Samuel II, 7:13 - BAIBLO ALOO NGMAMI KLƆUKLƆU Ɔ

¹³ Lɛ ji nɔ nɛ ma ba po we kɛ wo ye biɛ ɔ hɛ mi nyami; nɛ ma ha e matsɛ yemi ɔ maa hi si kɛ maa ya neneene.

Samuel II, 7:13 ပူးပေါင်းရင်းမြစ်များ

Matsɛmɛ I, 8:19

se kɛ̃ ɔ, tsa pi mo nɛ o maa po we ɔ; mo nitsɛ o bi lɛ ma ba po we ɔ ha mi.’

Matsɛmɛ I, 5:5

Yawɛ wo tsaatsɛ David si ke, ‘O binyumu, nɔ nɛ ma ha nɛ e ye tsɛ ngɛ o se ɔ, lɛ ji nɔ nɛ maa ma tsu nɛ a ma ja mi ngɛ mi.’ I to ye yi mi kaa ma ma jamɛ a tsu ɔ ha Yawɛ, ye Mawu ɔ, nɛ́ a ja lɛ ngɛ mi.

La 89:4

‘Ma ha nɛ o nina maa ye matsɛ daa; o matsɛ yemi ɔ maa hi si kɛ maa ya neneene.’ ”

Matsɛmɛ I, 6:12

“We nɛ o ngɛ mae nɛ ɔ, ke o maa ye ye mlaa amɛ, kɛ ye fami ɔmɛ a nɔ ɔ, lɛɛ ma pee ha mo kaa bɔ nɛ i wo o tsɛ David si ɔ.

Zakaria 6:13

Lɛ nɛ e maa ma Yawɛ we ɔ. Osɔfo ko maa piɛ e he kɛ tsu ní ɔ. Tue mi jɔmi maa hi a kpɛti, nɛ a maa nu a sibi sisi saminya.’

Yesaya 9:7

E nɔ yemi ɔ ma he si, nɛ e maa bɔ; ma a ma na tue mi jɔmi daa, ejakaa e maa ye tsɛ kaa Matsɛ David nitsɛ se yelɔ. E maa pee kpakpa, nɛ e maa ye dami sane, kɛ maa je be nɛ ɔ mi kɛ yaa su je mi nyagbe. Yawɛ Tabohiatsɛ ɔ kɛ hɛdɔ ma tsu ní nɛ ɔmɛ tsuo.

La 89:29

E weku kpa se be poe gblegbleegble; e maa hi kaa bɔ nɛ hiɔwe ngɛ ɔ pɛpɛɛpɛ. Daa nɛ ɔ, e nina ko maa hi sɛ ɔ nɔ.

Samuel II, 7:16

O nina maa hiɛ, nɛ ma ha o matsɛ yemi ɔ maa hi si kɛ maa ya neneene; o matsɛ yemi ɔ se be poe gblegbleegble.’ ”

1 Petro 2:5

Nyɛɛ ba kaa tɛhi nɛ a hɛ ngɛ, nɛ nyɛ ha nɛ a fia nyɛ kɛ ma si kaa mumi mi we. Nyɛ maa pee osɔfo klɔuklɔuhi, nɛ kɛ gu Yesu Kristo nɔ ɔ, nyɛ maa sã mumi mi bɔ nɛ maa sa Mawu hɛ mi.

Hebribi 3:3

Kaa bɔ nɛ a buɔ nɔ nɛ maa tsu pe tsu ɔ nɛ e maa a, jã kɛ̃ bu ngɛ Yesu hu he hluu pe Mose.

Yesaya 49:8

Bɔ nɛ Yawɛ ngɛ e ma a dee ji nɛ ɔ nɛ, “Ke be su nɛ ma he nyɛ yi wami ɔ, ma na nyɛ mɔbɔ; ngmlaa nɛ nyɛ ngɛ kpae ke ma ba piɛ nyɛ he ɔ, ma bu tue. Ma bu nyɛ he, nɛ ma baa nyɛ yi, nɛ ma gu nyɛ nɔ nɛ i kɛ je ma amɛ tsuo maa so. Nyɛ nitsɛmɛ nyɛ zugba nɛ hɛ mi kpata a, ma ha nyɛ ma ba hi nɔ ekohu.

