Samuel II, 9:1 - BAIBLO ALOO NGMAMI KLƆUKLƆU Ɔ

¹ Ligbi ko ɔ, David bi si ke, “Anɛ Saul nina ko piɛ lo? Ke nɔ ko ngɛ ɔ, ma suɔ nɛ ma na lɛ mɔbɔ ngɛ Yonatan he.”

Samuel II, 9:1 ပူးပေါင်းရင်းမြစ်များ

Samuel II, 1:26

“Ye nyɛmi Yonatan, i ngɛ mo kɔmɔ yee; o suɔ mi saminya! Suɔmi nɛ o je kpo ngɔ ha mi ɔ, e nya wa pe yihi a suɔmi po!

Samuel II, 21:7

Ngɛ kita nɛ David kɛ Saul bi Yonatan ka a he he je ɔ, matsɛ ɔ tɛ Yonatan bi Mefiboshet nɛ ji Saul bibi ɔ he.

Samuel II, 9:7

David ya nɔ nɛ e de lɛ ke, “Koo ye gbeye; ejakaa o tsɛ Yonatan he ɔ, ma na mo mɔbɔ. Ma kpale o nɛ̃, Saul zugba amɛ tsuo kɛ ha mo, nɛ ye okplɔɔ he o maa ye ní ngɛ daa.”

Matsɛmɛ I, 2:7

“Gilead no Bazilai binyumu ɔmɛ lɛɛ, naa mɛ mɔbɔ, nɛ o ngɔ mɛ ngɔ piɛ ni nɛmɛ nɛ yeɔ ní ngɛ o we okplɔɔ ɔ he ɔ a he; ejakaa benɛ i ngɛ o wetsɛ Absalom nya fo tue ɔ, mɛ lɛ a na mi mɔbɔ.

Abɛ Womi 27:10

O hɛ ko je mo nitsɛ o huɛ, loo o tsɛ e huɛ nɔ; ke e fi mo ɔ, ko de ke doo o maa ya o nyɛmi ngɔ; o huɛ nɛ ngɛ o kasa nya a hi pe o nyɛmi nɛ ngɛ ma se lokoo.

Mateo 10:42

Niinɛ, i ngɛ nyɛ dee ke, nɔ tsuaa nɔ nɛ ma ha ni tsɔwi nɛ ɔmɛ a ti nɔ kake nyu nɛ mi jɔ nɛ e nu akɛnɛ ye kaselɔ ji lɛ he je ɔ, e hiɔwo be lɛ bɔe gblegbleegble.”

Mateo 25:40

Matsɛ ɔ ma he nɔ ke, ‘Niinɛ, i ngɛ nyɛ dee ke, be abɔ nɛ nyɛ pee ngɔ ha ye nyɛmimɛ nɛ ɔmɛ a ti nɔ nyafii pe kulaa a, imi nyɛ pee ngɔ ha a nɛ!’

Marko 9:41

I ngɛ nyɛ dee ke, nɔ tsuaa nɔ nɛ ma ha nyɛ nyu nɛ nyɛ maa nu ngɛ imi Kristo ɔ ye he ɔ, hiɔwo kpakpa be lɛ bɔe.

1 Petro 3:8

Nyagbe ɔ, nyɛ tsuo nyɛɛ hɛɛ juɛmi kake, nɛ nyɛɛ na ha nyɛ sibi. Nyɛɛ suɔ nyɛ he kaa nyɛmimɛ. Nyɛɛ na nyɛ sibi mɔbɔ, nɛ nyɛɛ ba nyɛ he si.

Samuel I, 20:42

Kɛkɛ nɛ Yonatan de David ke, “Yaa ngɛ he jɔmi mi. Kita a nɛ i kɛ mo tsuo wa ka wa he ngɛ Yawɛ biɛ mi ɔ, Yawɛ ma ha nɛ i kɛ mo, kɛ o nina, kɛ imi hu ye nina wa maa ye nɔ kɛ maa ya neneene.” Enɛ ɔ se ɔ, David je lejɛ ɔ, nɛ Yonatan hu kpale e se kɛ ho ma a mi ya.