Tito 3:8 - BAIBLO ALOO NGMAMI KLƆUKLƆU Ɔ

⁸ Anɔkuale munyu sisiisi ji nɛ ɔ nɛ. I suɔ kaa o di ní nɛ ɔmɛ a se wawɛɛ, konɛ nihi nɛ ba he Mawu ye ɔ nɛ a ngɔ a be kɛ tsu ní kpakpahi. Enɛ ɔmɛ ji níhi nɛ hi, nɛ a he ngɛ se nami ha nihi tsuo.

Somi He Ɔ

⁸ Anɔkuale munyu ji nɛ ɔ nɛ. Kikɛmɛ a ni nɛ ɔmɛ a nɔ mi i ngɛ hlae kaa o ma, konɛ ninɛmɛ nɛ a he Mawu nɔ ye ɔ, a bɔ nitsumi kpakpahi a he mɔde. Enɛ ɔmɛ ji nihi nɛ ngɛ fɛu nɛ hi ha nimli.

Tito 3:8 ပူးပေါင်းရင်းမြစ်များ

La 78:22

Ejakaa a ngɔɛ a hɛ kɛ fɔɛ Mawu nɔ; a he we yi kaa e ma he a yi wami.

Abɛ Womi 21:28

Lakpa odase yelɔ hɛ mi ma kpata. Nɔ nɛ susuɔ munyu he loko e tuɔ ɔ, lɛɛ e munyu ɔ, a ngɔɔ.

Mateo 20:4

E de mɛ ke, ‘Nyɛ hu nyɛɛ ya nɛ nyɛ ya tsu ní ngɛ wai ngmɔ ɔ mi, nɛ ma wo nyɛ hiɔ bɔ nɛ sa.’

Yohane 12:44

Yesu de kɛ ngmlaa ke, “Nɔ tsuaa nɔ nɛ heɔ mi yeɔ ɔ, pi imi nɛ e he ye, se mohu nɔ nɛ tsɔ mi ɔ nɛ e he ye ɔ nɛ.

Yohane 5:24

“I ngɛ nyɛ dee anɔkuale mi ke, nɔ tsuaa nɔ nɛ buɔ ye munyu tue, nɛ e heɔ nɔ nɛ tsɔ mi ɔ yeɔ ɔ, e nine su neneene wami nɔ. A be lɛ fɔ bue, ejakaa e po mi ngɛ gbenɔ mi kɛ ho wami mi ya.

Ni Tsumi 12:15

A de lɛ ke, “O yi mi ngɛ puɛe.” Se e ma nɔ mi ke anɔkuale nɛ e ngɛ tue. Kɛkɛ nɛ a ke, “Lɛɛ e bɔfo mɔ!”

Romabi 4:5

Se nɔ nɛ ngɔɔ e hɛ ngɔ fɔɔ Mawu pɛ nɔ, se pi ní nɛ e tsuɔ nɔ ɔ, Mawu ɔ nɛ lɛ pɛ nɛ nyɛɔ woɔ yayami peelɔ nguɔ ɔ daa nɔmlɔ nɛ ɔ hemi kɛ yemi ɔ nɔ kɛ buɔ lɛ nɔ da.

2 Korintobi 4:13

Ngmami ɔ ke, “I he Mawu ye, nɛ lɔ ɔ he ɔ, i tu munyu.” Wɔ hu wa ngɛ jamɛ a hemi kɛ yemi ɔ nɔuu; wɔ hu wa heɔ yeɔ, lɔ ɔ he ɔ, wa ngɛ fiɛe.

Efesobi 4:28

Nɔ nɛ juɔ ɔ, e ko ju hu. Se mohu e ngɔ e nguɛ nyɔngma kɛ tsu ní wawɛɛ konɛ e ná nɔ́ ko nɛ e kɛ ye bua nihi nɛ e fi mɛ.