La 89:21

Ye nine maa hi e he be tsuaa be, nɛ ma wo lɛ he wami.

Kronika I, 28:10

Ná nɛ o le kaa Yawɛ hla mo konɛ o ma e we klɔuklɔu ɔ. Pee kã nɛ o kɛ tsu ní tsumi nɛ ɔ.”

Mateo 16:18

Lɔ ɔ he ɔ, Petro, i ngɛ mo dee ke tɛ sa ji mo, nɛ kikɛmɛ a tɛ sa nɛ ɔ nɔ ma ma ye asafo ɔ ngɛ. Nɛ gbenɔ tete po be nyɛe maa ye e nɔ.

Samuel II, 7:27

Yawɛ Tabohiatsɛ Israel Mawu! O je tsɔɔ o tsɔlɔ ɔ kaa e matsɛ yemi ɔ se be poe gblegbleegble; lɔ ɔ he nɛ o tsɔlɔ ɔ nɔ gbagba te, nɛ e ngɛ kue nɛ ɔ fae ha mo ɔ nɛ.

Matsɛmɛ I, 2:4

Ke o bu Yawɛ tue ɔ, si ko nɛ e wo benɛ e de mi ke, ke ye binyumu ɔmɛ maa hyɛ a he nɔ saminya, nɛ a maa ye e mlaa amɛ a nɔ anɔkuale mi kɛ a tsui tsuo, kɛ a klaa tsuo ɔ, lɛɛ nɔ nɛ maa hi Israel matsɛ sɛ ɔ nɔ be mi bɔe ɔ, Yawɛ hu maa ye jamɛ a e siwo ɔ nɔ.

Matsɛmɛ I, 2:24

Yawɛ ngɔ mi ngɔ hi tsaatsɛ David sɛ ɔ nɔ. Yawɛ ye e siwo nɔ, nɛ e ngɔ matsɛ yemi ɔ ngɔ ha imi, kɛ ye nina. I na Mawu hɛ kalɔ ɔ kaa ja Adoniya gbo mwɔnɛ ligbi nɛ ɔ nɔuu!”

Matsɛmɛ I, 2:45

Se imi Matsɛ Salomo lɛɛ Yawɛ maa gbaa mi, nɛ e ma ha David matsɛ yemi ɔ maa ma si kpɛii kɛ maa ya neneene.”

Matsɛmɛ I, 8:13

Jehanɛ lɛɛ, i po we saminyayoo ko ha mo nɛ o hi lejɛ ɔ kɛ ya neneene.”

Matsɛmɛ I, 8:15

E de ke, “A je Yawɛ, Israel Mawu ɔ yi; ejakaa si ko nɛ e wo tsaatsɛ David ɔ, e ye nɔ. Yawɛ de David ke,

Matsɛmɛ II, 21:4

Yawɛ we ɔ ngɛ Yerusalem, he nɛ Yawɛ ke a ja lɛ pɛ ngɛ ɔ, Manase puɛ bɔ sami la tɛhi ngɛ lejɛ ɔ.

Kronika II, 33:4

Yawɛ we ɔ ngɛ Yerusalem, he nɛ Yawɛ to nɛ a ja lɛ ngɛ daa a, Manase puɛ bɔ sami la tɛhi ngɛ lejɛ ɔ kɛ ha Baal ɔmɛ.

Mose I, 49:10

Yuda maa hɛɛ matsɛ tso ɔ, E nina maa ye matsɛ daa. Je ma amɛ ma tsu to ba ha lɛ, Nɛ a ma ba kpla si ngɛ e hɛ mi.

