Tito 2:11 - BAIBLO ALOO NGMAMI KLƆUKLƆU Ɔ

¹¹ Ejakaa Mawu je e dloomi ɔ nɛ e kɛ ma he adesahi tsuo a yi wami ɔ kpo ngɔ tsɔɔ.

Somi He Ɔ

¹¹ Ejakaa Mawu dloomi nɛ a kɛ heɔ nimli kulaa a yi wami ɔ je kpo,

Tito 2:11 ပူးပေါင်းရင်းမြစ်များ

La 67:2

konɛ je ɔ nɛ le o suɔmi nya ní, nɛ je ma amɛ tsuo nɛ a yo o he wami nɛ o kɛ heɔ yi wami ɔ.

La 84:11

Yawɛ Mawu ji wa pu kɛ wa tsɛ̃i. E naa wɔ mɔbɔ, nɛ e woɔ wa hɛ mi nyami. Nihi nɛ peeɔ nɔ́ nɛ da a, e ha we nɛ nɔ́ ko hiaa mɛ.

La 96:10

Nyɛ de je ma amɛ tsuo ke, “Yawɛ ngɛ matsɛ yee! A ngɔ je ɔ ngɔ ma si ngɛ e hi he, nɛ nɔ ko be nyɛe ma mimiɛ lɛ. E maa kojo je ma amɛ ngɛ dami nya.”

Yesaya 45:22

“Nyɛ nimli tsuo ngɛ je ɔ mi, nyɛɛ kpale kɛ ba ye ngɔ jehanɛ, konɛ a he nyɛ yi wami! Ejakaa imi nɔ kake too ji Mawu; Mawu kpa ko be.

Yesaya 49:6

Yawɛ de mi ke, “Ye tsɔlɔ, i ngɛ ní tsumi agbo ko ha mo; pi kaa o ma bua Israel bi nɛ a yi na wami ɔ a nya kɛ pee ma ekohu kaa sa a kɛkɛ, se mohu kaa o maa pee la kɛ ha je ma amɛ, bɔ nɛ pee nɛ a he je ɔ tsuo yi wami.”

Yesaya 52:10

Yawɛ ma je e he wami klɔuklɔu ɔ kpo; e ma he e ma a yi wami, nɛ je ɔ tsuo maa na.

Zakaria 12:10

“David nina, kɛ ni kpahi nɛ ngɛ Yerusalem ɔ, ma ngɔ mumi nɛ naa mɔbɔ, kɛ mumi nɛ faa kue ngɔ wo a mi tɔ. Kɛkɛ ɔ, ke a na nɔ nɛ a gbɔ lɛ nɔ́ ɔ, a maa nyɛ ya ha lɛ kaa bɔ nɛ a nyɛɛ ya ha bi kake too. A ma nya awe kaa nihi nyaa awe ha a bitɛte.

Zakaria 4:7

Mo yo gagaa, mɛni kulaa ji mo ngɛ Zerubabel hɛ mi? E maa ba mo si, nɛ o maa pee kaa nga kplanaa. Be nɛ o kɛ nyagbe tɛ ɔ maa ma e blɔ he ngɛ tsu ɔ yi mi ɔ, ma a tsuo ma he ose ke, ‘Afɛu nɔ oo, afɛu nɔ!’ ”

Mateo 28:19

Lɔ ɔ he ɔ, nyɛɛ ya je ma amɛ tsuo a ngɔ ngɛ he tsuaa he, nɛ nyɛɛ pee mɛ ye kaseli. Nyɛɛ sɔle mɛ ngɔ wo Tsɛ ɔ, kɛ Bi ɔ, kɛ Mumi Klɔuklɔu ɔ biɛ mi,

Marko 16:15

Kɛkɛ nɛ e de mɛ ke, “Nyɛɛ ya je ɔ mi tsuo nɛ nyɛ ya fiɛ sane kpakpa a ngɔ tsɔɔ nimli adesahi tsuo.

Luka 24:47

A ngma hu ke, a maa fiɛ ha je ma amɛ tsuo ngɛ e biɛ mi kaa a tsake a tsui, konɛ a ngɔ a he yayami ɔmɛ ngɔ pa mɛ. A maa je sisi kɛ je Yerusalem.

