Samuel II, 7:16 - BAIBLO ALOO NGMAMI KLƆUKLƆU Ɔ

¹⁶ O nina maa hiɛ, nɛ ma ha o matsɛ yemi ɔ maa hi si kɛ maa ya neneene; o matsɛ yemi ɔ se be poe gblegbleegble.’ ”

Samuel II, 7:16 ပူးပေါင်းရင်းမြစ်များ

Mose I, 49:10

Yuda maa hɛɛ matsɛ tso ɔ, E nina maa ye matsɛ daa. Je ma amɛ ma tsu to ba ha lɛ, Nɛ a ma ba kpla si ngɛ e hɛ mi.

Samuel II, 22:51

Mawu haa nɛ e matsɛ ɔ yeɔ kunimi nguahi. E jeɔ e suɔmi nɛ be nyagbe ɔ kpo kɛ tsɔɔ David, nɔ nɛ a pɔ lɛ nu ɔ, kɛ e nina kɛ yaa neneene.

Samuel II, 7:13

Lɛ ji nɔ nɛ ma ba po we kɛ wo ye biɛ ɔ hɛ mi nyami; nɛ ma ha e matsɛ yemi ɔ maa hi si kɛ maa ya neneene.

Samuel II, 7:17

Natan ya bɔ David nɔ́ tsuaa nɔ́ nɛ Mawu je ngɔ tsɔɔ lɛ ɔ.

Matsɛmɛ I, 2:4

Ke o bu Yawɛ tue ɔ, si ko nɛ e wo benɛ e de mi ke, ke ye binyumu ɔmɛ maa hyɛ a he nɔ saminya, nɛ a maa ye e mlaa amɛ a nɔ anɔkuale mi kɛ a tsui tsuo, kɛ a klaa tsuo ɔ, lɛɛ nɔ nɛ maa hi Israel matsɛ sɛ ɔ nɔ be mi bɔe ɔ, Yawɛ hu maa ye jamɛ a e siwo ɔ nɔ.

Matsɛmɛ I, 9:5

lɛɛ si ko nɛ i wo o tsɛ David ɔ, ma ye nɔ. Imi lɛ i de lɛ ke ma ha e nina maa ye tsɛ ngɛ Israel kɛ maa ya neneene ɔ nɛ.

Matsɛmɛ II, 19:34

Ngɛ ye biɛ ɔ he, kɛ si nɛ i wo ye tsɔlɔ David he je ɔ, ma bu ma nɛ ɔ he; nɛ nɔ́ ko nɔ́ ko be a he sae.’ ”

Matsɛmɛ II, 8:19

Se Yawɛ sume kaa e ma kpata Yuda hɛ mi, ejakaa e wo e tsɔlɔ David si kaa e nina maa ye matsɛ kɛ maa ya neneene.

Kronika II, 6:16

Lɔ ɔ he ɔ, Yawɛ, Israel Mawu lee, i kpa mo pɛɛ, si nɛ o wo tsaatsɛ, benɛ o de lɛ ke, ke e binyumu ɔmɛ maa ye o mlaa a nɔ sisiisi kaa bɔ nɛ e pee ɔ, a maa ye tsɛ ngɛ Israel kɛ maa ya neneene ɔ, ha jamɛ a siwo ɔ hu nɛ ba mi.

Hiob 36:7

Mawu hɛngmɛ ngɛ dali a he be tsuaa be. E hyɛɛ a nɔ kaa matsɛmɛ, nɛ e woɔ a hɛ mi nyami daa.

La 45:6

Matsɛ sɛ klɔuklɔu ɔ maa hi si kɛ maa ya neneene. O matsɛ tso ɔ ji dami sane yemi he okadi.

La 72:5

Be abɔ nɛ pu kɛ nyɔhiɔ ngɛ nɛ ɔ, ha nɛ matsɛ ɔ yi nɛ na wami kɛ ya neneene.

La 89:4

‘Ma ha nɛ o nina maa ye matsɛ daa; o matsɛ yemi ɔ maa hi si kɛ maa ya neneene.’ ”

Yesaya 9:6

Ejakaa a fɔ bi ha wɔ! A ha wɔ binyumuyo! Lɛ nɛ e ma ba ye wa nɔ. A ma tsɛ lɛ ke, “Nyakpɛ ga wolɔ,” “Mawu he walɔ,” “Tsɛ nɛ ngɛ kɛ yaa neneene,” “Ganɔ nɛ yi nɔ jɔ.”

