Tito 1:8 - BAIBLO ALOO NGMAMI KLƆUKLƆU Ɔ

⁸ Asafo nya dalɔ ɔ, e pee nɔ nɛ peeɔ nibwɔ, nɛ e suɔ nɔ́ nɛ hi, nɔ nɛ juɛmi ka si, nɛ e peeɔ nɔ́ nɛ da; nɔ nɛ ngɔ e he ngɔ ha Mawu kulaa, nɛ e yeɔ e he nɔ.

Somi He Ɔ

⁸ se mohu nibwɔ peelɔ, nɔ nɛ suɔ nɔ́ nɛ hi, nɔ nɛ juɛmi ka si, dalɔ, nɔ nɛ he tsɔ, nɔ nɛ hɛ mi ka si,

Tito 1:8 ပူးပေါင်းရင်းမြစ်များ

Matsɛmɛ I, 5:1

Tiro matsɛ, Hiram kɛ David ɔ, huɛmɛ ji mɛ. Enɛ ɔ he je ɔ, benɛ e nu kaa a pɔ Salomo nu nɛ a wo lɛ matsɛ ngɛ David se ɔ, e tsɔ kɛ ya ha lɛ manye.

Matsɛmɛ I, 5:7

Benɛ Hiram nu Salomo sɛ gbi ɔ, e ná bua jɔmi babauu, nɛ e de ke, “A gbaa Yawɛ mwɔnɛ ligbi nɛ ɔ, kaa e ha David binyumu ní lelɔ nɛ maa ye ma nguaa nɛ ɔ nɔ!”

La 16:3

Hyɛ bɔ nɛ Yawɛ e ni klɔuklɔuhi nɛ ngɛ je ɔ mi ɔ a hɛ mi ngɛ nyami ha! Mɛ ji ni nɛmɛ nɛ i naa a he bua jɔmi.

Amos 5:15

Nyɛɛ hie nɔ́ nɛ dɛ blɔ. Nyɛɛ suɔ nɔ́ kpakpa, nɛ nyɛɛ hyɛ nɛ a ye dami sane ngɛ kojomi he ɔmɛ. Alini, Yawɛ Tabohiatsɛ Mawu ɔ maa na Yosef nina nɛ piɛɔ mɔbɔ.

Luka 2:25

Jamɛ a be ɔ mi ɔ, nyumu ko ngɛ Yerusalem nɛ a tsɛɛ lɛ Simeon. Nyumu nɛ ɔ, nɔmlɔ kpakpa ji lɛ; e yeɔ Mawu gbeye, nɛ daa nɛ ɔ, e ngɛ blɔ hyɛe nɛ Mawu ba he Israel yi wami. Mumi Klɔuklɔu ɔ ngɛ e mi.

Ni Tsumi 24:25

Se benɛ Paulo ngɛ dami, he nɔ yemi, kɛ kojomi nɛ maa ba a he munyu tue ɔ, Felike ye gbeye wawɛɛ, nɛ e de lɛ ke, “Yaa lolo, ke i na deka a, ma tsɛ mo ekohu.”

1 Tesalonikabi 2:10

Nyɛɛ kɛ Mawu ji wa we odase kaa wa ba wa je mi saminya ngɛ nyɛ nihi nɛ nyɛ heɔ yeɔ ɔ nyɛ kpɛti. Wa peeɔ nɔ́ nɛ da blɔ nɛ piami ko be wa he.

1 Timoteo 3:2

Asafo nya dalɔ ɔ, sé kó hi e he. É hi yo kake; é le e he nɔ hyɛmi; e hɛ mi nɛ ka si, nɛ bu nɛ hi e he. É le nubwɔ peemi, nɛ e nyɛ nɛ e tsɔɔ ní hulɔ.

1 Timoteo 4:12

Ko ha nɛ nɔ ko nɛ gbe o he guɛ kaa niheyo kɛkɛ ji mo. Se mohu bɔɔ mɔde nɛ o munyu tumi, o je mi bami, suɔmi nɛ o ngɛ, o hemi kɛ yemi, kɛ bɔ nɛ o he tsɔ ɔ nɛ pee nɔ hyɛmi nɔ́ ha ni nɛmɛ nɛ heɔ yeɔ ɔ.

1 Timoteo 6:11

Se moo lɛɛ Mawu nɔmlɔ ji mo; lɔ ɔ he ɔ, bɔɔ ní nɛ ɔmɛ a he mɔde: dami sane yemi, Mawu suɔmi nya ní peemi, hemi kɛ yemi, suɔmi, tsui si tomi, kɛ he si bami.

2 Timoteo 2:22

Lɔ ɔ he ɔ, nihewi a we akɔnɔ yaya a, yu o he kɛ je he kulaa, nɛ o kɛ nihi nɛ yeɔ Kristo anɔkuale nɛ bɔ. Nyɛɛ ba nyɛ je mi saminya kaa Kristo we bi nɛ yeɔ dami sane, nɛ tsuɔ a hemi kɛ yemi he ní; nyɛɛ suɔ nyɛ sibi, nɛ nyɛɛ hi si saminya ngɛ he jɔmi mi.

2 Timoteo 3:3

Nihi maa pee a ní kaa nɔ́ nɛ pi adesahi kulaa ji mɛ, nihi nɛ mɔbɔ nami ko be a mi, nihi a biɛ puɛli, nihi nɛ peeɔ basabasa nɛ a li zo, awi yeli, kɛ nihi nɛ sume nɔ́ kpakpa.

Tito 2:7

Mo nitsɛ o ba o je mi saminya ngɛ nɔ́ tsuaa nɔ́ mi, konɛ lɔ ɔ nɛ pee nɔ hyɛmi nɔ́ kpakpa ha ni ɔmɛ. Ke o ngɛ ní tsɔɔe ɔ, ha nɛ a na kaa o juɛmi mi tsɔ, nɛ o hɛ dɔ.

1 Yohane 3:14

Wa le kaa wa be kaa ni gbogboehi hu, se wa je gbenɔ mi kɛ ba wami mi, ejakaa wa suɔ wa nyɛmimɛ ɔmɛ. Nɔ tsuaa nɔ nɛ sume e nyɛmi ɔ, e ngɛ gbenɔ mi.

1 Yohane 5:1

Nɔ tsuaa nɔ nɛ heɔ yeɔ kaa Yesu ji Kristo ɔ, Mawu bi ji lɛ; nɛ nɔ tsuaa nɔ nɛ suɔ nɔ ko tsɛ ɔ, e suɔ nɔ ɔ bi hulɔ.

Samuel I, 18:1

Benɛ Saul kɛ David gbe a ní sɛɛmi ɔ nya a, Saul binyumu Yonatan kɛ David nu huɛ; nɛ Yonatan suɔ David kaa lɛ nitsɛ e he.