Samuel II, 9:8 - BAIBLO ALOO NGMAMI KLƆUKLƆU Ɔ

⁸ Mefiboshet kpla si ngɛ David hɛ mi ekohu, nɛ e de ke, “Mɛnɔ po ji mi nɛ o naa mi mɔbɔ kaa kikɛ nɛ ɔ? Imi, o tsɔlɔ nɛ i ngɛ kaa gbe gbogboe ɔ!”

Samuel II, 9:8 ပူးပေါင်းရင်းမြစ်များ

Samuel II, 16:9

Kɛkɛ nɛ Abishai nɛ e nyɛ biɛ ji Zeruya a, bi matsɛ ɔ ke, “Ye nyɔmtsɛ matsɛ, mɛni he je nɛ o ngmɛ blɔ nɛ gbe gbogboe nɛ ɔ ngɛ mo gbiɛe kikɛ nɛ ɔ? Ha nɛ ma ya nɛ ma ya po e yi.”

Samuel II, 3:8

Abner muklii mi fu wawɛɛ nitsɛ ngɛ munyu ɔ nɛ Ishboshet bi lɛ ɔ he, nɛ e de ke, “Anɛ e peeɔ mo kaa kuasia ji mi lo? Hyɛ, i kɛ o tsɛ, kɛ e nyɛmimɛ ɔmɛ, kɛ e huɛmɛ ɔmɛ hi si saminya. I je we mo kɛ wui David dɛ mi. Mwɔnɛ nɛ ɔ, moo o ngɛ sane poe kɛ ngɛ ye nɔ fɔe ke i kɛ nɔ ko yo ya na bɔmi!

Samuel I, 26:20

Mo ko ha nɛ ma gbo nɛ ye muɔ nɛ pue si ngɛ zugba kpa nɔ kɛ je Yawɛ hɛ mi. Mɛni he je Israel matsɛ hia ta kɛ ma mi tuami, imi nɛ i ngɛ kaa malɛɛ kɛkɛ ɔ? Mɛni he je e ngɛ mi dae kaa a daa hɔne ngɛ yoku nɔ ɔ?”

Samuel II, 24:14

David de Gad ke, “Sane nɛ ɔ he wa ha mi wawɛɛ nitsɛ! Se kɛ̃ i be suɔe nɛ nimli adesahi nɛ a gbla ye tue. Ha nɛ Yawɛ nitsɛ nɛ gbla wa tue, ejakaa mɔbɔ nalɔ ji lɛ.”

Matsɛmɛ II, 8:13

Hazael bi lɛ ke, “Imi o tsɔlɔ nɛ i ngɛ kaa gbe kɛkɛ ɔ, mɛnɔ ji mi nɛ ma tsu nɔ́ nguaa kaa kikɛ nɛ ɔ?” Elisha he nɔ ke, “Yawɛ lɛ je tsɔɔ mi kaa mo lɛ o ma ba ye tsɛ ngɛ Siria ma a nɔ.”