Samuel II, 7:8 - BAIBLO ALOO NGMAMI KLƆUKLƆU Ɔ

⁸ “Lɔ ɔ he ɔ, mo de ye tsɔlɔ David ke, imi Yawɛ Tabohiatsɛ ɔ, i ngɛ lɛ dee ke, ‘Imi nɛ i ya ngɔ mo kɛ je lohwe lɛmi he, kɛ je tohi a se, konɛ o ba ye ganɔ ngɛ ye ma, Israel nɔ.

Samuel II, 7:8 ပူးပေါင်းရင်းမြစ်များ

Samuel II, 12:7

Natan de David ke, “Mo tutuutu ji jamɛ a nyumu ɔ nɛ! Bɔ nɛ Yawɛ, Israel Mawu ɔ de ji nɛ ɔ nɛ: ‘Imi nɛ i pɔ mo nu nɛ i wo mo Israel matsɛ, nɛ i je mo kɛ je Saul dɛ mi.

Samuel II, 6:21

David he nɔ ke, “I do kɛ wo Yawɛ hɛ mi nyami. Lɛ nɛ e hla mi ngɛ o tsɛ kɛ e weku kɛ nina nane mi, nɛ e wo mi ganɔ kɛ ha Israel ma a. Ee, ma do kɛ wo Yawɛ hɛ mi nyami daa,

Kronika I, 17:7

“Lɔ ɔ he ɔ, mo de ye tsɔlɔ David ke, imi Yawɛ Tabohiatsɛ ɔ, i ngɛ lɛ dee ke, ‘Imi nɛ i ya ngɔ mo kɛ je to lɛmi he ngɛ nga a nɔ, nɛ i ba pee mo ye ma, Israel ganɔ.

Samuel I, 10:1

Kɛkɛ nɛ Samuel plɛ nu ngɛ tɔ ko mi kɛ pue Saul yi mi. Lɔ ɔ se ɔ, e fua lɛ atuu, nɛ e de lɛ ke, “Yawɛ hla mo kaa e ma Israel ganɔ. O maa ye e ma a nɔ, nɛ o ma kpɔ mɛ kɛ je he nyɛli nɛ bɔle mɛ ɔ a dɛ mi. Okadi nɛ o kɛ maa na kaa Yawɛ nɛ hla mo ke o ba pee e ma, Israel ganɔ ji nɛ ɔ nɛ.

Samuel I, 9:16

“Hwɔɔ, maa pee be nɛ ɔ mi ɔ, ma tsɔ nyumu ko nɛ je Benyamin wɛtso ɔ mi kɛ ba o ngɔ. Moo pɔ lɛ nu nɛ e ba ye ganɔ ngɛ ye ma, Israel ɔ nya, nɛ e kpɔ mɛ kɛ je Filisti bi ɔmɛ a dɛ mi, ejakaa i na a nɔ nami ɔ, nɛ i nu a kue fami ɔ hulɔ.”

Ni Tsumi 7:46

David hɛ mi ba nyami ngɛ Mawu hɛ mi; nɛ e kpa Mawu pɛɛ ke e ngmɛ lɛ blɔ nɛ e pee sihi he ko ha lɛ, Yakob Mawu ɔ.

Samuel I, 2:8

E woɔ ohiatsɛmɛ a nɔ kɛ jeɔ tabo zu mi, nɛ e jeɔ ni nɛmɛ nɛ e fi mɛ kɛ jeɔ a haomihi a mi. E haa a kɛ ganɔhi hii si, nɛ e kɛ mɛ toɔ hɛ mi nyami blɔ hehi. Yawɛ níhi ji je ɔ titima amɛ; a nɔ nɛ e fia je ɔ kɛ fɔ.

Samuel II, 23:1

Ishai binyumu David, nɔmlɔ nɛ Mawu wó e nɔ gojoo, nɛ Yakob Mawu ɔ pɔ lɛ nu; nɔ nɛ po la ngɔngɔɛhi kɛ ha Israel ɔ, e nyagbe munyuhi ji nɛ ɔmɛ nɛ.

Samuel II, 24:17

David na bɔfo ɔ nɛ ngɛ ma a nɔ́ fiae, nɛ e de Yawɛ ke, “O nɛ, imi lɛ i pee yayami ɔ nɛ; imi lɛ i tɔ̃. Nimli nɛ ɔmɛ nɛ a ngɛ kpoo kaa jijɔ ɔ, mɛɛ lɛɛ mɛni a pee? I kpa mo pɛɛ nɛ o gbla i kɛ ye weku li kɛkɛ wa tue.”

Matsɛmɛ I, 3:6

Salomo he nɔ ke, “O na tsaatsɛ David, o tsɔlɔ ɔ mɔbɔ babauu; ejakaa e ye mo anɔkuale, nɛ e pee nɔ́ nɛ da, nɛ e kɛ mo hi si saminya kɛ tsui mi faa. O mɔbɔ nami nɛ se pui nɛ ɔ tsa nɔ kɛ ba si o ha lɛ binyumu nɛ ba ngɛ tsɛ yee ngɛ e se mwɔnɛ nɛ ɔ.

Matsɛmɛ I, 8:16

‘Kɛ je be nɛ i je ye ma Israel kɛ je Egipt ɔ, i hla we ma ko ma ko kɛ ji Israel wɛtso ko mi nɛ a po we ha mi nɛ a ja mi ngɛ lejɛ ɔ. Se i hla mo David, nɛ o ye ye ma, Israel ɔ nɔ.’ ”

Kronika I, 21:17

David sɔle ke, “Mawu lee, imi lɛ i pee yayami ɔ nɛ; imi lɛ i tɔ̃. Imi ji nɔ nɛ fa ke a kane ma a nɛ. Nimli nɛ ɔmɛ nɛ a ngɛ kaa jijɔhi ɔ lɛɛ mɛni a pee? Yawɛ, ye Mawu, i kpa mo pɛɛ nɛ o gbla i kɛ ye tsɛ we ɔ kɛkɛ wa tue; o ma a lɛɛ ha nɛ a ye a he.”

Samuel II, 5:2

Be ko nɛ be benɛ Saul ngɛ tsɛ yee ngɛ wa nɔ po ɔ, mo lɛ o nyɛɛɔ Israel hɛ mi kɛ yaa kɛ baa. Yawɛ wo mo si kaa mo lɛ o ma ba nyɛɛ e ma Israel ɔ hɛ mi, nɛ o maa ye ganɔ ha mɛ.”

Samuel II, 14:13

Kɛkɛ nɛ yo ɔ bi lɛ ke, “Mɛni he je mɔ nɛ e ba moo o yi mi kaa o pee kikɛmɛ a yayami nɛ ɔ nɔuu kɛ si Mawu ma a? Si abɔ nɛ nɛnɛ nyɛ we nɛ e kpale lɛ nitsɛ e binyumu nɛ a je lɛ we ɔ kɛ ba nɛ ɔ, nɛnɛ kɛ nɔ́ nɛ e de nɛ ɔ bu lɛ nitsɛ e he fɔ.

Amos 7:15

Se Yawɛ je mi kɛ je to ɔmɛ a he, nɛ e tsɔ mi ke ma ngɔ sɛ gbi ya ha e ma Israel.