Samuel II, 6:7 - BAIBLO ALOO NGMAMI KLƆUKLƆU Ɔ

⁷ Se Yawɛ Mawu mi mi fu Uza, nɛ e fia lɛ nɔ́ nɛ e gbe ngɛ lejɛ ɔ, ejakaa e nine ta daka a he.

Samuel II, 6:7 ပူးပေါင်းရင်းမြစ်များ

Samuel I, 6:19

Yawɛ gbe Bet Shemesh bi ɔmɛ a ti nihi nyingmi kpaago, ejakaa mɛɛ a ya hyɛ somi daka a mi. Nɛ ni ɔmɛ ye kɔmɔ kaa Yawɛ kpata nihi babauu a hɛ mi.

Kronika I, 15:13

Akɛnɛ kekle ɔ, pi nyɛ nɛ nyɛ hɛɛ daka a he je ɔ, Yawɛ, wa Mawu ɔ gbla wa tue; ejakaa wa hyɛ we daka a nