Tito 2:15 - BAIBLO ALOO NGMAMI KLƆUKLƆU Ɔ

¹⁵ Tsɔɔ o we bi ɔmɛ ní nɛ ɔmɛ, nɛ o ngɔ he blɔ nɛ o ngɛ ɔ tsuo kɛ wo mɛ he wami, nɛ o kɛ ka a hɛ mi hulɔ. Ko ha nɛ nɔ ko nɛ gbe o he guɛ.

Somi He Ɔ

¹⁵ De mɛ ni nɛ ɔmɛ, nɛ o wo mɛ ga ngɛ he, nɛ o kã a hɛ mi ngɛ he kɛ he wami tsuo. Ko ha nɔ ko nɛ ngɔ mo kaa nɔ nɛ sɛ bumi.

Tito 2:15 ပူးပေါင်းရင်းမြစ်များ

Mateo 7:29

E tsɔɔ mɛ ní kaa nɔ ko nɛ hɛɛ blɔ nya, se pi kaa bɔ nɛ mlaa tsɔɔli ɔmɛ tsɔɔ ní ɔ.

Marko 1:22

Nihi nɛ ba bu lɛ tue ɔ, a he mi po ngɛ e ní tsɔɔmi ɔ he, ejakaa e tsɔɔ mɛ ní kaa nɔ nɛ ngɛ he blɔ, pi kaa bɔ nɛ mlaa tsɔɔli ɔmɛ tsɔɔ ɔ.

Marko 1:27

Ni ɔmɛ tsuo nɛ ngɛ kpe he ɔ, a he mi po, nɛ a bɔni a he bimi ke, “Mɛni ji nɛ ɔ? Tsɔɔmi he ko lo? Nɛ he wumi hu ngɛ mi. Nɔmlɔ nɛ ɔ ngɛ he wami nɛ e kɛ ngaa mumi yayamihi a yi nɛ a buɔ lɛ tue!”

Luka 4:36

Ni ɔmɛ tsuo a he mi po, nɛ a bi a he ke, “Mɛni nyakpɛ munyu po ji nɛ ɔ? Nyumu nɛ ɔ kɛ he wami ngaa mumi yayamihi a yi, kɛkɛ a jeɔ kpo!”

1 Korintobi 16:11

Nyɛ ti nɔ ko nɛ ko bu lɛ kaa pi nɔ ko ji lɛ. Se mohu nyɛɛ hyɛ, konɛ e tsa e blɔ hiami ɔ nɔ ngɛ tue mi jɔmi mi. I ngɛ blɔ hyɛe kaa e kɛ nyɛmimɛ ɔmɛ maa kpale kɛ ba.

1 Timoteo 5:20

Nihi nɛ peeɔ yayami ɔ, ka a hɛ mi ngɛ asafo ɔ tsuo hɛ mi, kɛkɛ ɔ, ni nɛmɛ nɛ piɛ ɔ maa ye gbeye.

2 Timoteo 4:2

Lɔ ɔ he ɔ, yaa nɔ nɛ o fiɛ sɛ gbi ɔ be tsuaa be nɛ o ko kpa. Ke o ngɛ munyu ɔ fiɛe ɔ, ná tsui kɛ tsɔɔ tue buli ɔmɛ nɔ́ nya konɛ a na nya saminya. Ka ni ɔmɛ a hɛ mi, nɛ o wo mɛ ga ngɛ be nɛ sa mi.

Tito 1:13

Anɔkuale sane ji nɛ ɔ nɛ. Lɔ ɔ he ɔ, ka a hɛ mi wawɛɛ, konɛ a hɛɛ a hemi kɛ yemi ɔ mi wawɛɛ.

1 Petro 4:11

Ke nɔ ko ngɛ fiɛe ɔ, e fiɛ Mawu sɛ gbi ɔ; ke nɔ ko ngɛ sɔmɔe ɔ, e ngɔ he wami nɛ Mawu ha lɛ ɔ kɛ sɔmɔ. Nɔ́ tsuaa nɔ́ nɛ nyɛ ngɛ pee ɔ, e ha nɛ nihi nɛ a je Mawu yi kɛ gu Yesu Kristo nɔ. Mawu nɔ́ ji hɛ mi nyami, kɛ he wami kɛ yaa neneene. Amen.