Samuel II, 7:7 - BAIBLO ALOO NGMAMI KLƆUKLƆU Ɔ

⁷ Ngɛ hehi tsuo nɛ i kɛ Israel bi ɔmɛ ya gu ɔ, Israel hɛ mi nyɛɛli nɛ i hia ke a hɛɛ ye ma Israel kaa bɔ nɛ to hyɛlɔ hyɛɛ e tohi ɔ, anɛ i bi a ti nɔ ko hyɛ ke mɛni he je e kɛ seda ma we tsu ha mi lo?’

Samuel II, 7:7 ပူးပေါင်းရင်းမြစ်များ

Kronika I, 17:6

Kɛ je be nɛ i kɛ Israel ma a bɔni si kpami nɛ ɔ, i bi we ma nya dali nɛ i hla nɛ a hyɛ ye ma a nɔ ɔ a ti nɔ ko hyɛ ke, ‘Mɛni he je o kɛ seda ma we tsu ha mi?’

Samuel II, 5:2

Be ko nɛ be benɛ Saul ngɛ tsɛ yee ngɛ wa nɔ po ɔ, mo lɛ o nyɛɛɔ Israel hɛ mi kɛ yaa kɛ baa. Yawɛ wo mo si kaa mo lɛ o ma ba nyɛɛ e ma Israel ɔ hɛ mi, nɛ o maa ye ganɔ ha mɛ.”

Ni Tsumi 21:28

A kpa ngmlaa ke, “Tsaatsɛmɛ Israel bi, nyɛ ba piɛ wa he! Kikɛmɛ a nyumu nɛ ɔ yaa he tsuaa he ya tuɔ munyu yaya kɛ gbee Israel ma a he guɛ; e tuɔ munyu kɛ siɔ Mose mlaa a, kɛ wa sɔlemi we ɔ. Jehanɛ lɛɛ e ngɔ ma je li tete kɛ ba sɔlemi we ɔ ba ble he klɔuklɔu nɛ ɔ hulɔ!”

Ni Tsumi 20:28

Lɔ ɔ he ɔ, nyɛɛ hyɛ nyɛ nitsɛmɛ nyɛ he nɔ saminya. Asafo ɔ tsuo nɛ Mumi Klɔuklɔu ɔ tu ngɔ wo nyɛ dɛ mi ɔ, nyɛɛ hyɛ nɔ bɔ nɛ sa. Mawu ngɔ e Bi ɔ kɛ sã bɔ, nɛ e kɛ dani asafo ɔ kɛ pee lɛ nitsɛ e nɔ, lɔ ɔ he ɔ, nyɛɛ hyɛ nɔ saminya.

Mateo 2:6

‘Mo Betlehem ma, ngɛ Yuda zugba a nɔ ɔ, mo ji ma nyafii pe kulaa ngɛ Yuda ma amɛ a kpɛti; se o mi lɛ matsɛ maa je kɛ ba ye ye ma Israel ɔ nɔ.’ ”

Mika 5:4

Ke matsɛ nɛ ɔ ba a, e maa ye e ma a nɔ kɛ he wami, kɛ kã nɛ je Yawɛ Mawu ɔ nitsɛ ngɔ. E ma mi bi ɔmɛ maa hi si ngɛ he jɔmi mi, ejakaa a maa bu lɛ ngɛ je ɔ mi he tsuaa he.

Ezekiel 34:23

Ma ngɔ to hyɛlɔ kake kɛ to a nya nɛ e hyɛ a nɔ. Lɛ ji ye tsɔlɔ David. E maa hyɛ a nɔ saminya.

Ezekiel 34:15

Imi nitsɛ ma lɛ ye to ɔmɛ; nɛ ma ha mɛ he ko nɛ a maa jɔɔ a he ngɛ. Imi, Nyɔmtsɛ Yawɛ lɛ i de.

Ezekiel 34:2

E ke, “Nɔmlɔ adesa, gbaa kɛ si Israel nɔ yeli ɔmɛ. De mɛ ke bɔ nɛ imi Nyɔmtsɛ Yawɛ, i ngɛ mɛ dee ji nɛ ɔ nɛ. Musu tloo nyɛ Israel to hyɛli! Nyɛ nitsɛmɛ nyɛ he pɛ nyɛ ngɛ lɛe; nyɛ hyɛ we to ɔmɛ a nɔ! Anɛ pi to ɔmɛ mohu nɛ to hyɛlɔ hyɛɛ lo?

Yeremia 23:4

Ma je nɔ yeli kpakpahi ha mɛ nɛ a hyɛ a nɔ. A be gbeye yee hu; sawale be mɛ nue hu, nɛ i be a tue gblae hu. Imi, Yawɛ lɛ i de.”

Yeremia 3:15

Ma ha nyɛ nɔ yeli nɛ peeɔ ye suɔmi nya ní, nɛ a kɛ nile kɛ nɔ́ sisi numi maa hyɛ nyɛ nɔ.

Yesaya 40:11

E maa lɛ e to kuu ɔ kaa to hyɛlɔ kpakpa; e ma bua e to bi ɔmɛ a nya, nɛ e maa hɛɛ mɛ ngɛ e bɔkɔ mi; to nyɛ ɔmɛ hu e ma tsɔ̃ mɛ blɛuu.

Mose V, 23:14

Ha nɛ o ta sito he ɔ nɛ pee klɔuklɔu; ejakaa Yawɛ, o Mawu ɔ kɛ mo ngɛ lejɛ ɔ, konɛ e baa o yi, nɛ o ye o he nyɛli ɔmɛ a nɔ kunimi. Koo pee afa nɔ́ ko nɛ ma ha nɛ Yawɛ maa je o he.

1 Petro 5:1

I ngɛ munyu tue kɛ ngɛ asafo mi nikɔtɔmahi nɛ ngɛ nyɛ kpɛti ɔ tsɔɔe kɛ je ye tsui mi tɔɔ kaa nyɛ nyɛmi asafo mi nɔkɔtɔma. Amanehlu nɛ Kristo na a, i yeɔ he odase, nɛ Kristo hɛ mi nyami nɛ Mawu ma je tsɔɔ nihi ɔ, imi hu ma na. I ngɛ pɛɛ kpae kaa

Kronika I, 11:2

Be ko nɛ be ɔ, benɛ Saul ngɛ tsɛ yee ngɛ wa nɔ ɔ, mo lɛ o nyɛɛɔ Israel hɛ mi kɛ yaa kɛ baa. Yawɛ wo mo si kaa mo lɛ o ma ba nyɛɛ e ma Israel ɔ hɛ mi, nɛ o maa ye ganɔ ha mɛ.”

Yesaya 66:1

Bɔ nɛ Yawɛ ngɛ dee ji nɛ ɔ nɛ: “Hiɔwe ji ye matsɛ sɛ, nɛ zugba ji nɔ́ nɛ i kɛ ye nane maa nɔ. Mɛni tsu nyɛ maa ma ha mi mɔ, nɛ jije ye he jɔɔmi he ngɛ?