Samuel II, 7:10 - BAIBLO ALOO NGMAMI KLƆUKLƆU Ɔ

^10-11 I hla hi he ko ha ye ma Israel, nɛ i to mɛ si ngɛ lejɛ ɔ, he nɛ nɔ ko be a nya dooe ngɛ hu. Kɛ je benɛ a ba zugba nɛ ɔ nɔ ɔ, be nɛ manyadali lɛ ngɛ a nɔ yee ɔ, nɔ́ sɔuu nɛ ye ma a ngɛ nae ngɛ nimli yayamihi a dɛ mi. Se enɛ ɔ tsuo se maa po. I ngɛ si woe kaa ma ha o maa ye o he kɛ je o he nyɛli ɔmɛ tsuo a dɛ mi; nɛ o bimɛ ma ba ye zugba nɛ ɔ nɔ.

Samuel II, 7:10 ပူးပေါင်းရင်းမြစ်များ

Amos 9:15

Ma to nyɛ si ngɛ zugba a nɛ i ngɔ kɛ ha nyɛ ɔ nɔ. Nɛ i be hae nɛ nɔ ko ba je nyɛ kɛ je lejɛ ɔ hu.” Yawɛ, nyɛ Mawu ɔ lɛ de.

Kronika I, 17:9

Ma hla hi he ko ha ye ma Israel, nɛ ma to mɛ si ngɛ lejɛ ɔ, he nɛ nɔ ko be a nya dooe ngɛ hu. Kɛ je be nɛ i hla ma nya dali nɛ a hyɛ ye ma Israel nɔ ɔ, nɔ́ sɔuu a ngɛ nae ngɛ nimli yayamihi a dɛ mi. Se enɛ ɔ tsuo se maa po. Ma kpata o he nyɛli ɔmɛ tsuo a hɛ mi. Jehanɛ i ngɛ si woe kaa imi Yawɛ, ma bɔ we ha mo.

Yeremia 24:6

Ma bu a he, nɛ ma kpale mɛ kɛ ba zugba nɛ ɔ nɔ ekohu. I be hae nɛ a na nɔ, se mohu ma piɛ a he. I be a hɛ mi kpatae, se mohu ma to mɛ si kaa bɔ nɛ a duɔ tso ɔ.

Yesaya 60:18

A be yi mi wami he nue ngɛ zugba a nɔ hu; a be ní puɛmi, kɛ hɛ mi kpatami he nue ngɛ o huza amɛ a nɔ hu. Ma bu o he, nɛ ma fa o he. Ma pee kaa gbogbo ngɛ o se. Nɛ o ma je ye yi, ejakaa i he o yi wami.

Ezekiel 28:24

Yawɛ ke, “Je ma amɛ nɛ bɔle Israel kɛ kpe nɛ a pue e hɛ mi si ɔ, ekoeko be e he pee kaa mio, loo mio tso kɛ plaa Israel hu. Kɛkɛ ɔ, a maa le kaa imi ji Nyɔmtsɛ Yawɛ.”

La 80:8

O ngɔ wai tso kɛ je Egipt kɛ ba. O fie je ma amɛ kɛ je a zugba a nɔ, nɛ o ma wai tso ɔ ngɛ lejɛ ɔ.

Yeremia 18:9

Jã kɛ̃, ke i de ke ma pee je ma, loo nɔ yemi ko agbo,

Kpojemi 21:4

Mawu ma tsu a hɛ mi vo nyu tsuo. Nɔ ko be gboe hu; nɔ ko be kɔmɔ yee hu; nɔ ko be ya foe hu, nɛ nɔ ko be nɔ́ nae hu. Ejakaa ní momo ɔmɛ a se po.”

Hosea 2:18

Jamɛ a be ɔ, i kɛ nga mi lohwe awi yeli, kɛ lohwe pɛlitsɛmɛ tsuo maa so, nɛ a be ye ma a awi yee hu. Ma ha klaate, kɛ̃ɛ̃, kɛ ta hwumi ní kpahi tsuo a se maa po ngɛ zugba a nɔ, nɛ ye ma a maa hi si ngɛ tue mi jɔmi, kɛ he jɔmi mi.

