Samuel II, 8:3 - BAIBLO ALOO NGMAMI KLƆUKLƆU Ɔ

³ Jehanɛ se, David ya ye Rehob binyumu Hadadezer, nɛ ji Zoba matsɛ ɔ nɔ kunimi. Jamɛ a be ɔ, Hadadezer ngɛ blɔ nɔ kɛ yaa, konɛ e ya kpɔ e zugba a nɛ ngɛ Yufrate pa a he ɔ ekohu.

Samuel II, 8:3 ပူးပေါင်းရင်းမြစ်များ

Mose I, 15:18

Jamɛ a ligbi ɔ, Yawɛ kɛ Abram so, nɛ e de lɛ ke, “Ma ngɔ zugba nɛ ɔ tsuo kɛ ha o nina, kɛ maa je Egipt pa a nya kɛ yaa si Yufrate pa a nya.

Samuel II, 10:15

Benɛ Siria bi ɔmɛ na kaa Israel bi ɔmɛ ye a nɔ ɔ, a ya bua a he nya.

Samuel II, 10:16

Matsɛ Hadadezer tsɔ nɛ a ya ngɔ Siria bi nɛ ngɛ Yufrate pa a se ɔ kɛ ba, nɛ Hadadezer we asafoatsɛ Shobak nyɛɛ a hɛ mi kɛ ba Helam.

Samuel II, 10:19

Benɛ matsɛmɛ ɔmɛ nɛ ngɛ Hadadezer sɔmɔe ɔ ná le kaa Israel bi ɔmɛ ye a nɔ ɔ, a kɛ Israel bi ɔmɛ ya kpata, nɛ a sɔmɔ mɛ. Lɔ ɔ he ɔ, Siria bi ɔmɛ ye gbeye kaa a ma ya piɛ Amon bi ɔmɛ a he ekohu.

Samuel II, 10:6

Benɛ Amon bi ɔmɛ na kaa a ya hla munyu ngɛ David he ɔ, a tsɔ ya bɔ Siria ta buli akpe nyingmi enyɔ apaa kɛ je Bet Rehob kɛ Zoba. Jehanɛ hu, a ya bɔ Maaka matsɛ, kɛ e we bi akpe apaa kɛ piɛ Tob bi akpe nyɔngma kɛ enyɔ a he.

Matsɛmɛ I, 4:21

Nɛ Salomo ye tsɛ ngɛ ma amɛ tsuo a nɔ, kɛ je Yufrate pa a nya kɛ ya si Filisti bi ɔmɛ a zugba a, kɛ ya pue Egipt bi ɔmɛ a huzu ɔ nya tɔɔ. Je ma nɛ ɔmɛ wo tó ha lɛ, nɛ a sɔmɔ lɛ e wami be ɔ tsuo.

Kronika I, 18:3

Jehanɛ, David ye Zoba matsɛ, Hadadezer nɔ kunimi ngɛ Hamat zugba a kasa nya; ejakaa Hadadezer ngɛ hlae nɛ e ya ngɔ zugba a nɛ ngɛ Yufrate pa a he ɔ.

Kronika II, 8:3

Salomo ya ngɔ Hamat kɛ Zoba zugba a pani nya,

La 60:1

Mawu lee, o sake wɔ kɛ pue he. O mi mi fu wɔ, nɛ o gbɛ wɔ ngɔ fĩa. Se kpale wɔ kɛ ba wa glɛ nɔ ekohu koo!

La 72:8

É ye tsɛ kɛ je wo nya hiɛ kɛ ya su wo nya hiɛ, kɛ je Yufrate pa a nya kɛ ya su je ɔ nyagbe he ɔmɛ!

Mose II, 23:31

Ma bli o huzu ɔmɛ a mi kɛ je Wo Tsu ɔ nya kɛ ya su Mediterenia wo ɔ nya; jehanɛ hu, kɛ je nga a nɔ kɛ ya pi Yufrate pa a. Ma ngɔ zugba a nɔ bi ɔmɛ kɛ wo o dɛ mi, nɛ o maa fie mɛ kɛ je o blɔ nɔ.

Mose V, 11:24

Zugba a he nɛ nyɛ maa nyɛɛ kɛ gu ɔ tsuo maa pee nyɛ nɔ́. Nyɛ huzu maa je nga kplanaa a nɔ ngɛ leneyi je kɛ yaa su Lebanon yo ɔmɛ a nɔ ngɛ omleyi je; jehanɛ e maa je Yufrate a pa nya ngɛ beleku je kɛ yaa su Mediterenia wo ɔ nya ngɛ bonyoku je.

Samuel I, 14:47

Benɛ Saul ye Israel nɔ matsɛ ɔ, e kɛ he nyɛli tsuo nɛ bɔle lɛ kɛ kpe ɔ hwu ta: mɛ ji Moab bi, Amon bi, Edom bi, Zoba matsɛmɛ ɔmɛ, kɛ Filisti bi. Nɛ he tsuaa he nɛ e ma gba ta kɛ gu ɔ, e yeɔ kunimi.