Yesaya 9:7

E nɔ yemi ɔ ma he si, nɛ e maa bɔ; ma a ma na tue mi jɔmi daa, ejakaa e maa ye tsɛ kaa Matsɛ David nitsɛ se yelɔ. E maa pee kpakpa, nɛ e maa ye dami sane, kɛ maa je be nɛ ɔ mi kɛ yaa su je mi nyagbe. Yawɛ Tabohiatsɛ ɔ kɛ hɛdɔ ma tsu ní nɛ ɔmɛ tsuo.

Yeremia 17:25

Ke a pee ja a, matsɛmɛ, kɛ ganɔhi maa gu Yerusalem agbo ɔmɛ a mi kɛ ba nɛ a ma ba hi David matsɛ sɛ ɔ nɔ. A kɛ Yuda ma a, kɛ Yerusalem ma mi bi ɔmɛ tsuo maa hi ta zugba lɛhi a mi, kɛ okpɔngɔhi a nɔ. Nɛ daa nɛ ɔ, Yerusalem ma a ma hyi tɔ kɛ nimli.

Yeremia 33:17

Imi, Yawɛ, i ngɛ si woe kaa David nina maa ye matsɛ ngɛ Israel ma a nɔ daa.

Ezekiel 37:25

A maa hi zugba nɛ i ngɔ ha ye tsɔlɔ Yakob ɔ nɔ. Lejɛ ɔ lɛ a nɛmɛ ɔmɛ hi, nɛ lejɛ ɔ a bimɛ, kɛ a nina tsuo maa hi kɛ maa ya neneene. Ye tsɔlɔ David maa ye ganɔ kɛ maa ya neneene.

Daniel 2:44

Matsɛmɛ nɛ ɔmɛ a yi nɔ ɔ, Mawu nɛ ngɛ hiɔwe ɔ maa to matsɛ yemi ko sisi, nɛ e se be poe gblegbleegble. Matsɛ yemi nɛ ɔ, nɔ ko nɔ ko be nyɛe maa ye e nɔ; e ma kpata matsɛ yemi kpa amɛ tsuo a hɛ mi, nɛ e maa hi si kɛ maa ya neneene.

Daniel 7:14

A ngɔ he wami, hɛ mi nyami, kɛ matsɛ yemi ngɔ wo e dɛ, konɛ je ma amɛ, kɛ nihi nɛ tuɔ gbi slɔɔtoslɔɔto ɔmɛ nɛ a sɔmɔ lɛ. E he wami ɔ maa hi si kɛ maa ya neneene, nɛ e matsɛ yemi ɔ se be poe gblegbleegble.

Mateo 16:18

Lɔ ɔ he ɔ, Petro, i ngɛ mo dee ke tɛ sa ji mo, nɛ kikɛmɛ a tɛ sa nɛ ɔ nɔ ma ma ye asafo ɔ ngɛ. Nɛ gbenɔ tete po be nyɛe maa ye e nɔ.

Yohane 12:34

Ma kpekpemi ɔ he nɔ ke, “Wa mlaa a de ke Kristo ɔ maa hi si kɛ maa ya neneene. Kɛ pee kɛɛ nɛ moo lɛɛ o deɔ ke a ma wo Nɔmlɔ Bi ɔ nɔ ɔ? Mɛnɔ ji kikɛmɛ a Nɔmlɔ Bi nɛ ɔ?”

Hebribi 1:8

Bi ɔ lɛɛ Mawu de ngɛ e he ke, “Mawu ji mo; o maa ye matsɛ kɛ maa ya neneene! Nɛ dami sane yemi maa pee o matsɛ tso.

Kpojemi 11:15

Jehanɛ ɔ, bɔfo kpaagone ɔ kpa e titimati ɔ, nɛ i nu gbihi nɛ ngɛ pɛe wawɛɛ ngɛ hiɔwe ke, “Amlɔ nɛ ɔ, wa Nyɔmtsɛ ɔ kɛ e Kristo ɔ nɛ a ngɛ je ɔ nɔ yee. Nɛ a maa ye matsɛ kɛ maa ya neneene!”

Samuel I, 25:28

I kpa mo pɛɛ, ke i pee mo yayami ko ɔ, kɛ pa mi. Yawɛ maa wo mo matsɛ, nɛ e maa pee o we ɔ matsɛ we kɛ maa ya neneene; ejakaa Yawɛ tahi lɛ o ngɛ hwue ɔ nɛ; nɛ yayami ko yayami ko be o he sae kɛ yaa si o gbenɔ ligbi.