Samuel II, 22:51

Mawu haa nɛ e matsɛ ɔ yeɔ kunimi nguahi. E jeɔ e suɔmi nɛ be nyagbe ɔ kpo kɛ tsɔɔ David, nɔ nɛ a pɔ lɛ nu ɔ, kɛ e nina kɛ yaa neneene.

Matsɛmɛ II, 8:19

Se Yawɛ sume kaa e ma kpata Yuda hɛ mi, ejakaa e wo e tsɔlɔ David si kaa e nina maa ye matsɛ kɛ maa ya neneene.

Matsɛmɛ II, 21:7

Ashera amaga a nɛ e pee ɔ, e ngɔ ya ma Yawɛ we ɔ. Yawɛ kɛ David, kɛ e binyumu Salomo tu we nɛ ɔ he munyu hyɛ, nɛ e de ke, “I hla we nɛ ɔ ngɛ Yerusalem kɛ je Israel wɛtso ɔmɛ tsuo a kpɛti ngɔ to kaa he nɛ sa nɛ a ja mi ngɛ daa.

Kronika II, 6:16

Lɔ ɔ he ɔ, Yawɛ, Israel Mawu lee, i kpa mo pɛɛ, si nɛ o wo tsaatsɛ, benɛ o de lɛ ke, ke e binyumu ɔmɛ maa ye o mlaa a nɔ sisiisi kaa bɔ nɛ e pee ɔ, a maa ye tsɛ ngɛ Israel kɛ maa ya neneene ɔ, ha jamɛ a siwo ɔ hu nɛ ba mi.

Hiob 36:7

Mawu hɛngmɛ ngɛ dali a he be tsuaa be. E hyɛɛ a nɔ kaa matsɛmɛ, nɛ e woɔ a hɛ mi nyami daa.

La 72:17

Matsɛ ɔ biɛ nɛ hi si kɛ ya neneene. E biɛ nɛ pɛ be abɔ nɛ pu ngɛ nɛ ɔ. Mawu nɛ gbaa je ma amɛ tsuo, nɛ a ha matsɛ ɔ bua jɔmi.

Yesaya 9:6

Ejakaa a fɔ bi ha wɔ! A ha wɔ binyumuyo! Lɛ nɛ e ma ba ye wa nɔ. A ma tsɛ lɛ ke, “Nyakpɛ ga wolɔ,” “Mawu he walɔ,” “Tsɛ nɛ ngɛ kɛ yaa neneene,” “Ganɔ nɛ yi nɔ jɔ.”

Yeremia 33:17

Imi, Yawɛ, i ngɛ si woe kaa David nina maa ye matsɛ ngɛ Israel ma a nɔ daa.

Ezekiel 37:25

A maa hi zugba nɛ i ngɔ ha ye tsɔlɔ Yakob ɔ nɔ. Lejɛ ɔ lɛ a nɛmɛ ɔmɛ hi, nɛ lejɛ ɔ a bimɛ, kɛ a nina tsuo maa hi kɛ maa ya neneene. Ye tsɔlɔ David maa ye ganɔ kɛ maa ya neneene.

Daniel 2:44

Matsɛmɛ nɛ ɔmɛ a yi nɔ ɔ, Mawu nɛ ngɛ hiɔwe ɔ maa to matsɛ yemi ko sisi, nɛ e se be poe gblegbleegble. Matsɛ yemi nɛ ɔ, nɔ ko nɔ ko be nyɛe maa ye e nɔ; e ma kpata matsɛ yemi kpa amɛ tsuo a hɛ mi, nɛ e maa hi si kɛ maa ya neneene.

Zakaria 6:12

De lɛ ke bɔ nɛ Yawɛ Tabohiatsɛ ɔ de ji nɛ ɔ nɛ: ‘Nɔ ko ji nɛ ɔ nɛ. A tsɛɛ lɛ Tso Kɔni. E ma gba kɔni nɛ e ma ba ma Yawɛ we ɔ ekohu.