1 Timoteo 1:15

Kristo Yesu ba je ɔ mi, konɛ e ba he yayami peeli a yi wami. Anɔkuale munyu nitsɛnitsɛ nɛ sa kaa nɔ tsuaa nɔ nɛ he ye ji nɛ ɔ nɛ. Imi nitsɛ ɔ, yayami peelɔ kpanaku ji mi pe nihi tsuo.

1 Timoteo 2:8

He tsuaa he nɛ asafo ɔ ma bua a he nya ngɛ kɛ ja Mawu ɔ, nyumuhi nɛ a sɔle. E hia kaa a pee Kristo se nyɛɛli nɛ ngɔ a he kɛ ha Mawu kulaa. Ke a ngɛ sɔlee ɔ, a wo a nine nɔ, nɛ mi mi la kó hi mi; nɛ a ko hla kaa a maa sã nya ngɛ nɔ́ ko he.

1 Timoteo 5:10

É pee yo nɛ he biɛ kaa e peeɔ kpakpa, yo nɛ nyɛ tsɔse bimɛ saminya, yo nɛ nyɛ hyɛ nibwɔhi nɛ ba to lɛ, yo nɛ sɔmɔ ni klɔuklɔu ɔmɛ kɛ he si bami, yo nɛ je nihi kɛ je haomi mi, nɛ ngɔ e be tsuo kɛ tsu ní kpakpahi.

2 Timoteo 1:12

nɛ lɔ ɔ he nɛ i ngɛ nɔ́ nae nɛ ɔ nɛ; se kɛ̃ ɔ, ye nine mi wui nyu; ejakaa nɔ nɛ i he ye ɔ, i le lɛ. I heɔ yeɔ kaa sane kpakpa a fiɛmi ɔ nɛ e tu ngɔ wo ye dɛ mi ɔ, e maa bu he kɛ yaa su nyagbe ligbi ɔ.

Tito 1:9

Anɔkuale ɔ nɛ a tsɔɔ lɛ, nɛ e he ye ɔ, e hɛɛ mi wawɛɛ. Ke e pee jã loko lɛ hu e ma nyɛ tsɔɔ ni kpahi ní nɛ he tsɔ saminya. Kɛkɛ ɔ, nihi nɛ teɔ si siɔ anɔkuale ɔ, e maa tsɔɔ mɛ a tɔmi.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Tito 2:7

Mo nitsɛ o ba o je mi saminya ngɛ nɔ́ tsuaa nɔ́ mi, konɛ lɔ ɔ nɛ pee nɔ hyɛmi nɔ́ kpakpa ha ni ɔmɛ. Ke o ngɛ ní tsɔɔe ɔ, ha nɛ a na kaa o juɛmi mi tsɔ, nɛ o hɛ dɔ.

Tito 3:1

Mo kai o we bi ɔmɛ, nɛ a ba a he si ngɔ ha ma nɔ yeli, kɛ ni nɛmɛ nɛ hɛɛ blɔ nya. Á bu mɛ, nɛ a pee klaalo kaa a ma tsu ní tsumi kpakpa be tsuaa be.

Tito 3:14

Ha nɛ wa we bi ɔmɛ nɛ a kase bɔ nɛ a maa ngɔ a be kɛ tsu ní kpakpa ha. Kɛkɛ ɔ, ke fimi be ba a, nɔ́ ko be mɛ hiae; a ko pee a he nihi nɛ a he be se nami ko.

Filemon 1:11

Jinɛ sa a, e he be se nami kɛ ha mo, se jehanɛ lɛɛ e he ba se nami kɛ ha imi kɛ mo tsuo.

Hebribi 10:24

Nyɛ ha waa kɛ hɛdɔ nɛ susu he bɔ nɛ sa, nɛ waa suɔ wa sibi, nɛ waa pee wa sibi kpakpa.

1 Petro 1:21

Nyɛ gu e nɔ kɛ he Mawu ye; Mawu nɛ tle lɛ si, nɛ e wo e hɛ mi nyami. Lɔ ɔ he ɔ, nyɛ he Mawu nyɛɛ ye, nɛ nyɛɛ ngɔ nyɛ hɛ ngɔ fɔ lɛ nɔuu e nɔ.