Tito 1:5 - BAIBLO ALOO NGMAMI KLƆUKLƆU Ɔ

⁵ I si mo ngɛ Kreta, konɛ níhi nɛ piɛ ɔ, o to blɔ nɔ pɛpɛɛpɛ, nɛ o wo asafo nya dali ngɛ ma tsuaa ma mi. Mo kai níhi nɛ i de mo ɔ.

Somi He Ɔ

⁵ Nɔ́ nɛ he je nɛ i si mo ngɛ Kreta a ji konɛ o to nihi nɛ piɛ ɔ blɔ nɔ pɛpɛɛpɛ, nɛ o wo nikɔtɔmahi ngɛ ma tsuaa ma mi, kaa bɔ nɛ i de mo momo ɔ:

Tito 1:5 ပူးပေါင်းရင်းမြစ်များ

Kronika I, 6:32

Nɛ a tsu lami ní tsumi nɛ ɔ ngɛ kpe he bo tsu ɔ mi kaa bɔ nɛ a to blɔ nya ha mɛ ke a pee ɔ, kɛ ya si be nɛ Matsɛ Salomo ma Yawɛ we ɔ ngɛ Yerusalem.

Fiɛlɔ 12:9

Fiɛlɔ ɔ, pi kaa e juɛmi mi kuɔ kɛkɛ; e tsɔɔ ma a nile hulɔ. E bua abɛhi a nya. E kase abɛ ɔmɛ saminya, nɛ e hla a mi.

Yesaya 44:7

Mɛnɔ kɛ mi sɔ? Ha nɛ a ha heto. Ha nɛ a je nya nɛ a de ngɛ ye hɛ mi. Níhi nɛ ba blema a, mɛnɔ lɛ de to? Ha nɛ a gba níhi nɛ maa ba hwɔɔ se.

Mose III, 14:42

Jehanɛ, á ngɔ tɛ kpahi kɛ tsi puɔ ɔmɛ, nɛ́ a ngɔ zu kpa kɛ kã gli ɔmɛ a he.

Ni Tsumi 11:30

A pee ja niinɛ, nɛ a ngɔ sika a kɛ mane asafo nikɔtɔma amɛ kɛ gu Barnaba kɛ Saulo a nine nɔ.

Ni Tsumi 14:23

A ha hwɔ, nɛ a sɔle kɛ hla nikɔtɔmahi, nɛ a tu mɛ ngɔ wo Nyɔmtsɛ ɔ nɛ a he ye ɔ dɛ mi.

Ni Tsumi 2:11

Wɔ tsuo ɔ, Yuda bi kɛ ma je li nɛ ba sɛ Yuda bi jami ɔ mi ji wɔ; nɛ wa ti ni komɛ hu je Kreta, kɛ Arabia; se wɔ tsuo wa ngɛ nue nɛ a ngɛ Mawu ní nguangua amɛ jajee ngɛ wɔ nitsɛmɛ wa je gbi mi!”

Ni Tsumi 27:12

Lɛsimuɔ he ɔ pi he nɛ a ma nyɛ maa ye fĩɛ be ɔ ngɛ; lɔ ɔ he ɔ, a ti nihi fuu wo ga kaa a hia kɛ je lejɛ ɔ, nɛ a ka kaa alini a maa su Foinike, konɛ a ya ye fiɛ be ɔ ngɛ lejɛ ɔ. Kreta lɛsimuɔ he ji Foinike, nɛ e ngɛ leneyi kɛ bonyoku je, kɛ omleyi kɛ bonyoku je a kpɛti.

Ni Tsumi 27:13

Kɔɔhiɔ ba bɔni fiami blɛuu kɛ je leneyi je, lɔ ɔ he ɔ, e pee ni ɔmɛ nɛ ngɛ lɛ ɔ mi kaa nɔ́ nɛ a ngɛ hlae ɔ ba mi. Lɔ ɔ he ɔ, a gbla sɛkɛ ɔ, nɛ a hia kɛ be ngɛ Kreta wo ɔ nya tataata.

