Tito 1:9 - BAIBLO ALOO NGMAMI KLƆUKLƆU Ɔ

⁹ Anɔkuale ɔ nɛ a tsɔɔ lɛ, nɛ e he ye ɔ, e hɛɛ mi wawɛɛ. Ke e pee jã loko lɛ hu e ma nyɛ tsɔɔ ni kpahi ní nɛ he tsɔ saminya. Kɛkɛ ɔ, nihi nɛ teɔ si siɔ anɔkuale ɔ, e maa tsɔɔ mɛ a tɔmi.

Somi He Ɔ

⁹ nɔ nɛ hɛɛ anɔkuale tsɔɔmi ɔ mi, konɛ e nyɛ nɛ e tu munyu ngɔ tsɔɔ nihi ngɛ ni tsɔɔmi nɛ tsaa nɔ ɔ mi, nɛ ninɛmɛ nɛ tee si siɔ munyu ɔ hu, e ka a hɛ mi.

Tito 1:9 ပူးပေါင်းရင်းမြစ်များ

Hiob 2:3

Yawɛ bi lɛ ke, “Anɛ o to ye tsɔlɔ Hiob he hɛ kaa nɔ ko be je ɔ mi nɛ da, nɛ yeɔ anɔkuale kɛ lɛ sɔ lo? E jaa mi, nɛ e pee we nɔ́ nɛ dɛ blɔ kɔkɔɔkɔ. O ba nyɛ ye nɔ ke ma ha mo blɔ nɛ o ya hao lɛ, be mi nɛ e pee we yayami ko kulaa. Se kɛ ba si piɔ ɔ, Hiob ngɛ anɔkuale yee kɛ mwɔɔ.”

Hiob 27:6

Nɔ́ nɛ i ngɛ dee ke i pee we nɔ́ ko nɛ dɛ blɔ ɔ, jamɛ a munyu kake too ɔ i ngɛ tue; ye he nile bui mi fɔ ligbi ko ligbi ko.

Abɛ Womi 23:23

Anɔkuale yemi, nile, tsɔsemi, kɛ sane se kɔmi a he jua wa saminya; e sa kaa a di se nɛ a ko ngmɛɛ he.

Ni Tsumi 18:28

Ejakaa e tu munyu kɛ he wami kɛ ku Yuda bi ɔmɛ a nya la; nɛ e je ngmami ɔmɛ a mi kɛ tsɔɔ mɛ faii kaa Yesu ji Kristo ɔ nɛ.

1 Korintobi 14:24

Se ke nɔ tsuaa nɔ ngɛ Mawu sɛ gbi ɔ fiɛe, nɛ nɔ ko nɛ lɛɛ e he we yi, aloo e li mi eko ba lejɛ ɔ, níhi nɛ a ngɛ dee ɔ ma ha nɛ e maa na e he yayami. Níhi nɛ e nu ɔ tsuo maa kojo lɛ.

1 Tesalonikabi 5:21

Nyɛɛ ka nɔ́ tsuaa nɔ́ hyɛ. Nɔ́ nɛ hi ɔ, nyɛɛ pɛtɛ he nɛ wa;

2 Tesalonikabi 2:15

Lɔ ɔ he ɔ, nyɛmimɛ, nyɛɛ da si kpɛii! Anɔkuale ɔ nɛ wa tsɔɔ nyɛ ɔ, níhi nɛ wa de nyɛ, kɛ ní nɛmɛ nɛ wa ngma nyɛ ɔ, nyɛɛ pɛtɛ he wawɛɛ.

1 Timoteo 1:10

Ni kpahi hu nɛ a woɔ mlaa ha mɛ ji nihi nɛ fiɛɔ yo kɛ nyumu yakayaka fiɛmi, nyumuhi nɛ kɛ nyumuhi hwɔɔ, nɔmlɔ juli, nihi nɛ ngɔɔ nya, nihi nɛ kaa kita kɛ yeɔ lakpa odase, kɛ nihi tsuo nɛ peeɔ níhi nɛ kɛ tsɔɔmi kpakpa a yɛ́.

1 Timoteo 1:15

Kristo Yesu ba je ɔ mi, konɛ e ba he yayami peeli a yi wami. Anɔkuale munyu nitsɛnitsɛ nɛ sa kaa nɔ tsuaa nɔ nɛ he ye ji nɛ ɔ nɛ. Imi nitsɛ ɔ, yayami peelɔ kpanaku ji mi pe nihi tsuo.

