Tito 3:2 - BAIBLO ALOO NGMAMI KLƆUKLƆU Ɔ

² A ko tu nihi a he munyu yaya, nɛ a ko pɛ; se mohu a he nɛ jɔ, nɛ a tsɔ a hɛ mi ha nɔ tsuaa nɔ.

Somi He Ɔ

² a ko tu nɔ ko he munyu yaya, a ko hla pɛ; se mohu a pee kpoo, nɛ a kɛ a he nɛ tsɔɔ nɔ fɛɛ nɔ kaa a he jɔ.

Tito 3:2 ပူးပေါင်းရင်းမြစ်များ

Samuel II, 22:36

Yawɛ lee, o baa ye yi, nɛ o kpɔ mi; o yemi kɛ buami ɔ pee mi nɔmlɔ agbo.

La 140:11

Ko ha lakpatsɛmɛ nɛ gbeɔ nɔ he guɛ nɛ a plɔke ngɛ zugba a nɔ. Ha nɛ yayami peeli a hɛ mi nɛ kpata amlɔ nɔuu.

Abɛ Womi 19:19

Ngmɛɛ mi mi latsɛ he nɛ e ná e tue gblami; ejakaa ke o je lɛ kɛ je haomi mi si kake ɔ, e maa hia kaa o ya je lɛ ngɛ mi ekohu.

Abɛ Womi 25:24

E hi kaa o ma ya hi tsu yi mi banee, pe nɔ́ nɛ o kɛ yo pɛ wolɔ maa hi we kake mi.

Yesaya 40:11

E maa lɛ e to kuu ɔ kaa to hyɛlɔ kpakpa; e ma bua e to bi ɔmɛ a nya, nɛ e maa hɛɛ mɛ ngɛ e bɔkɔ mi; to nyɛ ɔmɛ hu e ma tsɔ̃ mɛ blɛuu.

Mateo 11:29

Nyɛɛ ngɔ ye kuɛpã tso ɔ ngɔɔ tloo, nɛ nyɛɛ kase mi; ejakaa ye he jɔ, nɛ i baa ye he si kɛ jee ye tsui mi. Ke nyɛ pee ja a, nyɛ ma na he jɔmi;

Ni Tsumi 23:5

Paulo he nɔ ke, “Ye nyɛmimɛ Israel bi, i li kaa lɛ ji osɔfo nɔkɔtɔma pe kulaa a. Ngmami ɔ deɔ ke, ‘O ma mi nɔkɔtɔma a, koo tu e he munyu yaya!’ ”

1 Korintobi 6:10

loo juli, loo hɛ tsuli, loo dã tɔli, loo nihi a biɛ puɛli, loo ojo fiali a nine be Mawu matsɛ yemi ɔ nɔ sue kɔkɔɔkɔ.

1 Korintobi 9:19

I ngɛ ye dɛ he; pi nɔ ko nyɔguɛ ji mi. Se kɛ̃ ɔ, i pee ye he nihi tsuo a nyɔguɛ, bɔ nɛ pee nɛ ye nine nɛ su nihi babauu a nɔ.

2 Korintobi 10:1

Imi Paulo nitsɛ, i ngɛ nyɛ pɛɛ kpae! Ni komɛ deɔ ke ke i ba nyɛ ngɔ ɔ, i peeɔ kpoo, se ke i be nyɛ kasa nya kɛkɛ i hia kã. I suɔ nɛ ma pee kpoo, nɛ ye mi mi nɛ jɔ kaa Kristo.

2 Korintobi 12:20

I ngɛ gbeye yee kaa ke i ba nyɛ slaami ɔ, i ba be nyɛ nae bɔ nɛ i ko suɔ, nɛ nyɛ hu nyɛ be mi nae bɔ nɛ nyɛ ko suɔ. Eko piɔ ɔ, níhi nɛ ma ba na kɛkɛ ji pɛ, hunga jemi, mi mi la, mi gbami, nɔ biɛ puɛmi, sieku yemi, he nɔ womi, kɛ basabasa peemi.

Galatabi 5:22

Se Mawu mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Galatabi 6:1

Ye nyɛmimɛ, ke nyɛ ti nɔ ko tɔ ɔ, nyɛ ni nɛmɛ nɛ Mawu mumi ɔ ngɛ nyɛ mi ɔ, nyɛɛ bɔ mɔde nɛ nyɛɛ ngɔ lɛ kɛ ba blɔ dadɛ nɔ. Nyɛɛ to nyɛ tsui si blɛuu kɛ pee nɔ́ nɛ ɔ. Nyɛɛ hyɛ saminya, konɛ nyɛ nitsɛmɛ hu nyɛ ko ya sɛ jamɛ a ka a eko mi.

Galatabi 6:10

Lɛɛ ke e maa hi ɔ, waa pee nihi tsuo kpakpa daa, titli ɔ, nihi nɛ waa kɛ mɛ hɛɛ hemi kɛ yemi kake ɔ.

Efesobi 4:2

Nyɛɛ ba nyɛ he si; nyɛɛ pee nyɛ he humi, nɛ nyɛɛ to nyɛ tsui si. Nyɛɛ na ha nyɛ sibi nɛ nyɛ kɛ tsɔɔ kaa nyɛ suɔ nyɛ he niinɛ.

