Samuel II, 7:23 - BAIBLO ALOO NGMAMI KLƆUKLƆU Ɔ

²³ Ma kpa ko be zugba nɛ ɔ nɔ nɛ pe o ma Israel nɛ mo Mawu o ya kpɔ kɛ je nyɔguɛ si himi mi kɛ ba pee mo nitsɛ o ma a. Ní nguangua, kɛ nyakpɛ níhi nɛ o tsu ha o ma a, ha o biɛ pɛ kɛ kpe je ɔ mi tsuo. Benɛ o ma a nɛ o kpɔ kɛ je Egipt ɔ hia kɛ ma a, o fie je ma kpa amɛ, kɛ a mawu ɔmɛ kɛ je a blɔ mi.

Samuel II, 7:23 ပူးပေါင်းရင်းမြစ်များ

Samuel II, 7:24

O to o ma Israel sisi, nɛ o ngɔ lɛ ngɔ pee mo nitsɛ o ma kɛ yaa neneene. Nɛ mo, Yawɛ o ba pee a Mawu.

Kronika I, 17:21

Ma ko be zugba nɛ ɔ nɔ nɛ pe o ma Israel nɛ mo Mawu o ya kpɔ kɛ je nyɔguɛ si himi mi kɛ ba pee mo nitsɛ o ma a. Ní nguanguahi, kɛ nyakpɛ níhi nɛ o tsu ha o ma a, ha o biɛ pɛ kɛ kpe je ɔ mi tsuo. Benɛ o ma a nɛ o kpɔ kɛ je Egipt ɔ hia kɛ ma a, o fie je ma kpa amɛ kɛ je a blɔ mi.

Nehemia 1:10

“Nyɔmtsɛ, o tsɔli ji nɛ ɔmɛ nɛ, nɛ mo nitsɛ o ma ji nɛ ɔ nɛ. O kɛ o he wami nguaa kɛ nyɛmi kpɔ mɛ.

La 106:22

Hyɛ nyakpɛ níhi nɛ e tsu ngɛ lejɛ ɔ! Hyɛ ní nguanguahi nɛ e pee ngɛ Wo Tsu ɔ nya!

La 111:9

E ha e ma a ye a he, nɛ e kɛ mɛ so somi nɛ ngɛ daa. E he tsɔ, nɛ e he ngɛ gbeye!

La 145:6

Nihi maa fiɛ nyakpɛ ní, kɛ ní nguanguahi nɛ o pee ɔ, nɛ imi hu ma fiɛ ke o kle niinɛ.

La 147:20

E pee we kikɛ nɛ ɔ ha we ma ko ma ko hyɛ, nɛ e mlaa amɛ hu, ma kpa ko li. Nyɛ je Yawɛ yi!

La 40:5

Yawɛ, ye Mawu! O tsu nyakpɛ ní babauu ha wɔ; o to yi mi kpakpa babauu ngɛ wa he; mɛnɔ po kɛ mo sɔ? Ke i ke ma tu ní nɛ ɔmɛ tsuo a he munyu ɔ, i be nyɛe; ejakaa a he hiɛ tsɔ.

La 44:3

Ejakaa pi a klaate nɛ a kɛ ngɔ zugba a; pi a he wami nya nɛ a ye kunimi ɔ, se o he wami, kɛ o mɔbɔ nami nya; ejakaa o ngɛ o ma a he bua jɔmi.

La 65:5

O pee ní gbeyegbeyehi kɛ he wa yi wami. Niinɛ, Mawu, mo ji wa yi wami helɔ. Nihi tsuo nɛ ngɛ je ɔ mi he tsuaa he, zugba a nyagbe he ɔmɛ, kɛ wo se tsitsaa lokoo ɔ tsuo, mo o nɔ a ngɔ a hɛ kɛ fɔ.

La 66:3

Nyɛ de Mawu ke, “Bɔ nɛ o peeɔ níhi ɔ ngɛ gbeye loo! O he wami kpetekpleenyɛ ɔ nya a, o he nyɛli ɔmɛ ba a he si ha mo.

Mose II, 12:12

“Jamɛ a nyɔ ɔ mi ɔ, ma gu Egipt zugba a nɔ kɛ be, nɛ ma gbe bitɛtehi tsuo nɛ ngɛ Egipt zugba a nɔ ɔ, kɛ a lohwe ɔmɛ hu a kekleekle bi kuhi. Egipt mawu ɔmɛ lɛɛ ma kpata mɛ tsuo pɛpɛɛpɛ a hɛ mi. Imi ji Yawɛ.

Mose II, 33:16

Ke o kɛ wɔ yɛ ɔ nɛɛ, kɛ a maa pee kɛ na kaa o ngɛ i kɛ o ma a wa he suɔmi kɛɛ? Ke o kɛ wɔ nyɛɛ ɔ, lɔ ɔ loko i kɛ o ma a maa je muno ngɛ zugba a nɔ je ma amɛ tsuo a he.”

