Samuel II, 8:6 - BAIBLO ALOO NGMAMI KLƆUKLƆU Ɔ

⁶ David to tabohi a hi hehi ngɛ Damasko; nɛ Siria bi ɔmɛ ba plɛ pee David sɔmɔli, nɛ a tsuɔ tó kɛ haa lɛ. Yawɛ ha nɛ David ye kunimi ngɛ he tsuaa he.

Samuel II, 8:6 ပူးပေါင်းရင်းမြစ်များ

Samuel II, 8:14

David to tabohi a hi hehi ngɛ Edom zugba a nɔ tsuo; nɛ Edom bi ɔmɛ ba plɛ pee e sɔmɔli. Yawɛ ha David ye kunimi ngɛ he tsuaa he.

La 140:7

Ye Nyɔmtsɛ Yawɛ, ye yi wami helɔ kpanaa, ta be mi ɔ, mo nɔuu lɛ o baa ye yi.

Kronika II, 17:2

E ngɔ ta buli ngɔ to Yuda mahi nɛ a fia gbogbo ngɔ wo a he ɔ, kɛ kɔpe ɔmɛ, kɛ Efraim mahi nɛ e tsɛ Asa kpɔ ɔ a mi.

Samuel II, 7:9

Imi lɛ i kɛ mo nyɛɛ kɛ ya kɛ ba; nɛ imi nɔuu lɛ i kpata o he nyɛli ɔmɛ tsuo a hɛ mi ngɛ o blɔ ɔ nɔ. Ma ha nɛ o ma na biɛ kaa nimli nguahi nɛ ngɛ zugba a nɔ ɔ a ti nɔ ko.

Abɛ Womi 21:31

Adesa dlaa e we okpɔngɔ he kɛ ha ta hwumi; se kunimi yemi ɔ lɛɛ Yawɛ dɛ mi e ngɛ.

Kronika I, 18:13

Abishai to ta buli a hi hehi ngɛ Edom, nɛ ni ɔmɛ nɛ ngɛ lejɛ ɔ ba plɛ pee Matsɛ David sɔmɔli. Yawɛ haa nɛ David yeɔ kunimi ngɛ he tsuaa he.

Samuel II, 23:14

Jamɛ a be ɔ, David ngɛ tɛ puɔ ɔ mi, nɛ Filisti ta buli ɔmɛ ekomɛ ngɛ Betlehem.

Samuel II, 8:2

E ya tua Moab bi ɔmɛ hulɔ nɛ e ye a nɔ. E ha nɛ ni ɔmɛ hwɔ si ngɛ zugba, nɛ e gba a mi etɛɛtɛ. Ni etɛ tsuaa ni etɛ mi ɔ, e gbe ni enyɔ, nɛ e kɛ nɔ kake he ke lɛ. Lɔ ɔ he ɔ, Moab bi ɔmɛ ba pee David sɔmɔli, nɛ a tsuɔ tó kɛ haa lɛ.

Samuel II, 3:18

Jehanɛ lɛɛ be ɔ su; nyɛ tsu he ní. Nyɛ kai kaa Yawɛ wo David si ke, ‘Ma gu ye tsɔlɔ David nine nɔ kɛ kpɔ ye ma, Israel kɛ je Filisti bi ɔmɛ, kɛ a he nyɛli ɔmɛ tsuo a dɛ mi.’ ”

Samuel I, 14:15

Sawale nu Filisti bi ɔmɛ ngɛ nga a nɔ. Ta buli ɔmɛ, kɛ ní hali ɔmɛ tsuo a tsui po. Jehanɛ hu zugba mimiɛ, nɛ nɔ́ nɛ ɔ ha sawale nɛ nu mɛ ɔ nya ba wa pe kekle ɔ.

