Samuel II, 9:10 - BAIBLO ALOO NGMAMI KLƆUKLƆU Ɔ

¹⁰ Lɔ ɔ he ɔ, o kɛ o binyumu ɔmɛ, kɛ o tsɔli ɔmɛ maa pee ngmɔ, nɛ nyɛ ma kpa ní, konɛ o nyɔmtsɛ Saul we ɔ nɛ a ná nɔ́ ko nɛ a ye. Se o nyɔmtsɛ ɔ bibi Mefiboshet lɛɛ e maa ye ní ngɛ ye okplɔɔ he daa.” Ziba ngɛ binyumuhi nyɔngma kɛ enuɔ, kɛ tsɔli nyingmi enyɔ.

Samuel II, 9:10 ပူးပေါင်းရင်းမြစ်များ

Samuel II, 9:7

David ya nɔ nɛ e de lɛ ke, “Koo ye gbeye; ejakaa o tsɛ Yonatan he ɔ, ma na mo mɔbɔ. Ma kpale o nɛ̃, Saul zugba amɛ tsuo kɛ ha mo, nɛ ye okplɔɔ he o maa ye ní ngɛ daa.”

Samuel II, 19:28

Jinɛ tsaatsɛ we ɔ tsuo pɛpɛɛpɛ sa gbenɔ; se kɛ̃ o ngɔ o tsɔlɔ ɔ ngɔ piɛ nihi nɛ yeɔ ní ngɛ o we okplɔɔ ɔ he ɔ a he. Lɛɛ mɛni he blɔ i ngɛ kaa ma bi nɛnɛ ekohu ke e na mi mɔbɔ?”

Luka 14:15

Benɛ nihi nɛ kɛ Yesu hii si ngɛ okplɔɔ ɔ he ɔ a ti nɔ kake nu enɛ ɔ, e de Yesu ke, “Nihi nɛ maa ye ní ngɛ Mawu matsɛ yemi ɔ mi ɔ, a gbaa mɛ pɛ!”

Matsɛmɛ II, 25:29

Enɛ ɔ he je ɔ, a ngmɛ Yehoyakin blɔ nɛ e je pã mi tade ɔmɛ ngɛ e he ngɔ pue si, nɛ e ya yeɔ ní ngɛ matsɛ okplɔɔ ɔ he daa ligbi kɛ ya si benɛ e gbo.

Samuel II, 16:3

Matsɛ ɔ bi lɛ ke, “O nyɔmtsɛ ɔ bibi Mefiboshet ɔ, jije e ngɛ?” Ziba he nɔ ke, “E ngɛ Yerusalem, ejakaa e susu kaa be su nɛ Israel ma a maa kpale e nɛ̃ matsɛ yemi ɔ kɛ ha lɛ.”

Samuel II, 21:7

Ngɛ kita nɛ David kɛ Saul bi Yonatan ka a he he je ɔ, matsɛ ɔ tɛ Yonatan bi Mefiboshet nɛ ji Saul bibi ɔ he.

Matsɛmɛ I, 2:7

“Gilead no Bazilai binyumu ɔmɛ lɛɛ, naa mɛ mɔbɔ, nɛ o ngɔ mɛ ngɔ piɛ ni nɛmɛ nɛ yeɔ ní ngɛ o we okplɔɔ ɔ he ɔ a he; ejakaa benɛ i ngɛ o wetsɛ Absalom nya fo tue ɔ, mɛ lɛ a na mi mɔbɔ.

Yeremia 52:34

Jehanɛ se hu, matsɛ ɔ haa lɛ yemi kɛ buami sika ko daa ligbi kɛ ya si e gbenɔ be.

Samuel II, 19:18

A ngɔ matsɛ ɔ we mi bi ɔmɛ kɛ po pa a; nɛ nɔ́ tsuaa nɔ́ nɛ matsɛ ɔ ngɛ hlae ɔ, a pee ha lɛ. Benɛ matsɛ ɔ maa ho pa a pomi ya a, Gera binyumu Shimei ya kpla si ngɛ e hɛ mi nɛ e nu matsɛ ɔ nane,