7 David ya nɔ nɛ e de lɛ ke, “Koo ye gbeye; ejakaa o tsɛ Yonatan he ɔ, ma na mo mɔbɔ. Ma kpale o nɛ̃, Saul zugba amɛ tsuo kɛ ha mo, nɛ ye okplɔɔ he o maa ye ní ngɛ daa.”
Benɛ a kɛ mɛ yaa Yosef we ɔ mi ɔ, a tsui po, nɛ a de a sibi ke, “Sika a nɛ a kpale ngɔ wo wa kotoku ɔmɛ a mi benɛ wa ba hiɛ ɔ kekleekle ɔ, lɔ ɔ he je nɛ a ngɔ wɔ kɛ ba hiɛmɛ nɛ ɔ nɛ. A ma ba tua wɔ tlukaa; a ma kpɔ wa teji ɔmɛ ngɛ wa dɛ, nɛ a maa pee wɔ nyɔguɛhi.”
Tsɔlɔ ɔ de ke, “Nyɛ ko ye kɔmɔ. Nyɛ tsui nɛ ko po. Nyɛ Mawu ɔ, nyɛ tsɛ e Mawu ɔ, lɛ nɛ e kɛ sika a wo nyɛ kotoku ɔmɛ a mi ha nyɛ. Ye nine su nyɛ sika a nɔ.” Kɛkɛ nɛ e je Simeon kɛ ba ha mɛ.
Imi nɛ i ngɔ o nyɔmtsɛ Saul matsɛ yemi ɔ, kɛ e yi ɔmɛ ngɔ wo o dɛ mi; imi nɛ i wo mo Israel kɛ Yuda tsuo matsɛ. Ke ní nɛ ɔmɛ pi ha mo ɔ, jinɛ ma ngɔ totoe enyɔ ngɔ piɛ he ha mo.
Jinɛ tsaatsɛ we ɔ tsuo pɛpɛɛpɛ sa gbenɔ; se kɛ̃ o ngɔ o tsɔlɔ ɔ ngɔ piɛ nihi nɛ yeɔ ní ngɛ o we okplɔɔ ɔ he ɔ a he. Lɛɛ mɛni he blɔ i ngɛ kaa ma bi nɛnɛ ekohu ke e na mi mɔbɔ?”
Lɔ ɔ he ɔ, o kɛ o binyumu ɔmɛ, kɛ o tsɔli ɔmɛ maa pee ngmɔ, nɛ nyɛ ma kpa ní, konɛ o nyɔmtsɛ Saul we ɔ nɛ a ná nɔ́ ko nɛ a ye. Se o nyɔmtsɛ ɔ bibi Mefiboshet lɛɛ e maa ye ní ngɛ ye okplɔɔ he daa.” Ziba ngɛ binyumuhi nyɔngma kɛ enuɔ, kɛ tsɔli nyingmi enyɔ.
Matsɛ ɔ bi lɛ ekohu ke, “Anɛ Saul nina ko be, nɛ ma na lɛ mɔbɔ kaa bɔ nɛ i wo Mawu si ɔ lo?” Ziba de matsɛ ɔ ke, “E piɛ Yonatan binyumu kake; se lɛɛ akpaketsɛ ji lɛ.”
“Gilead no Bazilai binyumu ɔmɛ lɛɛ, naa mɛ mɔbɔ, nɛ o ngɔ mɛ ngɔ piɛ ni nɛmɛ nɛ yeɔ ní ngɛ o we okplɔɔ ɔ he ɔ a he; ejakaa benɛ i ngɛ o wetsɛ Absalom nya fo tue ɔ, mɛ lɛ a na mi mɔbɔ.