Tito 3:4 - BAIBLO ALOO NGMAMI KLƆUKLƆU Ɔ

⁴ Se benɛ Mawu, wa kpɔlɔ ɔ je e mi mi himi, kɛ e suɔmi ɔ kpo ɔ,

Somi He Ɔ

⁴ Se benɛ Mawu nɛ ji yi wami helɔ ɔ mi mi jɔmi kɛ e nimli a he dɔmi ɔ je kpo ɔ,

Tito 3:4 ပူးပေါင်းရင်းမြစ်များ

1 Timoteo 4:10

Wa gboɔ dengme kɛ tsuɔ ní wawɛɛ, ejakaa wa ngɔ wa hɛ ngɔ fɔ Mawu hɛ kalɔ ɔ nɔ. Lɛ ji nihi tsuo a yi wami helɔ, titli ɔ, ni nɛmɛ nɛ heɔ yeɔ ɔ.

Hebribi 9:26

Kaa jã a, jinɛ kɛ je be nɛ a bɔ je ɔ, amanehlu sɔuu Kristo maa hi nae kpitikpiti. Mohu ɔ, amlɔ nɛ ɔ nɛ je mi nyagbe miɔ nɛ e maa su ɔ, Yesu ba je e he kpo si kake nyɔngloo. E ngɔ e he kɛ sã bɔ kɛ je wa he yayami.

Romabi 2:4

O bui nɔ́! Mɛni he je ɔ, Mawu mi mi jɔ, e naa nɔ he tsui, nɛ e toɔ e tsui si. Blɔɔ o li kaa Mawu mi mi jɔ ha mo konɛ o tsake o tsui lo?

Tito 1:3

Lɔ ɔ he ɔ, be nɛ sa mi ɔ, e ha nɛ siwo nɛ ɔ ba mi kɛ gu e sane kpakpa a nɛ a tu ngɔ wo ye dɛ mi ɔ nɔ. Enɛ ɔ i ngɛ fiɛe, kaa bɔ nɛ Mawu, wa kpɔlɔ ɔ fa mi ke ma pee ɔ.

2 Timoteo 1:10

Jehanɛ lɛɛ, e jé e dloomi ɔ kpo paa ngɔ tsɔɔ wɔ kɛ gu wa yi wami helɔ Kristo Yesu bami nɔ. Kristo Yesu gu sane kpakpa a nɔ nɛ e ha gbenɔ se po; nɛ e ngɔ wami ba ha wɔ, konɛ wa ko gbo gblegbleegble.

1 Timoteo 2:3

Sɔlemi kaa kikɛ nɛ ɔ hi, nɛ e saa Mawu, wa kpɔlɔ ɔ hɛ mi.

1 Timoteo 1:1

Imi Paulo nɛ ba pee Kristo Yesu bɔfo ngɛ Mawu, wa kpɔlɔ ɔ, kɛ Kristo Yesu, nɔ nɛ wa ngɔ wa hɛ kɛ fɔ e nɔ ɔ fami nya a,

Luka 1:47

Ye bua jɔ, kaa Mawu ji ye yi wami helɔ,

1 Petro 2:3

Kaa bɔ nɛ ngmami ɔ deɔ ɔ, “Nyɛ nitsɛmɛ nyɛ kpa si, nɛ nyɛ na kaa Nyɔmtsɛ ɔ mi mi jɔ.”