Efesobi 4:31

Nyɛ ha nɛ mi mi doomi, hɛdɔ, mi mi la, kɛ muklii mi fumi se nɛ po ngɛ nyɛ kpɛti. Nyɛɛ ngmɛɛ pɛ, kɛ nɔ jɛmi basabasa, kɛ ninyɛ tsuo he.

Filipibi 4:5

Nyɛ ná nɔ tsuaa nɔ he tsui. Nyɔmtsɛ ɔ su si ta.

1 Tesalonikabi 2:7

Pohu wa ngɛ he blɔ kaa wa biɔ enɛ kɛ enɛ ngɛ nyɛ dɛ, ejakaa Kristo bɔfohi ji wɔ. Se benɛ wa ngɛ nyɛ ngɔ ɔ, wa pee nyɛ dɔdɔɔdɔ kaa bɔ nɛ bimɛanyɛ hɛɛɔ lɛ nitsɛ e bimɛ ɔ.

1 Timoteo 3:11

Sɔmɔli yi ɔmɛ hu ja nɔuu a pee nihi nɛ tsuɔ ní kɛ hɛdɔ, nɛ a ko ye sieku. A pee nihi nɛ a hɛ ka si, nɛ a yeɔ anɔkuale ngɛ nɔ́ tsuaa nɔ́ mi.

1 Timoteo 3:3

E ko pee e he dã delɔ; nɛ e ko pee nɔ nɛ hɛ mi jɔɛ, loo nɔ nɛ suɔ pɛ. E ko pee e he sika suɔlɔ.

Yakobo 3:17

Se nɔ nɛ ngɛ nile nɛ je hiɔwe ɔ, kekleekle nɔ́ nɛ a naa ngɛ e he ji kaa e he tsɔ. Lɔ ɔ se ɔ, a naa kaa e he jɔ; e hɛ ka si, nɛ e nuɔ nɔ́ he ha nɔ. E naa nɔ mɔbɔ saminya, nɛ ní kpakpahi sɔuu e tsuɔ. E hyɛ we nihi a hɛ mi, nɛ e pee we osato.

Yakobo 4:11

Ye nyɛmimɛ, nyɛ ko tu nyɛ sibi a he munyu yaya. Nɔ nɛ tuɔ e nyɛmi he nyumu yaya a, mlaa a e ngɛ munyu tue kɛ ngɛ sie ɔ nɛ; nɛ nɔ tsuaa nɔ nɛ kojoɔ e nyɛmi ɔ, e ngɛ mlaa a kojoe. Ke nɔ ko tuɔ munyu kɛ siɔ mlaa a, pi mlaa a nɔ yelɔ ji lɛ, se mohu e peeɔ mlaa a kojolɔ.

1 Petro 2:1

Lɔ ɔ he ɔ, nyɛ kpa yayami tsuaa yayami peemi, lakpa, osato, ninyɛ, kɛ nihi a he munyu tumi.

1 Petro 3:10

Ngmami ɔ ke, “Nɔ tsuaa nɔ nɛ suɔ kaa e na bua jɔmi, nɛ e se nɛ kɛ ngɛ je mi ɔ, e kpa lakpa yemi, kɛ nɔ he munyu yaya tumi.

1 Petro 3:8

Nyagbe ɔ, nyɛ tsuo nyɛɛ hɛɛ juɛmi kake, nɛ nyɛɛ na ha nyɛ sibi. Nyɛɛ suɔ nyɛ he kaa nyɛmimɛ. Nyɛɛ na nyɛ sibi mɔbɔ, nɛ nyɛɛ ba nyɛ he si.

1 Petro 4:4

Amlɔ nɛ ɔ lɛɛ e peeɔ mɛ nyakpɛ kaa nyɛ piɛ we a he kɛ pee we jamɛ a yakayaka ní ɔmɛ hu; nɛ lɔ ɔ he ɔ, a tuɔ nyɛ he munyu yaya.

2 Petro 2:10

Nimli nɛ ɔmɛ a ti nihi pɔtɛɛ ji ni nɛmɛ nɛ ya nyɛɛɔ he lo mi akɔnɔ yaya se, se Mawu mlaa a lɛɛ a bui. Kikɛmɛ a lakpa tsɔɔli nɛ ɔmɛ a tsui wa; a woɔ a he nɔ, nɛ nibɔ ní kpakpahi nɛ ngɛ hiɔwe po a bui; se mohu a jɛɔ mɛ.

Yuda 1:10

Se nimli nɛ ɔmɛ lɛɛ nɔ́ ko nɛ a nui sisi ɔ, a tuɔ he munyu yaya. Se níhi nɛ a nuɔ he kaa pu mi lohwehi nɛ mɛɛ lɛɛ a susuu we yi mi ɔ, lɔ ɔmɛ nɔuu ji níhi nɛ kpataa a hɛ mi.

Yuda 1:8

Jã nɔuu lakpa tsɔɔli nɛ ɔmɛ hu bleɔ he lo ɔ; a teɔ si kɛ siɔ Mawu nɔ yemi ɔ, nɛ a jɛɔ ni klɔuklɔuhi nɛ ngɛ hiɔwe ɔ po.