1 Timoteo 1:19

O hemi kɛ yemi mi nɛ wa, nɛ o he nile nɛ hi hɛ ngmengmle. Ni komɛ ya bui a he nile tue, nɛ a hemi kɛ yemi ɔ ta.

1 Timoteo 4:9

Anɔkuale munyu nɛ sa kaa a pɛtɛ he kulaa, nɛ a he ye ji nɛ ɔ nɛ.

1 Timoteo 6:3

Ni komɛ ngɛ tsɔɔmi kpa komɛ tsɔɔe nɛ pi wa Nyɔmtsɛ Yesu Kristo sane kpakpa a nitsɛ, loo Mawu jami tsɔɔmi tutuutu.

2 Timoteo 1:13

Anɔkuale ɔ nɛ i tsɔɔ mo ɔ, pɛtɛ he kaa nɔhyɛ nɔ́, nɛ hemi kɛ yemi, kɛ suɔmi nɛ wa na kɛ gu Kristo Yesu mi ɔ, koo ngmɛɛ he.

2 Timoteo 2:2

Níhi nɛ o nu nɛ i ngɛ fiɛe ngɛ nihi babauu a hɛ mi ɔ, tsɔɔ nihi nɛ yeɔ anɔkuale ɔ lɔ ɔmɛ nɔuu, konɛ mɛ hu a tsɔɔ ni kpahi.

2 Timoteo 2:25

Pi enɛ ɔ kɛkɛ, e sa kaa e pee nɔ nɛ kɛ mi mi jɔmi tuɔ munyu tsɔɔ nihi nɛ tee si kɛ siɔ lɛ ɔ. Alini Mawu maa na jamɛatsɛmɛ ɔmɛ mɔbɔ nɛ a tsake a tsui, konɛ a ba le anɔkuale ɔ.

2 Timoteo 3:14

Se moo lɛɛ anɔkuale ɔ nɛ a tsɔɔ mo nɛ o he ye ɔ, yaa nɔ nɛ o pɛtɛ he. Nihi nɛ tsɔɔ mo ní ɔ, o le mɛ.

2 Timoteo 4:3

Be ma nɛ nihi be suɔe kaa a maa bu tsɔɔmi kpakpa tue. Mohu ɔ, a ma hla ní tsɔɔli ha a he; a ma hla nihi nɛ maa tsɔɔ mɛ níhi nɛ maa ngɔ ngɛ a tue mi.

Tito 1:11

E hia kaa a ku nɔ́ nɛ ɔ nya la, ejakaa nimli nɛ ɔmɛ kɛ a tsɔɔmi ɔ ngɛ wehi fuu a nane kpatae. A ngɛ níhi nɛ dɛ blɔ tsɔɔe. Blɔɔ zo blɔ nɔ nɛ a gu kɛ ngɛ sika pee ji nɛ ɔ nɛ.

Tito 2:1

Se moo lɛɛ anɔkuale nɛ kɔɔ tsɔɔmi kpakpa a he ɔ, lɔ ɔ o tsɔɔ asafo ɔ.

Yuda 1:3

Ye nyɛmimɛ nɛ i suɔ! Jinɛ i ngɛ mɔde bɔe nɛ ma ngma nyɛ womi, nɛ wɔ tsuo wa yi wami hemi sane ɔ, ma tsɔɔ nyɛ nya saminya. Se i na kaa e hia kaa ma ngma nyɛ nɔuu ngɛ nɔ́ kpa he mohu. Lɔ ɔ he ɔ, i kɛ womi nɛ ɔ ngɛ nyɛ mumi mi he wami woe, konɛ hemi kɛ yemi ɔ nɛ Mawu ngɔ ha e nihi nɛ e hla mɛ si kake nyɔngloo ɔ, nyɛɛ hɛɛ mi wawɛɛ.

Kpojemi 2:25

kaa nyɛɛ pɛtɛ nɔ́ nɛ nyɛ ngɛ ɔ he wawɛɛ kɛ yaa si ma ba.

Kpojemi 3:11

I ma nɔuu! Nɔ́ nɛ ngɛ o dɛ ɔ, pɛtɛ he wawɛɛ, konɛ jlasi nɛ o ma na, ke o ye kunimi ɔ, nɔ ko nɛ ko kpɔ ngɛ o dɛ.

Kpojemi 3:3

Lɔ ɔ he ɔ, kaii nɔ́ nɛ a tsɔɔ mo, kɛ nɔ́ nɛ o nu ɔ. Bu tue, nɛ o tsake o tsui. Ke o pee we ja a, ma ba na mo tlukaa kaa julɔ be mi nɛ o hɛ be o he nɔ.