Se yakayaka ní sɛɛmi nɛ tsɔɔ we Mawu gbeye yemi ɔ, yu o he kɛ je he; ejakaa e haa nɛ nihi hɛɔ a he kɛ jeɔ Mawu he kulaa mohu.

2 Timoteo 2:23

Kuasiahi a nɔ́ jemi nɛ a kase we nɔ́ kpakpa ko kɛ ji mi ɔ, tuu nya fo, ejakaa o le kaa nɔ́ jemi ɔ, kunɔ e kɛ baa.

Tito 1:14

Kɛkɛ ɔ, a ya be Yuda bi a nyaziahi tue bue, nɛ mlaahi nɛ nihi nɛ kua anɔkuale ɔ wo mɛ ɔ hu a be nɔ yee.

Yakobo 4:1

Ta kɛ pɛ nɛ ngɛ nyɛ kpɛti ɔ, mɛni kɛ ní nɛ ɔmɛ baa? Anɛ pi nyɛ he lo mi akɔnɔ nɛ ngɛ ní tsue ngɛ nyɛ mi lo?