Tito 1:7 - BAIBLO ALOO NGMAMI KLƆUKLƆU Ɔ

⁷ Asafo nya dalɔ ɔ, akɛnɛ Mawu ní tsumi nɔ e ngɛ hyɛe he je ɔ, e sɛ kaa piami ko hii e he. E ko pee nɔ nɛ woɔ e he nɔ, loo nɔ nɛ tsui fiaa mlamlaamla, loo dã tɔlɔ, loo kunɔ nɔlɔ, loo nɔ ko nɛ dii sika se tsɔ.

Somi He Ɔ

⁷ Ejakaa nɔ hyɛlɔ ɔ, e sɛ kaa piami ko hii e he, akɛnɛ Mawu we mi sɔmɔlɔ nɔkɔtɔma ji lɛ he je ɔ; pi nɔ nɛ peɔ lɛ nitsɛ e tsui nya ni, pi mi mi latsɛ, pi da nulɔ, pi nine kpokpookpotsɛ, pi kpɛletsɛ,

Tito 1:7 ပူးပေါင်းရင်းမြစ်များ

Mose I, 49:6

I kɛ mɛ be soe kɔkɔɔkɔ, I kɛ mɛ be bɔe hulɔ, Ejakaa ke a mi mi fu ɔ, a gbeɔ nɔmlɔ, Nɛ a plaa nahi kɛ jeɔ a hɛja.

Abɛ Womi 14:17

Nihi nɛ a mi mi kɛ́ fumi peeɔ a níhi basabasa kaa kuasiahi. Se ní leli lɛɛ a toɔ a tsui si.

Abɛ Womi 15:18

Nɔ nɛ woɔ e mi mi la a, e tleɔ pɛ si; se nɔ nɛ mi mi fu we mla a, e kpataa pɛ, nɛ tue mi jɔmi baa.

Abɛ Womi 16:32

Nɔ nɛ mi mi fu we mla a, e hi pe katsɛ; nɔ nɛ yeɔ e he nɔ ɔ, e hi pe tatsɛ nɛ ya ye ma ko nɔ kunimi.

Fiɛlɔ 7:9

Hyɛ nɛ o mi mi ko fu mlamlaamla, ejakaa kuasia lɛ ngɔɔ nɔ́ kɛ toɔ e tsui mi.

Yesaya 28:7

Gbali ɔmɛ, kɛ osɔfo ɔmɛ pohu tɔɔ dã, nɛ a tataa si. Wai kɛ dã nɛ nya wa fuu tsɔ nɛ a nuu ɔ, haa a hii si tɛe basabasa. Gbali ɔmɛ tɔɔ dã kpɔtɔɔ; lɔ ɔ he ɔ, ninahi nɛ Mawu haa mɛ ɔ, a nui sisi. Osɔfo ɔmɛ hu tɔɔ dã kpɔtɔɔ ja nɔuu; mɛ hu sanehi nɛ a kɛ ba haa mɛ ɔ, a nyɛ we nɛ a hyɛɛ mi.

Ezekiel 44:21

Ke osɔfo ko maa ya he klɔuklɔu ɔ, e ko nu dã.

Mose III, 10:9

“O kɛ o binyumu ɔmɛ nyɛ ti nɔ ko nɔ ko kó nu wai, loo dã nɛ nya wa kɛ ya kpe he bo tsu ɔ mi. Ke nyɛ pee ja a, nyɛ ma gbo. Enɛ ɔ maa pee mlaa nɛ fɔɔ si ha nyɛ kɛ yaa neneene.

Mateo 24:45

“Lɛɛ mɛnɔ ji tsɔlɔ anɔkualetsɛ, kɛ ní lelɔ mɔ? Lɛ ji nɔ nɛ e nyɔmtsɛ ɔ ngɔ lɛ ngɔ to tsɔli kpa amɛ a nya, konɛ e ha mɛ a nya mi ngma ngɛ be nɛ sa mi.

Luka 12:42

Nyɔmtsɛ ɔ he nɔ ke, “Ma tsɔɔ nyɛ bɔ nɛ tsɔlɔ nɛ yeɔ anɔkuale, nɛ le ní hulɔ ɔ ngɛ ha. Lɛ ji nɔ nɛ ke e nyɔmtsɛ ɔ maa hia blɔ, nɛ e toɔ we ɔ ngɔ woɔ e dɛ mi; lɛ nɛ e haa tsɔli kpa amɛ a niye ní ngɛ be nɛ sa mi.

Efesobi 5:18

Nyɛ ko de dã, ejakaa e kɛ sakasaka peemi lɛ nyɛɛɔ. Mohu ɔ, nyɛ ha nɛ mumi ɔ nɛ hyi nyɛ.

Filipibi 1:1

Imi Paulo kɛ Timoteo, Kristo Yesu sɔmɔli ɔ, ngma womi nɛ ɔ mane Kristo Yesu ni klɔuklɔu ɔmɛ, asafo nya dali ɔmɛ, kɛ sɔmɔli ɔmɛ tsuo nɛ ngɛ Filipi ɔ.

Tito 1:5

I si mo ngɛ Kreta, konɛ níhi nɛ piɛ ɔ, o to blɔ nɔ pɛpɛɛpɛ, nɛ o wo asafo nya dali ngɛ ma tsuaa ma mi. Mo kai níhi nɛ i de mo ɔ.

Tito 2:3

Yi nikɔtɔma amɛ hu o kɛ mɛ nɛ tu munyu jã nɔuu, konɛ a ba a je mi saminya kaa nihi nɛ yeɔ Mawu gbeye. A ko pee a he sieku yeli, nɛ a ko ngɔ dã numi ngɔ pee a ní tsumi. Mohu ɔ, a tsɔɔ nɔ́ kpakpa,

1 Petro 4:10

Nike ní pɔtɛɛ komɛ nɛ Mawu kɛ dloo nyɛ ti nɔ tsuaa nɔ ɔ, nyɛ kɛ sɔmɔ nyɛ sibi kaa Mawu dloomi nike ní slɔɔto ɔmɛ a nɔ hyɛli kpakpahi.

1 Petro 5:2

Mawu asafo ɔ nɛ e ngɔ ha nyɛ ɔ, nyɛɛ hyɛ nɔ saminya kaa bɔ nɛ to hyɛlɔ lɛɔ e to kuu ɔ. Nyɛɛ pee enɛ ɔ kɛ je nyɛ tsui mi, se pi kaa a nyɛ nyɛ nɔ kɛ pee. Nyɛ tsu ní, pi ngɛ hiɔwo nɛ nyɛ ma na a he, se mohu kaa nyɛ ná nɔ́ nɛ nyɛ ngɛ pee ɔ he bua jɔmi. Bɔ nɛ Mawu to kaa nyɛɛ pee ji nɛ ɔ nɛ.

2 Petro 2:10

Nimli nɛ ɔmɛ a ti nihi pɔtɛɛ ji ni nɛmɛ nɛ ya nyɛɛɔ he lo mi akɔnɔ yaya se, se Mawu mlaa a lɛɛ a bui. Kikɛmɛ a lakpa tsɔɔli nɛ ɔmɛ a tsui wa; a woɔ a he nɔ, nɛ nibɔ ní kpakpahi nɛ ngɛ hiɔwe po a bui; se mohu a jɛɔ mɛ.