Tito 3:6 - BAIBLO ALOO NGMAMI KLƆUKLƆU Ɔ

⁶ Kɛ gu wa kpɔlɔ Yesu Kristo nɔ ɔ, Mawu plɛ Mumi Klɔuklɔu ɔ ngɔ pue wa nɔ babauu.

Somi He Ɔ

⁶ nɔ nɛ gu Yesu Kristo wa yi wami helɔ ɔ nɔ plɛ pue wa nɔ babauu ɔ,

Tito 3:6 ပူးပေါင်းရင်းမြစ်များ

Abɛ Womi 1:23

Nyɛɛ bu tue nɛ ma ka nyɛ hɛ mi. Ma wo nyɛ ga kpakpa, nɛ i kɛ nyɛ maa tu nile munyu.

Yesaya 32:15

Se wɔ lɛɛ, Mawu ma ha wɔ e mumi ɔ kɛ je hiɔwe ekohu, nɛ wa ma na niye ní babauu kɛ je ngmɔ ɔmɛ a mi.

Yesaya 44:3

“Nihi nɛ kuma ngɛ mɛ yee ɔ, ma ha mɛ nyu nɛ a nu. Ma ha zugba gbigbli ɔ nyu, nɛ pahi maa hia. Ma ngɔ ye mumi ɔ kɛ wo o bimɛ ɔmɛ a mi, nɛ ma gbaa o nina a.

Ezekiel 36:25

Ma ngɔ nyu klɔuklɔu kɛ fĩa nyɛ nɔ, nɛ nyɛ he ma tsɔ. Ma tsu nyɛ he kɛ je amagahi, kɛ mu níhi tsuo nɛ nyɛ kɛ ble nyɛ he ɔ a mi.

Yoel 2:28

“Pee se ɔ, ma plɛ ye mumi ɔ kɛ pue nɔ tsuaa nɔ nɔ; nyɛ binyumu ɔmɛ kɛ nyɛ biyi ɔmɛ maa fiɛ ye sɛ gbi ɔ; nyɛ nimowi ɔmɛ maa nla nlamihi, nɛ nyɛ nihewi ɔmɛ maa na ninahi.

Yohane 1:16

E mi mi hi kɛ be nɔ, lɔ ɔ he ɔ, e ha wa ti nɔ tsuaa nɔ dloomi nɔtonɔto.

Yohane 16:7

I ngɛ nyɛ dee anɔkuale mi ke e hi kɛ ha nyɛ mohu kaa ma je, ejakaa ke i ji ɔ, Hepiɛlɔ ɔ be nyɛ ngɔ bae. Ke i je ɔ lɛɛ ma wo lɛ blɔ kɛ ba nyɛ ngɔ.

Yohane 4:10

Yesu de yo ɔ ke, “Ke o le nɔ́ kpakpa nɛ Mawu haa nɔ, kɛ nɔ nɛ ngɛ mo nyu bae nɛ ɔ, jinɛ mo mohu o maa ba lɛ eko, nɛ lɛɛ e ma ha mo nyu nɛ haa nɔ wami.”

Yohane 7:37

Nyagbe ligbi ɔ nɛ ji nyami ligbi nguaa pe kulaa a, Yesu te da si, nɛ e de kɛ ngmlaa ke, “Nɔ tsuaa nɔ nɛ kuma ngɛ lɛ yee ɔ, e ba ye ngɔ nɛ e ba nu nyu.

Ni Tsumi 10:45

Enɛ ɔ ha Yuda bi nɛ he ye, nɛ a kɛ Petro je Yopa kɛ ba a a nya kpɛ a he kaa Mawu ha nɛ nɔke nɔ́ nɛ ji Mumi Klɔuklɔu ɔ ba ma je li ɔmɛ hu a nɔ.

Ni Tsumi 2:33

A wo e nɔ kɛ ho e Tsɛ Mawu ɔ hiɔ nɔ ya, nɛ e ná Mumi Klɔuklɔu nɛ a wo he si ɔ kɛ je e dɛ. Nɔ́ nɛ nyɛ ngɛ hyɛe, kɛ nɔ́ nɛ nyɛ ngɛ nue nɛ ɔ, Yesu lɛ ha nɛ e ba.

Romabi 2:4

O bui nɔ́! Mɛni he je ɔ, Mawu mi mi jɔ, e naa nɔ he tsui, nɛ e toɔ e tsui si. Blɔɔ o li kaa Mawu mi mi jɔ ha mo konɛ o tsake o tsui lo?

Romabi 5:5

Hɛ kɛ nɔ fɔmi nɛ ɔ ha we nɛ zo gbeɔ wɔ, ejakaa kɛ gu Mumi klɔuklɔu ɔ nɛ Mawu ha wɔ ɔ nɔ ɔ, Mawu ha wa tsui hyi tɔ kɛ e suɔmi ɔ.

Romabi 8:2

Ejakaa wa ngɛ Kristo mi, lɔ ɔ he ɔ, Mawu mumi ɔ nɛ haa nɔ wami ɔ, haa wa yeɔ wa he; nɛ yayami, kɛ gbenɔ be wa nɔ he wami hu.

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

Efesobi 4:2

Nyɛɛ ba nyɛ he si; nyɛɛ pee nyɛ he humi, nɛ nyɛɛ to nyɛ tsui si. Nyɛɛ na ha nyɛ sibi nɛ nyɛ kɛ tsɔɔ kaa nyɛ suɔ nyɛ he niinɛ.

1 Timoteo 6:17

Niatsɛmɛ nɛ ngɛ nyɛ kpɛti ɔ, nyɛɛ a nɔ nɛ a ko wo a he nɔ. Á ko ngɔ a hɛ ngɔ fɔ ní nɛ a na a nɔ, ejakaa ní nami se maa po. Á ngɔ a hɛ ngɔ fɔ Mawu mohu nɔ. Lɛ nɛ e haa wɔ ní kpakpahi babauu nɛ wa yeɔ faa.

Tito 1:4

I ngɛ womi nɛ ɔ ngmae ha mo Tito, ye bi nitsɛnitsɛ ngɛ hemi kɛ yemi kake ɔ nɛ i kɛ mo tsuo wa hɛɛ mi ɔ mi. Dloomi kɛ he jɔmi nɛ je Tsɛ Mawu ɔ, kɛ wa kpɔlɔ Kristo Yesu dɛ mi ɔ ha mo!