Tito 2:3 - BAIBLO ALOO NGMAMI KLƆUKLƆU Ɔ

³ Yi nikɔtɔma amɛ hu o kɛ mɛ nɛ tu munyu jã nɔuu, konɛ a ba a je mi saminya kaa nihi nɛ yeɔ Mawu gbeye. A ko pee a he sieku yeli, nɛ a ko ngɔ dã numi ngɔ pee a ní tsumi. Mohu ɔ, a tsɔɔ nɔ́ kpakpa,

Somi He Ɔ

³ Yimowi hu ja nɔuu kãa a ba a je mi bɔ nɛ sa ni klɔuklɔu ɔmɛ. A ko tu nihi a he munyu a ko pee dadeli, a pee nihi nɛ tsɔɔ ni kpakpahi,

Tito 2:3 ပူးပေါင်းရင်းမြစ်များ

Romabi 1:29

A peeɔ yi wu tso ní, kɛ yayami slɔɔtoslɔɔtohi. A jeɔ hunga, a pueɔ muɔ si, a pɛɔ, a sisiɔ nɔ, nɛ a toɔ a sibi a he ga yaya;

Romabi 16:2

Nyɛ he lɛ hɛmuɔ ngɛ Nyɔmtsɛ ɔ biɛ mi bɔ nɛ sa ni klɔuklɔu ɔmɛ. Nɔ́ tsuaa nɔ́ nɛ he maa hia lɛ ɔ, nyɛ ha lɛ, ejakaa e pee kpakpa ha nihi babauu, kɛ imi nitsɛ hulɔ.

Efesobi 5:3

Akɛnɛ ní klɔuklɔuhi ji nyɛ he je ɔ, e sɛ kaa a woɔ yo kɛ nyumu yakayaka fiɛmi, loo mu ní tsumi, loo hɛkɔ ta tete ngɛ nyɛ kpɛti.

1 Timoteo 3:11

Sɔmɔli yi ɔmɛ hu ja nɔuu a pee nihi nɛ tsuɔ ní kɛ hɛdɔ, nɛ a ko ye sieku. A pee nihi nɛ a hɛ ka si, nɛ a yeɔ anɔkuale ngɛ nɔ́ tsuaa nɔ́ mi.

1 Timoteo 3:8

Asafo ɔ mi sɔmɔli nɛ yeɔ bua a, e hia kaa a pee nihi nɛ tsuɔ ní kɛ hɛdɔ, pi nihi nɛ a nya ngɛ enyɔɔnyɔ. A ko nu wai tsɔ, nɛ a hɛ ko tsu ngɛ sika he hulɔ.

1 Timoteo 5:23

Akɛnɛ o muklii mi haoɔ mo, nɛ o pɔɔ hiɔ numi kpitikpiti he je ɔ, koo nu nyu sɔuu hu, se mohu nuu wai bɔɔ.

Tito 1:7

Asafo nya dalɔ ɔ, akɛnɛ Mawu ní tsumi nɔ e ngɛ hyɛe he je ɔ, e sɛ kaa piami ko hii e he. E ko pee nɔ nɛ woɔ e he nɔ, loo nɔ nɛ tsui fiaa mlamlaamla, loo dã tɔlɔ, loo kunɔ nɔlɔ, loo nɔ ko nɛ dii sika se tsɔ.

Tito 2:4

konɛ a tsɔse yihewi ɔmɛ nɛ a suɔ a hunomɛ, kɛ a bimɛ.

Hebribi 5:12

Jinɛ be nɛ ɔ mi ɔ, e sa kaa nyɛ pee tsɔɔli, se hyɛ nyɛ mohu nɛ amlɔ nɛ ɔ, e hia kaa a tsɔɔ nyɛ Mawu munyu ɔ mi sisije ní ɔmɛ ekohu. Amlɔ nɛ ɔ, nyɔ nyu lɛ hi ha nyɛ, pi niye ní nitsɛ.

Kpojemi 2:20

Se kɛ̃ ɔ, i kɛ mo ngɛ sane. O ngmɛ blɔ nɛ Yezebel, jamɛ a yo ɔ nɛ tsɛɔ e he gbalɔ ɔ ngɛ ye ma a ní tsɔɔe. E kɛ tsɔɔmi nɛ ɔ sisi mɛ, nɛ a ya ngɛ yo kɛ nyumu yakayaka fiɛmi fiɛe; nɛ a ngɛ wɔ nya ní hu yee.