Ni Tsumi 27:21

Ni ɔmɛ yi ní be saii enɛ ɔ ha Paulo te da si nɛ e de mɛ ke, “Tsaatsɛmɛ, jinɛ e sa kaa nyɛ ko bu mi tue, nɛ a ko hiɛ lɛ ɔ kɛ ji Kreta. Jinɛ wa ko ba nɛ nɔ́, nɛ níhi a hɛ mi hu ko ba kpataa we kikɛ nɛ ɔ.

Ni Tsumi 27:7

Wa nyɛɛ blɛuu be saii nɛ dengme loko wa su Kenido ma a hanɔ. Se akɛnɛ kɔɔhiɔ ɔ ngmɛ́ wɔ blɔ nɛ waa ya hɛ mi he je ɔ, wa gba kɛ ya gu Salmone hanɔ kɛ tsɔ Kreta zugba kpɔ ɔ he. Zugba kpɔ nɛ ɔ tsi kɔɔhiɔ nya ngɛ lejɛ ɔ.

1 Korintobi 11:34

Se ke hwɔ ngɛ nɔ ko yee ɔ, e ye ní ngɛ we mi lolo, bɔ nɛ pee nɛ nyɛ he nya buami ɔ kó ba pee tue gblami mohu ha nyɛ. Níhi nɛ piɛ ɔ, ke i ba su kɛkɛ ma to blɔ nya.

1 Korintobi 14:40

Á pee nɔ́ tsuaa nɔ́ bɔ nɛ sa ngɛ blɔ nya tomi nya.

1 Korintobi 4:17

I ngɛ Timoteo nyɛ ngɔ tsɔe ngɛ enɛ ɔ he. E ngɛ kaa imi nitsɛ ye bi fɔfɔɛ; e yeɔ mi anɔkuale, nɛ i suɔ lɛ, ejakaa e le Kristo. Ke Timoteo ba a, e ma kai nyɛ bɔ nɛ i plɛ kɛ ngɛ Yesu Kristo se nyɛɛe ha, kaa bɔ nɛ a naa ngɛ ye ní tsɔɔmi mi ngɛ asafo ɔmɛ a mi he tsuaa he ɔ.

Kolosebi 2:5

E ngɛ mi kaa he lo mi ɔ, i be nyɛ ngɔ lɛɛ, se mumi mi ɔ, i kɛ nyɛ ngɛ. Ke i hyɛ bɔ nɛ nyɛ toɔ níhi blɔ nya saminya, kɛ bɔ nɛ nyɛ fi si kpɛii ngɛ hemi kɛ yemi nɛ nyɛ ngɛ ngɛ Kristo mi ɔ mi ɔ, e peeɔ mi bua jɔmi.

1 Timoteo 1:3

O ma kai kaa benɛ i je Efeso kɛ yaa Makedonia a, i wo mo ga kaa o hi si ngɛ Efeso. Ni komɛ ngɛ lejɛ ɔ nɛ a ngɛ lakpa tsɔɔmi tsɔɔe. Lɔ ɔ he ɔ, ma suɔ nɛ o hi Efeso, nɛ o bɔ mɛ kɔkɔ nɛ a kpa.

2 Timoteo 2:2

Níhi nɛ o nu nɛ i ngɛ fiɛe ngɛ nihi babauu a hɛ mi ɔ, tsɔɔ nihi nɛ yeɔ anɔkuale ɔ lɔ ɔmɛ nɔuu, konɛ mɛ hu a tsɔɔ ni kpahi.

Tito 1:12

Kreta fɔfɔɛ, nɛ ji mɛ nitsɛmɛ a gbalɔ ko lɛ de ke, “Daa nɛ ɔ, Kreta bi ngɛ lakpa yee; a ngɛ kaa lohwe awi yeli pɛ! Daa nɛ ɔ, hejɔ peemi, kɛ a ye nɛ a tɔ pɛ ji a ní tsumi.”