Luka 3:6

Kɛkɛ ɔ, nihi tsuo maa na Mawu yi wami hemi ɔ!’ ”

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Yohane 1:9

La nɛ ɔ ji la nɛ tsoɔ haa nimli adesahi tsuo.

Ni Tsumi 11:23

Benɛ e ya su lejɛ ɔ, nɛ e na bɔ nɛ Mawu gbaa ni ɔmɛ ɔ, e bua jɔ e he, nɛ e tu munyu tsɔɔ mɛ tsuo ke a ye Nyɔmtsɛ ɔ anɔkuale kɛ a tsui tsuo.

Ni Tsumi 13:43

Benɛ kpe ɔ kpa a, Yuda bi, kɛ ma je li nɛ ba sɛ Yuda bi a jami ɔ mi nɛ a yee Mawu gbeye ɔ, a ti nihi babauu nyɛɛ Paulo kɛ Barnaba a se! Bɔfo ɔmɛ tu munyu tsɔɔ mɛ, nɛ a wo mɛ ga ke a ngɔ a hɛ ngɔ fɔ Mawu dloomi ɔ nɔ daa.

Ni Tsumi 13:47

Ejakaa ja ji mlaa nɛ Nyɔmtsɛ ɔ wo wɔ. Nyɔmtsɛ ɔ ke, ‘I hla mo ngɔ to kaa ma je li ɔmɛ a la, nɛ o nɔ Mawu maa gu kɛ he je ɔ tsuo yi wami.’ ”

Ni Tsumi 17:30

Benɛ adesa li ɔ, Mawu ku e hɛ ngɔ fɔ nɔ, se jehanɛ lɛɛ e ngɛ nimli tsuo ngɛ he tsuaa he fae ke a tsake a tsui.

Ni Tsumi 20:24

Se imi lɛɛ ye wami tete he hia we mi. Nɔ́ nɛ he hia mohu ji kaa ní tsumi nɛ Nyɔmtsɛ Yesu ha mi ɔ, ma tsu kɛ gbe nya. Lɔ ɔ ji kaa ma fiɛ sane kpakpa a nɛ tsɔɔ kaa Mawu mi mi hi ha adesahi tsuo ɔ.

Romabi 10:18

Se i ngɛ bie ke, Anɛ a nui sɛ gbi ɔ lo? Anɔkuale, a nu, ejakaa ngmami ɔ deɔ ke, “A gbi jije kɛ ho zugba a tsuo nɔ ya; Nɛ a sɛ gbi ɔ ya su je ɔ nyagbe he ɔmɛ.”

Romabi 5:15

Se Mawu nɔke nɔ́ ɔ slo kulaa ngɛ yayami nɛ Adam pee ɔ he. Ejakaa yayami nɛ Adam pee ɔ ha nihi babauu gbo lɛɛ, se Mawu dloomi ɔ, kɛ nɔke nɔ́ nɛ a gu Yesu Kristo dloomi ɔ nɔ ha wɔ ɔ hiɛ hluu tsɔ kɛ ha nihi tsuo.

Romabi 5:2

Si himi nɛ wa ngɛ mi amlɔ nɛ ɔ, Mawu dloomi nya nɛ wa na kɛ gu Yesu Kristo nɛ wa heɔ yeɔ ɔ nɔ. Lɔ ɔ he ɔ, wa fĩaa, ejakaa wa nine maa su Mawu hɛ mi nyami ɔ nɔ.

2 Korintobi 6:1

Akɛnɛ waa kɛ Mawu ngɛ ní tsue ɔ, wa kpa nyɛ pɛɛ, dloomi nɛ nyɛ na kɛ je Mawu dɛ mi ɔ, nyɛ ko ha nɛ e pee yaka.

Galatabi 2:21

I kplɛɛ kaa Mawu dloomi ji lɛ ha mi. Ke mlaa a nɔ a guu kɛ dlaa nɔ kɛ Mawu a kpɛti ɔ, lɛɛ Kristo gbo yaka gu.

Efesobi 2:5

Lɔ ɔ he ɔ, be mi nɛ wa gbo tue, nɛ wa pee kaa nihi nɛ gbo ɔ, e ha wa ba wami mi ekohu benɛ e tle Kristo si kɛ je gbeje ɔ. Dloomi nya nɛ a he nyɛ yi wami.

