Tito 1:3 - BAIBLO ALOO NGMAMI KLƆUKLƆU Ɔ

³ Lɔ ɔ he ɔ, be nɛ sa mi ɔ, e ha nɛ siwo nɛ ɔ ba mi kɛ gu e sane kpakpa a nɛ a tu ngɔ wo ye dɛ mi ɔ nɔ. Enɛ ɔ i ngɛ fiɛe, kaa bɔ nɛ Mawu, wa kpɔlɔ ɔ fa mi ke ma pee ɔ.

Somi He Ɔ

³ nɛ ngɛ be nɛ sa mi ɔ, e je lɛ si ngɛ e munyu ɔ mi. Fiɛmi sane nɛ ɔ a tu ngɔ wo ye dɛ ngɛ Mawu nɛ ji wa yi wami helɔ ɔ fami nya.

Tito 1:3 ပူးပေါင်းရင်းမြစ်များ

Yesaya 12:2

Mawu ji ye yi wami helɔ; ma ngɔ ye hɛ ngɔ fɔ e nɔ, nɛ i be gbeye yee. Yawɛ Mawu ɔ ji nɔ nɛ haa mi he wami kɛ nyɛmi, lɛ nɔuu ji ye yi wami helɔ.

Yesaya 45:15

Israel Mawu ɔ nɛ heɔ e ma a yi wami ɔ, e ji Mawu nɛ laa e he.

Yesaya 45:21

Nyɛɛ kɛ nyɛ sane ɔ nɛ ba nɛ waa hyɛ mi. Nihi nɛ ma je a sane ɔ nya a, nyɛ ha nɛ a ya kpe yi! Nyɛ mawu ɔmɛ a kpɛti mɛnɔ nyɛ́ de nɔ́ ko kɛ to blema lokoo? Nɔ ko nɔ ko be. Anɛ pi imi Yawɛ lo? Anɛ pi imi Mawu nɛ da, nɛ heɔ e ma a yi wami ɔ lo? Ye se ɔ, Mawu kpa ko be hu.

Daniel 11:27

Lɔ ɔ se ɔ, matsɛmɛ enyɔ nɛ ɔmɛ maa hi si ngɛ okplɔɔ kake he, nɛ a maa ye ní. A ma susu ní yayahi a he, nɛ a maa ye a sibi lakpa. Se nɔ́ nɛ a ngɛ hlae ɔ, a nine be nɔ sue; ejakaa be nɛ a to ɔ, be ɔ sui lolo.

Daniel 8:23

“Ke matsɛ yemi nɛ ɔmɛ a nyagbe be ɔ su ta, nɛ a yayami ɔ mi ba wa bɔ nɛ e sa kaa a gbla a tue ɔ, matsɛ ko ma ba te si. Matsɛ nɛ ɔ maa pee yiwutsotsɛ kɛ nɔ sisilɔ nɛ maa wa tue.

Daniel 9:24

“Be nɛ Mawu to nɛ e maa gbla o ma a, kɛ Yerusalem tue kɛ yaa si ji jeha nyingmi kpaago totoe kpaago. Lɔ ɔ se ɔ, atuã tsɔmi, kɛ yayami peemi se maa po. A kɛ a he yayami ɔmɛ maa pa mɛ, nɛ a maa pee nɔ́ nɛ da kɛ maa ya neneene. Jamɛ a be ɔ mi ɔ, nina a, kɛ gbami ɔ maa ba mi, nɛ a maa pee Yawɛ we ɔ klɔuklɔu ekohu.

Habakuk 2:3

Ngmaa kɛ to; ejakaa be nɛ a ma tsu nɔ́ nɛ ɔ sui lolo. Se kɛ̃ ɔ, be ɔ ma, nɛ e be kɛe, nɛ nɔ́ nɛ ma je ngɔ tsɔɔ mo ɔ maa ba mi kokooko. E maa pee kaa nɔ́ nɛ e ma blɛuu tsɔ, se kɛ̃ ɔ, hyɛ́ blɔ. Ejakaa e maa ba mi kokooko, nɛ e be kɛe.

Marko 1:15

E ke, “Be ɔ su; Mawu matsɛ yemi ɔ ná nyɛ haa! Nyɛɛ kpale kɛ je nyɛ he yayami ɔmɛ a he, nɛ nyɛ he sane kpakpa a nyɛɛ ye.”

Marko 13:10

Ja a fiɛ sane kpakpa a ngɔ tsɔɔ je ma amɛ tsuo loko nyagbe ɔ maa ba.

