Samuel II, 7:25 - BAIBLO ALOO NGMAMI KLƆUKLƆU Ɔ

²⁵ “Lɔ ɔ he ɔ, Yawɛ Mawu, si nɛ o wo nɛ kɔɔ o tsɔlɔ, kɛ e nina a he ɔ, moo ye nɔ daa, nɛ o pee kaa bɔ nɛ o de ɔ.

Samuel II, 7:25 ပူးပေါင်းရင်းမြစ်များ

La 119:49

Mo kai si nɛ o wo imi, o tsɔlɔ ɔ; ejakaa i ngɔ ye hɛ kɛ fɔ nɔ.

Ezekiel 36:37

Nyɔmtsɛ Yawɛ ke, “Nɔ́ kake nɛ Israel bi ɔmɛ ma bi mi nɛ ma pee ha mɛ ji, ma ha a he nɛ hiɛ babauu kaa to kuu.

Mose I, 32:12

Kai kaa mo lɛ o wo mi si ke o maa pee mi saminya. Kai kaa mo lɛ o de ke o ma ha mi nina babauu kaa wo nya zia, nɛ nɔ ko nɔ ko be nyɛe maa kane.”

Samuel II, 7:24

O to o ma Israel sisi, nɛ o ngɔ lɛ ngɔ pee mo nitsɛ o ma kɛ yaa neneene. Nɛ mo, Yawɛ o ba pee a Mawu.

Samuel II, 7:26

O biɛ maa jije kɛ maa ya neneene, nɛ nihi ma de ke, Yawɛ Tabohiatsɛ ɔ ji Israel Mawu. Nɛ o ma ha imi, o tsɔlɔ David, ye matsɛ yemi ɔ maa hi si kɛ maa ya neneene.

Matsɛmɛ I, 2:4

Ke o bu Yawɛ tue ɔ, si ko nɛ e wo benɛ e de mi ke, ke ye binyumu ɔmɛ maa hyɛ a he nɔ saminya, nɛ a maa ye e mlaa amɛ a nɔ anɔkuale mi kɛ a tsui tsuo, kɛ a klaa tsuo ɔ, lɛɛ nɔ nɛ maa hi Israel matsɛ sɛ ɔ nɔ be mi bɔe ɔ, Yawɛ hu maa ye jamɛ a e siwo ɔ nɔ.

Matsɛmɛ I, 8:26

Israel Mawu lee, i kpa mo pɛɛ, níhi tsuo nɛ o de tsaatsɛ David ɔ, ha nɛ a ba mi.

La 119:38

Si nɛ o wo nihi nɛ buɔ mo tue ɔ, ha nɛ e ba mi ha imi, o tsɔlɔ ɔ hulɔ.

Samuel I, 1:23

E huno Elkana de lɛ ke, “E da; nɔ́ tsuaa nɔ́ nɛ o susu kaa e hi ɔ, moo pee; hii si ngɛ hiɛ ɔ kɛ yaa si o ma tsɔ lɛ nyɔ. Yawɛ nɛ e ha nɛ o pee kaa bɔ nɛ o wo si ɔ.” Lɔ ɔ he ɔ, Hana hi si nɛ e hyɛ e bi ɔ kɛ ya si e tsɔ lɛ nyɔ.

Kronika II, 6:17

Yawɛ, Israel Mawu lee, i kpa mo pɛɛ, níhi tsuo nɛ o de o tsɔlɔ David ɔ, ha nɛ a ba mi.