Samuel II, 9:11 - BAIBLO ALOO NGMAMI KLƆUKLƆU Ɔ

¹¹ Ziba he nɔ ke, “Nɔ́ tsuaa nɔ́ nɛ ye nyɔmtsɛ matsɛ fa mi ke ma pee ɔ, ma pee.” Lɔ ɔ he ɔ, Mefiboshet ya yeɔ ní ngɛ Matsɛ David okplɔɔ ɔ he kaa matsɛbi.

Samuel II, 9:11 ပူးပေါင်းရင်းမြစ်များ

Samuel II, 15:15

Matsɛ tsɔli ɔmɛ de ke, “Wa dla wa he momo; nɔ́ tsuaa nɔ́ nɛ o fa wɔ ke waa pee ɔ, wa maa pee.”

Samuel II, 19:17

Nyumuhi akpe nɛ je Benyamin wɛtso ɔ mi ɔ piɛ e he kɛ ho. Ziba nɛ ji tsɔlɔ ngɛ Saul we ɔ mi ɔ, lɛ hu e kɛ e bimɛ nyɔngma kɛ enuɔ ɔmɛ, kɛ e tsɔli nyingmi enyɔ ɔmɛ ho Yordan pa a nya ya loko matsɛ ɔ ya su lejɛ ɔ.

Samuel II, 19:24

Mefiboshet, Saul bibi ɔ hu ba nɛ e ba kpee matsɛ ɔ. Kɛ je ligbi ɔ nɛ matsɛ ɔ je Yerusalem ɔ hluu kɛ ba si ligbi nɛ e kpale e se kɛ ba fiafiaafia a, Mefiboshet fɔ we e nanehi a he, e sɛ we e kpɛni; nɛ e tadehi hu e fɔ we a he.

Samuel II, 19:26

E he nɔ ke, “Ye nyɔmtsɛ matsɛ, kaa bɔ nɛ o le ɔ, akpaketsɛ ji mi. I fa ye tsɔlɔ ɔ ke e wo ye teji ɔ nɔ ní ha mi nɛ ma hi nɔ nɛ i kɛ mo nɛ ya. Se ye tsɔlɔ ɔ sisi mi,

Samuel II, 9:10

Lɔ ɔ he ɔ, o kɛ o binyumu ɔmɛ, kɛ o tsɔli ɔmɛ maa pee ngmɔ, nɛ nyɛ ma kpa ní, konɛ o nyɔmtsɛ Saul we ɔ nɛ a ná nɔ́ ko nɛ a ye. Se o nyɔmtsɛ ɔ bibi Mefiboshet lɛɛ e maa ye ní ngɛ ye okplɔɔ he daa.” Ziba ngɛ binyumuhi nyɔngma kɛ enuɔ, kɛ tsɔli nyingmi enyɔ.

Samuel II, 9:12

Mefiboshet ngɛ binyumu wayoo ko nɛ a tsɛɛ lɛ Mika. Nɔ tsuaa nɔ nɛ ngɛ Ziba we ɔ mi ɔ ba plɛ pee Mefiboshet tsɔlɔ.

Samuel II, 9:13

Lɔ ɔ he ɔ, Mefiboshet nɛ e nane enyɔ ɔmɛ tsuo kplɔ ngɛ e sisi ɔ, lɛɛ e hi Yerusalem; nɛ e yeɔ ní ngɛ matsɛ okplɔɔ he daa ligbi.