Samuel I, 14:6

Yonatan de niheyo ɔ nɛ hɛɛ e ta hwumi ní ɔmɛ ke, “Ha waa ho mɔmlɔtɔtsɛmɛ ɔmɛ a sito he ɔ ya. Eko piɔ, Yawɛ ma tsu nyakpɛ ní ha wɔ; ejakaa nɔ́ ko nɔ́ ko tsi Yawɛ nya kaa e kɛ nihi fuu, loo bɔɔ ma he nihi a yi wami.”

Samuel I, 14:1

Ligbi ko ɔ, Saul binyumu Yonatan de niheyo ɔ nɛ hɛɛɔ e ta hwumi ní ɔmɛ ke, “Ha waa po mi kɛ ho Filisti bi ɔmɛ a sito he ɔ ya.” Se e sɛ́ e tsɛ.

Samuel I, 13:3

Yonatan ya gbe Filisti bi a nyatsɛ ɔ nɛ ngɛ Geba a, nɛ Filisti bi ɔmɛ tsuo nu he. Kɛkɛ nɛ Saul ha nɛ a kpa titimati kɛ kpa zugba a nɔ tsuo kɛ tsɛ Hebri bi ɔmɛ kɛ ha ta hwumi.

Samuel II, 8:7

David kpɔ sika tsu tsɛ̃i ɔmɛ nɛ Hadadezer tsɔli ɔmɛ hɛɛ ɔ ngɛ a dɛ, nɛ e kɛ ho Yerusalem ya.

Samuel II, 10:19

Benɛ matsɛmɛ ɔmɛ nɛ ngɛ Hadadezer sɔmɔe ɔ ná le kaa Israel bi ɔmɛ ye a nɔ ɔ, a kɛ Israel bi ɔmɛ ya kpata, nɛ a sɔmɔ mɛ. Lɔ ɔ he ɔ, Siria bi ɔmɛ ye gbeye kaa a ma ya piɛ Amon bi ɔmɛ a he ekohu.

Matsɛmɛ I, 4:21

Nɛ Salomo ye tsɛ ngɛ ma amɛ tsuo a nɔ, kɛ je Yufrate pa a nya kɛ ya si Filisti bi ɔmɛ a zugba a, kɛ ya pue Egipt bi ɔmɛ a huzu ɔ nya tɔɔ. Je ma nɛ ɔmɛ wo tó ha lɛ, nɛ a sɔmɔ lɛ e wami be ɔ tsuo.

Samuel II, 5:10

David ya nɔ wawɛɛ nitsɛ; ejakaa Yawɛ Tabohiatsɛ Mawu ɔ kɛ lɛ ngɛ.

Matsɛmɛ II, 1:1

Israel matsɛ, Ahab gbenɔ se ɔ, Moab ma a tsɔ Israel hɛ mi atuã.

Matsɛmɛ II, 3:4

Moab matsɛ, Mesha a, to lɛlɔ ji lɛ; nɛ daa jeha a, e ya haa Israel matsɛ jijɔ akpe lafa, kɛ agbosuhi a he bwɔmi akpe lafa.

Matsɛmɛ II, 14:28

Yeroboam he sane kpahi, kã nɛ e pee, ta nɛ e hwu, bɔ nɛ e kpɔ Damasko kɛ Hamat kɛ je Yuda dɛ ngɔ ha Israel, kɛ ní kpahi tsuo nɛ e pee ɔ, a ngma ngɛ Israel Matsɛmɛ ɔmɛ a Yi nɔ Sanehi Womi ɔ mi.

Matsɛmɛ II, 18:7

Enɛ ɔ he je ɔ, Yawɛ hu piɛ e he, nɛ e yeɔ manye ngɛ nɔ́ tsuaa nɔ́ mi. E tsɔ́ Asiria matsɛ ɔ hɛ mi atuã, nɛ e kua lɛ sɔmɔmi.

La 60:10

Mawu, anɛ pi mo nɛ o kua wɔ ɔ lo? Mawu, o kɛ wa tabo ɔ tsa yɛ ta!