Marko 16:15

Kɛkɛ nɛ e de mɛ ke, “Nyɛɛ ya je ɔ mi tsuo nɛ nyɛ ya fiɛ sane kpakpa a ngɔ tsɔɔ nimli adesahi tsuo.

Luka 1:47

Ye bua jɔ, kaa Mawu ji ye yi wami helɔ,

Ni Tsumi 10:36

Mawu tsɔ nɛ a kɛ munyu ɔ ya ha Israel bi ɔmɛ, nɛ a gu Yesu Kristo nɔ kɛ jaje sane kpakpa a nɛ kɛ tue mi jɔmi baa a ngɔ tsɔɔ mɛ. Lɛ, Yesu Kristo ɔ ji nimli adesahi tsuo a Nyɔmtsɛ.

Ni Tsumi 17:26

Sisije ɔ, nɔmlɔ kake Mawu bɔ, nɛ kikɛmɛ a nɔ kake nɛ ɔ mi je ɔ mi nimli adesahi tsuo je. Lɛ nitsɛ lɛ e ha nɛ a gbɛ fĩa je ɔ mi he tsuaa he. Be, kɛ he nɛ ní ɔmɛ maa hi, kɛ a huzu nya a, lɛ nitsɛ lɛ e to pɛpɛɛpɛ loko e bɔ je ɔ.

Romabi 15:19

Okadihi, kɛ nyakpɛ níhi nɛ i pee ɔ, Mumi Klɔuklɔu ɔ lɛ tsu enɛ ɔmɛ tsuo. Lɔ ɔ he ɔ, ye sikpa a tsuo, kɛ je Yerusalem hluu kɛ ya su Ilirikum ɔ, sane kpakpa a nɛ kɔɔ Kristo he ɔ sɔuu i fiɛ.

Romabi 16:25

Nyɛ ha wa je Mawu yi. Lɛ nɛ e ma ha nyɛ hemi kɛ yemi ɔ mi maa wa ngɛ Yesu Kristo he sane kpakpa a nɛ i fiɛ ha nyɛ ɔ mi. Kɛ je blema lokoo ɔ, nɔ ko nɔ ko li anɔkuale nɛ ɔ.

Romabi 16:26

Se amlɔ nɛ ɔ lɛɛ níhi nɛ gbali ɔmɛ ngma a ha nihi babauu ba na anɔkuale ɔ paa kaa bɔ nɛ neneene Mawu ɔ nitsɛ to nɛ a fiɛ ha je mahi tsuo, konɛ a he Mawu ye, nɛ a bu lɛ tue ɔ.

Romabi 5:6

Ejakaa be nɛ sa mi, be mi nɛ peepee ta wa he ɔ, jamɛ a be ɔ Kristo ba gbo ngɛ yayami peeli a he.

1 Korintobi 9:17

Ní nɛ i ngɛ tsue ɔ, imi nitsɛ nɛ i suɔ kaa ma tsu jinɛ i ko hyɛ hiɔwo blɔ. Se Mawu nitsɛ nɛ hla mi, nɛ e ngɔ ní tsumi ɔ ngɔ wo ye dɛ kaa nɔmlɔ nɛ yeɔ anɔkuale.

Galatabi 4:4

Se Mawu tsɔ lɛ nitsɛ e bi ɔ kɛ ba ngɛ be nɛ sa mi; yo nɛ fɔ lɛ, nɛ e ye Yuda bi a mlaa a hu nɔ.

Efesobi 1:10

Nɔ́ nɛ Mawu to nɛ e maa pee ke be ɔ su ɔ ji kaa e ma ha nɛ bɔ níhi tsuo maa pee kake, níhi nɛ ngɛ hiɔwe, kɛ ní nɛmɛ nɛ ngɛ zugba a nɔ. Nɛ Kristo maa ye matsɛ ngɛ mɛ tsuo a nɔ.

Efesobi 2:17

Lɔ ɔ he ɔ, Kristo ba nɛ e ba fiɛ sane kpakpa a nɛ haa nɔ he jɔmi ɔ ngɔ tsɔɔ nihi tsuo. E fiɛ ngɔ tsɔɔ nyɛ ma je li nɛ sa a nyɛɛ kɛ Mawu kpɛti kɛ ɔ, kɛ Yuda bi nɛ mɛɛ lɛɛ a ngɛ e kasa nya haa a.

