Samuel II, 8:14 - BAIBLO ALOO NGMAMI KLƆUKLƆU Ɔ

¹⁴ David to tabohi a hi hehi ngɛ Edom zugba a nɔ tsuo; nɛ Edom bi ɔmɛ ba plɛ pee e sɔmɔli. Yawɛ ha David ye kunimi ngɛ he tsuaa he.

Samuel II, 8:14 ပူးပေါင်းရင်းမြစ်များ

Mose I, 25:23

Yawɛ de lɛ ke, “Bimɛ nɛ ngɛ o mi mi ɔ ma ba pee je ma enyɔ hwɔɔ se, nɛ́ a kɛ a he be yee. Kake he ma ba wa pe kake; nɛ nɔkɔtɔma a ma sɔmɔ jokuɛ ɔ.”

Mose I, 27:29

Je ma amɛ ma sɔmɔ mo, nɛ nimli adesahi ma kpla si ha mo. O maa ye o nyɛmimɛ ɔmɛ a nɔ, nɛ o nyɛbimɛ ɔmɛ ma kpla si ha mo. Nihi nɛ gbiɛɛ mo ɔ, a maa gbiɛ mɛ; ni nɛmɛ nɛ gbaa mo ɔ, a maa gbaa mɛ.”

Samuel II, 5:10

David ya nɔ wawɛɛ nitsɛ; ejakaa Yawɛ Tabohiatsɛ Mawu ɔ kɛ lɛ ngɛ.

Samuel II, 7:9

Imi lɛ i kɛ mo nyɛɛ kɛ ya kɛ ba; nɛ imi nɔuu lɛ i kpata o he nyɛli ɔmɛ tsuo a hɛ mi ngɛ o blɔ ɔ nɔ. Ma ha nɛ o ma na biɛ kaa nimli nguahi nɛ ngɛ zugba a nɔ ɔ a ti nɔ ko.

Samuel II, 8:15

David ye Israel ma a tsuo nɔ matsɛ; e ye dami sane kɛ ha nɔ tsuaa nɔ.

Samuel II, 8:6

David to tabohi a hi hehi ngɛ Damasko; nɛ Siria bi ɔmɛ ba plɛ pee David sɔmɔli, nɛ a tsuɔ tó kɛ haa lɛ. Yawɛ ha nɛ David ye kunimi ngɛ he tsuaa he.

Matsɛmɛ I, 11:15

Be ko nɛ be ɔ, benɛ David ya ye Edom nɔ kunimi ɔ, e tatsɛ Yoab ho, konɛ e ya pu nihi nɛ nɔ ngɛ ta a mi. Yoab kɛ e we bi ɔmɛ hi Edom nyɔhiɔ ekpa; nɛ jamɛ a be ɔ mi ɔ, a gbe nyumu tsuaa nyumu ngɛ ma a mi.

Matsɛmɛ I, 22:47

Jamɛ a be ɔ mi ɔ, matsɛ ko be Edom; matsɛ se yelɔ lɛ ngɛ.

Matsɛmɛ I, 22:48

Matsɛ Yehoshafat kpɛ lɛ nguanguahi nɛ woɔ tlomi, konɛ a hlui mɛ kɛ ya Ofir zugba a nɔ ya ngɔ sika tsu ba ha lɛ; se lɛ ɔmɛ ya ywia ngɛ Eziongeber, nɛ a nyɛ we nɛ a ya.

Matsɛmɛ II, 14:7

Amazia gbe Edom ta buli akpe nyɔngma ngɛ Ngo kɔ̃ ɔ mi. E kpɔ Sela ma a ngɛ ta mi, nɛ e wo lɛ biɛ ke Yokteel; nɛ ja a tsɛɛ ma nɛ ɔ kɛ ba si mwɔnɛ ɔ.

Matsɛmɛ II, 18:7

Enɛ ɔ he je ɔ, Yawɛ hu piɛ e he, nɛ e yeɔ manye ngɛ nɔ́ tsuaa nɔ́ mi. E tsɔ́ Asiria matsɛ ɔ hɛ mi atuã, nɛ e kua lɛ sɔmɔmi.

Kronika I, 18:13

Abishai to ta buli a hi hehi ngɛ Edom, nɛ ni ɔmɛ nɛ ngɛ lejɛ ɔ ba plɛ pee Matsɛ David sɔmɔli. Yawɛ haa nɛ David yeɔ kunimi ngɛ he tsuaa he.

La 60:1

Mawu lee, o sake wɔ kɛ pue he. O mi mi fu wɔ, nɛ o gbɛ wɔ ngɔ fĩa. Se kpale wɔ kɛ ba wa glɛ nɔ ekohu koo!