Mose II, 15:17

O ngɔ mɛ kɛ ba, nɛ o ba to mɛ si ngɛ mo nitsɛ o yo ɔ nɔ he nɛ mo Yawɛ nitsɛ o dla kɛ ha o si himi, he klɔuklɔu nɛ mo Yawɛ nitsɛ o to sisi ɔ.

Yesaya 5:7

Israel ma a ji Yawɛ Tabohiatsɛ ɔ wai ngmɔ ɔ nɛ; Yuda bi ɔmɛ ji wai tso kpakpa amɛ nɛ e du ɔ nɛ. E hyɛ blɔ kaa a maa ye dami sane, se muɔ si mohu a ngɛ puee. E hyɛ blɔ kaa a maa pee nɔ́ nɛ da, se amimi mohu a ngɛ ma a yee, nɛ nɔ́ nɛ ɔ ha ni ɔmɛ ngɛ ngmlaa kpae.

Yesaya 5:2

E hu zugba a nɔ, e je tɛhi nɛ ngɛ mi ɔ tsuo, nɛ e du wai tso kpakpahi ngɛ mi. E ma mɔ ko nɛ a maa hi mi kɛ bu ngmɔ ɔ he, e tsua muɔ nɛ a maa nga wai yiblii kɛ wo mi. E mlɛ kɛ ya si be nɛ wai yiblii ɔ fu; se wai yiblii ɔmɛ tsuo dooɔ.

La 44:4

Mo ji ye matsɛ kɛ ye Mawu; mo lɛ o haa nɛ o ma a yeɔ kunimi.

Manyadali 4:3

Yabin ngɛ dade ta zugba lɛ lafa nɛɛ, nɛ e wa Israel bi ɔmɛ yi mi jeha nyingmi enyɔ sɔuu. Nɛ Israel bi ɔmɛ fa kue ha Yawɛ.

Samuel I, 13:17

Ní hali a kuu etɛ je Filisti bi ɔmɛ a sito he ɔ kɛ ya ha ní. Kuu kake ya Ofra ngɛ Shual zugba a nɔ;

Mose II, 1:22

Kɛkɛ nɛ Farao ɔ wo e ma mi bi ɔmɛ tsuo mlaa ke, “Binyumu tsuaa binyumu nɛ Hebri no ko ma fɔ ɔ, nyɛ ya sake lɛ ngɔ fɔ Nilo pa a mi; se biyo tsuaa biyo lɛɛ nyɛ ha nɛ e yi nɛ na wami.”

Matsɛmɛ II, 21:8

Lɔ ɔ he ɔ, ke Israel bi ɔmɛ maa pee nɔ́ tsuaa nɔ́ nɛ i fa mɛ ke a pee ɔ, nɛ a maa ye mlaa amɛ tsuo nɛ ye tsɔlɔ Mose wo mɛ ɔ a nɔ ɔ, i be hae nɛ a fie mɛ kɛ je zugba a nɛ i ngɔ kɛ ha a nɛmɛ ɔmɛ ɔ nɔ, nɛ́ a kpale ya wo lalaalo hu.”

Kronika II, 33:8

Lɔ ɔ he ɔ, ke Israel bi ɔmɛ maa pee nɔ́ tsuaa nɔ́ nɛ i fa mɛ ke a pee ɔ, nɛ a maa ye mlaa amɛ tsuo nɛ ye tsɔlɔ Mose wo mɛ ɔ a nɔ ɔ, i be hae nɛ a fie mɛ kɛ je zugba a nɛ i ngɔ kɛ ha a nɛmɛ ɔmɛ ɔ nɔ hu.”

La 44:2

Wa na le kaa o ngɔ o he wami kpetekpleenyɛ ɔ kɛ fie je ma amɛ kɛ ya se, nɛ o to o ma a sisi ngɛ zugba a nɔ. O gbla je ma amɛ a tue, se o ma a lɛɛ o ha nɛ a ye a he.

La 80:9

O dla zugba a saminyayoo; o ha nɛ tso ɔ tsɛ̃ sipoku kɛ ya zu mi tsitsaa, nɛ wai tso ɔ ha zugba a nɔ tsuo.

Yesaya 60:21

O ma mi bi ɔmɛ tsuo maa pee nɔ́ nɛ da. A maa hi zugba a nɔ kɛ maa ya neneene. Imi lɛ i to mɛ si. Imi lɛ i pee mɛ jã, konɛ a kɛ wo ye hɛ mi nyami.