Filipibi 1:13

Enɛ ɔ he je ɔ, mɔ mi buli ɔmɛ, kɛ ni kpa amɛ tsuo ba na le kaa Kristo nɛ i ngɛ sɔmɔe ɔ he nɛ a wo mi tsu ngɛ.

Kolosebi 1:23

Lɔ ɔ he ɔ, e hia kaa nyɛɛ hɛɛ hemi kɛ yemi ɔ mi; nyɛɛ da si kpitikplii, nɛ hɛ kɛ nɔ fɔmi nɛ nyɛ ná benɛ nyɛ nu sane kpakpa a, nyɛ ko ngmɛɛ he. Sane kpakpa nɛ ɔ nɛ a fiɛ ngɔ tsɔɔ bɔ níhi tsuo ngɛ je ɔ mi ɔ he lɛ imi Paulo i ba pee sɔmɔlɔ ngɛ.

Kolosebi 1:6

Sane kpakpa a ngɛ nɔ yae, nɛ e ngɛ yiblii woe ngɛ je ɔ mi tsuo. Kikɛ nɛ ɔ nɔuu e ngɛ ní tsue ngɛ nyɛ hu nyɛ mi kɛ je ligbi ɔ nɛ nyɛ nu Mawu dloomi ɔ he nɛ nyɛ nu sisi kaa bɔ nɛ e ngɛ anɔkuale mi ɔ.

1 Tesalonikabi 2:4

Mohu ɔ, wa tuɔ munyu kaa bɔ nɛ Mawu tsɔɔ wɔ ke waa pee ɔ; ejakaa e na wɔ kaa nihi nɛ sa nɛ a tu sane kpakpa a ngɔ wo a dɛ mi. Wa hla we kaa waa sa nimli a hɛ mi, se mohu kaa wa maa sa Mawu pɛ hɛ mi; ejakaa lɛ nɛ e le bɔ nɛ wa tsui mi ngɛ ha.

1 Timoteo 1:1

Imi Paulo nɛ ba pee Kristo Yesu bɔfo ngɛ Mawu, wa kpɔlɔ ɔ, kɛ Kristo Yesu, nɔ nɛ wa ngɔ wa hɛ kɛ fɔ e nɔ ɔ fami nya a,

1 Timoteo 1:11

A naa tsɔɔmi kpakpa nɛ ɔ ngɛ sɛ gbi nɛ haa nɔ hɛ mi baa nyami ɔ mi. Mawu lɛ ngɔ sɛ gbi nɛ ɔ ngɔ ha mi ke ma fiɛ. E sa kaa nɔ tsuaa nɔ nɛ je Mawu yi.

1 Timoteo 2:3

Sɔlemi kaa kikɛ nɛ ɔ hi, nɛ e saa Mawu, wa kpɔlɔ ɔ hɛ mi.

1 Timoteo 4:10

Wa gboɔ dengme kɛ tsuɔ ní wawɛɛ, ejakaa wa ngɔ wa hɛ ngɔ fɔ Mawu hɛ kalɔ ɔ nɔ. Lɛ ji nihi tsuo a yi wami helɔ, titli ɔ, ni nɛmɛ nɛ heɔ yeɔ ɔ.

2 Timoteo 4:17

Se Nyɔmtsɛ ɔ piɛ ye he, nɛ e wo mi he wami, nɛ i nyɛ fiɛ sane kpakpa a kɛ ha ma je li ɔmɛ tsuo. Bɔ nɛ Mawu je mi kɛ je gbenɔ nya mi ji nɛ ɔ nɛ. Ee, e je mi kɛ je gbenɔ mi.

Tito 2:10

nɛ a ko ju mɛ hulɔ. Se mohu á ye anɔkuale ngɛ nɔ́ tsuaa nɔ́ mi, konɛ anɔkuale nɛ kɔɔ Mawu, wa kpɔlɔ ɔ he ɔ, nihi nɛ a na nya saminya.

Tito 2:13

be mi nɛ wa ngɛ gbaami nɛ wa ngɔ wa hɛ fɔ nɔ ɔ blɔ hyɛe ɔ. Jamɛ a be ɔ, wa Mawu kpetekpleenyɛ, kɛ wa kpɔlɔ Yesu Kristo hɛ mi nyami ɔ maa je kpo.

Kpojemi 14:16

Kɛkɛ nɛ nɔ nɛ hii si ngɛ bɔku ɔ nɔ ɔ bɔni ní tsumi kɛ e ngma kpami ha a, nɛ e poo ngma a tsuo ngɛ je ɔ mi.