Tito 1:6 - BAIBLO ALOO NGMAMI KLƆUKLƆU Ɔ

⁶ Asafo nya dalɔ ɔ, e pee nɔ ko nɛ piami be e he, nɔ nɛ ngɛ yo kake pɛ, nɛ e bimɛ le Kristo. Bimɛ ɔmɛ nɛ a pee nihi nɛ a yeɔ a he odase kpakpa; pi yaholi, loo nihi nɛ tsɔɔ atuã.

Somi He Ɔ

⁶ lɔ ɔ ji, a ti nɔ tsuaa nɔ nɛ pee nɔ ko nɛ piami ko be e he, nɛ e ji nɔ nɛ ngɛ yo kake, nɛ e ngɛ bimɛ nɛ heɔ yeɔ nɛ a tui a he munyu yaya kaa yaholi loo tuegboli ji mɛ.

Tito 1:6 ပူးပေါင်းရင်းမြစ်များ

Mose I, 18:19

I hla Abraham, bɔ nɛ pee nɛ e fa e bimɛ ɔmɛ kɛ e nina a nɛ a bu mi tue, nɛ a pee nɔ́ nɛ da, kɛ nɔ nɛ hi. Ke a pee ja a, nɔ́ tsuaa nɔ́ nɛ i wo lɛ si kaa ma pee ha lɛ ɔ, ma pee.”

Abɛ Womi 28:7

Bi nɛ yeɔ mlaa nɔ ɔ, ní lelɔ ji lɛ. Se nɔ nɛ kɛ jiklɔɔtsɛmɛ bɔɔ ɔ, lɛɛ e woɔ e fɔli zo.

Ezekiel 44:22

Osɔfo kó ngɔ yalɔyo, loo yo nɛ e kɛ e huno be hu; e ngɔ yomiyo kɛ je e ma Israel bi ɔmɛ a kpɛti, aloo osɔfo ko nɛ be je mi ɔ e yo yalɔyo.

Mose III, 21:14

E ko ngɔ yalɔyo, aloo yo nɛ e kɛ e huno be hu, loo yo nɛ nɔ ko puɛ lɛ, loo yaholɔ. É ngɔ yo nɛ li nyumu kɛ je lɛ nitsɛ e weku mi.

Mose III, 21:7

Osɔfo ko kó ngɔ yo yaholɔ, aloo yo nɛ nɔ ko puɛ lɛ. E ko ngɔ yo nɛ e kɛ e huno be hu, ejakaa lɛ osɔfo ɔ, nɔ klɔuklɔu ji lɛ.

Malaki 2:15

O kɛ o yo ɔ, anɛ Mawu pee we nyɛ ni enyɔ ɔmɛ kake lo? Mɛni he je lɛ Mawu pee ja a? Mawu pee nɔ́ nɛ ɔ, bɔ nɛ pee nɛ nyɛ fɔ bimɛ nɛ ma ba pee lɛ nitsɛ e ma. Lɔ ɔ he ɔ, si nɛ nyɛ wo nyɛ nihe mi yi kpeekpee ɔmɛ ɔ, nyɛɛ hyɛ saminya nɛ nyɛ ti nɔ ko kó je se kɛ ya pee nɔ́ kpa.

Luka 1:5

Benɛ Herode ngɛ matsɛ yee ngɛ Yudea a, osɔfo ko hi si nɛ e biɛ ji Zakaria. Osɔfohi a kuu nɛ a tsɛɛ Abiya a mi no ji lɛ. E yo biɛ ji Elizabet, nɛ lɛ hu Aaron nina ji lɛ.

Efesobi 5:18

Nyɛ ko de dã, ejakaa e kɛ sakasaka peemi lɛ nyɛɛɔ. Mohu ɔ, nyɛ ha nɛ mumi ɔ nɛ hyi nyɛ.

1 Tesalonikabi 5:14

Ye nyɛmimɛ nɛ i suɔ, wa kpa nyɛ pɛɛ! Nyɛɛ tu munyu ngɔ tsɔɔ hejɔtsɛmɛ ɔmɛ; nyɛɛ wo ni nɛmɛ nɛ be tsui ɔ he wami; nyɛɛ ye bua ni nɛmɛ nɛ gbɔjɔ ɔ, nɛ nyɛɛ to nyɛ tsui si ha nɔ tsuaa nɔ.

1 Timoteo 1:9

E sa kaa wa kai kaa mlaa he hia we nimli kpakpahi. Ni nɛmɛ nɛ a woɔ mlaa ha ji mlaa tɔli, awi yeli, nihi nɛ li Mawu, yayami peeli, nihi nɛ Mawu mumi be a mi, nihi nɛ gbee mɛ nitsɛmɛ a tsɛmɛ kɛ a nyɛmɛ, kɛ muɔ si pueli kpahi.

1 Timoteo 3:12

Asafo mi sɔmɔlɔ ɔ, é hi yo kake pɛ, nɛ e nyɛ nɛ e hyɛ e we, kɛ e bimɛ a nɔ saminya.

Tito 1:10

Ejakaa nihi babauu tsɔ atuã, nɛ a ngɛ yakayaka munyu tue kɛ ngɛ nihi sisie. Nihi nɛ deɔ ke ja a po nɔ ɔ, mɛ titli lɛ a ngɛ ní nɛ ɔ tsue.

Samuel I, 2:11

Pee se ɔ, Elkana kpale e se kɛ ho we mi ya ngɛ Rama, se jokuɛyo Samuel ɔ hi osɔfo Eli ngɔ nɛ e sɔmɔ Yawɛ.

Samuel I, 2:22

Jehanɛ lɛɛ Eli ba bwɔ; níhi nɛ e binyumu ɔmɛ ngɛ Israel bi ɔmɛ pee ɔ, e nu lɛ tsuo pɛpɛɛpɛ. E nu hulɔ kaa a kɛ yi ɔmɛ nɛ tsuɔ ní ngɛ kpe he bo tsu ɔ nya a ngɛ si hwɔe.