Mose II, 6:7

Ma ngɔ nyɛ kɛ pee imi nitsɛ ye ma, nɛ ma pee nyɛ Mawu; nɛ nyɛ maa le kaa imi ji Yawɛ Mawu, nɔ nɛ je Egipt bi ɔmɛ a tlomi ɔmɛ kɛ je nyɛ nɔ ɔ.

Mose II, 9:15

Jinɛ be nɛ ɔ mi ɔ, i kɛ gbenɔ hiɔ sa o kɛ o ma a he momo; nɛ jinɛ a je mo kɛ je je ɔ mi momo.

Mose II, 9:16

Se i ha nɛ o ngɛ je mi, bɔ nɛ pee nɛ ma je ye he wami kpo ngɔ tsɔɔ mo, konɛ a wo ye biɛ ta ngɛ je ɔ mi tsuo.

Yeremia 32:20

Blema lokoo ɔ, o pee okadihi, kɛ nyakpɛ níhi ngɛ Egipt zugba a nɔ. Kɛ ba si mwɔnɛ ligbi nɛ ɔ, o ngɛ jamɛ a nyakpɛ ní ɔmɛ, kɛ okadi ɔmɛ pee kɛ mwɔɔ, nɛ o kɛ he biɛ.

Yeremia 32:21

O pee okadihi, kɛ nyakpɛ níhi kɛ wo wa he nyɛli ɔmɛ a he gbeye, nɛ o kɛ o he wami kpetekpleenyɛ ɔ jé o ma Israel kɛ je Egipt zugba a nɔ.

Ezekiel 20:9

Se i ha we nɛ e ba mi ja; ejakaa lɔ ɔ ko gbe ye biɛ he guɛ ngɛ je ma amɛ a hɛ mi. Ye ma a ngɛ je ma amɛ a kpɛti, nɛ mɛ tsuo a hɛ mi nɛ i de ngɛ ke ma je Israel bi ɔmɛ kɛ je Egipt zugba a nɔ ɔ nɛ.

Mose IV, 6:27

“Ke a tsɛ ye biɛ ngɔ pue Israel ma a nɔ kikɛ nɛ ɔ, ma gbaa mɛ.”

Efesobi 1:6

E sa kaa wa je Mawu yi kaa e gu e dloomi nɛ hɛ mi ngɛ nyami ɔ nɔ ngɔ e bi nɛ e suɔ ɔ ngɔ ke wɔ yaka gu!

Mose V, 10:21

Nyɛ je e yi; lɛ ji nyɛ Mawu ɔ nɛ. Lɛ ji nɔ nɛ tsu ní nguanguahi nɛ ngɛ gbeye, nɛ nyɛ na kɛ nyɛ nitsɛmɛ nyɛ hɛngmɛ ɔ nɛ.

Mose V, 15:15

Kai kaa nyɛ hu nyɛ ya ye nyɔguɛ hyɛ ngɛ Egipt zugba a nɔ, nɛ Yawɛ, nyɛ Mawu ɔ ha nyɛ ye nyɛ he; lɔ ɔ he nɛ i ngɛ nyɛ mlaa nɛ ɔ woe mwɔnɛ ɔ nɛ.

Mose V, 33:29

A gbaa nyɛ, Israel ma. Ma ko ma ko be kaa nyɛ ma nɛ Yawɛ he nyɛ yi wami. Yawɛ ji nyɛ tsɛ̃i kɛ klaate. Lɛ ji nɔ nɛ faa nyɛ he. Lɛ ji nɔ nɛ haa nyɛ yeɔ kunimi. Nyɛ he nyɛli ɔmɛ ma ba kpa nyɛ pɛɛ ke nyɛɛ na mɛ mɔbɔ; se nyɛɛ lɛɛ nyɛ maa naa a nɔ.”

Mose V, 9:26

I kpa pɛɛ ke, ‘Nyɔmtsɛ Yawɛ, mo ko kpata mo nitsɛ o ma a hɛ mi; ma nɛ ɔ, mo nitsɛ lɛ o kpɔ̃ mɛ, nɛ o je mɛ kɛ je Egipt kɛ o kɔni si wami.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Yoshua 7:9

Kanaan bi ɔmɛ, kɛ zugba a nɔ bi ɔmɛ tsuo maa nu he. A ma ba sa wa yi, nɛ a ma kpata wa hɛ mi pɛsɛpɛsɛ. O biɛ kpetekpleenyɛ ɔ, o maa hi hyɛe nɛ e puɛ lo?”

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

Kpojemi 5:9

Hɛ kali ɔmɛ, kɛ ni kpa amɛ la la he kɛ ha To bi ɔ ke, “Mo nɛ o sa kaa o heɔ womi kpo ɔ, nɛ o tsɔɔ nya sɔumi ní ɔmɛ. Ejakaa a gbe mo, nɛ o kɛ o muɔ ɔ he adesahi tsuo, wɛtsohi, gbihi, mahi, kɛ je mahi kɛ ha Mawu.