Efesobi 2:8

Mawu dloomi nya nɛ a he nyɛ yi wami akɛnɛ nyɛ he ye ɔ. Pi dengme ko nɛ nyɛ nitsɛmɛ nyɛ gbo he je; e ji nɔ́ nɛ Mawu ke nyɛ, bɔ nɛ pee nɛ nɔ ko nɔ ko ko fĩa.

Kolosebi 1:23

Lɔ ɔ he ɔ, e hia kaa nyɛɛ hɛɛ hemi kɛ yemi ɔ mi; nyɛɛ da si kpitikplii, nɛ hɛ kɛ nɔ fɔmi nɛ nyɛ ná benɛ nyɛ nu sane kpakpa a, nyɛ ko ngmɛɛ he. Sane kpakpa nɛ ɔ nɛ a fiɛ ngɔ tsɔɔ bɔ níhi tsuo ngɛ je ɔ mi ɔ he lɛ imi Paulo i ba pee sɔmɔlɔ ngɛ.

Kolosebi 1:6

Sane kpakpa a ngɛ nɔ yae, nɛ e ngɛ yiblii woe ngɛ je ɔ mi tsuo. Kikɛ nɛ ɔ nɔuu e ngɛ ní tsue ngɛ nyɛ hu nyɛ mi kɛ je ligbi ɔ nɛ nyɛ nu Mawu dloomi ɔ he nɛ nyɛ nu sisi kaa bɔ nɛ e ngɛ anɔkuale mi ɔ.

2 Tesalonikabi 2:16

Wa Nyɔmtsɛ Yesu Kristo nitsɛ, kɛ wa Tsɛ Mawu, nɔ nɛ suɔ wɔ kikɛ nɛ ɔ, nɛ e gu e dloomi ɔ nɔ, nɛ e wo wɔ he wami, nɛ e ha wɔ hɛ kɛ nɔ fɔmi nɛ nya wa a,

1 Timoteo 1:14

Se wa Nyɔmtsɛ ɔ dloomi babauu ɔ nya a, suɔmi, kɛ hemi kɛ yemi nɛ Mawu haa nihi tsuo nɛ ngɛ Kristo Yesu mi ɔ, imi hu i ná.

1 Timoteo 2:4

Ejakaa Mawu suɔ kaa nimli tsuo nɛ le anɔkuale ɔ, konɛ a he a yi wami.

2 Timoteo 1:10

Jehanɛ lɛɛ, e jé e dloomi ɔ kpo paa ngɔ tsɔɔ wɔ kɛ gu wa yi wami helɔ Kristo Yesu bami nɔ. Kristo Yesu gu sane kpakpa a nɔ nɛ e ha gbenɔ se po; nɛ e ngɔ wami ba ha wɔ, konɛ wa ko gbo gblegbleegble.

2 Timoteo 4:17

Se Nyɔmtsɛ ɔ piɛ ye he, nɛ e wo mi he wami, nɛ i nyɛ fiɛ sane kpakpa a kɛ ha ma je li ɔmɛ tsuo. Bɔ nɛ Mawu je mi kɛ je gbenɔ nya mi ji nɛ ɔ nɛ. Ee, e je mi kɛ je gbenɔ mi.

Hebribi 12:15

Nyɛɛ hyɛ nɛ hi nɛ Mawu dloomi ɔ kó bɔ nɔ ko. Nyɛɛ hyɛ nɛ nɔ ko nɔ́ ko ko dɔ nyɛ kadikadi nɛ ba ble níhi babauu kɛ puɛ ní.

Hebribi 2:9

Se Yesu lɛɛ wa na kaa gbenɔ mi amanehlu ɔ nɛ e na a ha nɛ a kɛ hɛ mi nyami kɛ bu fi lɛ jlasi. Nɛ Mawu bɔ lɛ ɔ, nɔ́ ko bɔɔ pɛ e ha bɔfo ɔmɛ kɛ pe lɛ. Mawu pee lɛ jã, konɛ lɛ Mawu ɔ dloomi ɔ nya a, Yesu nɛ ba gbo kɛ ha nihi tsuo.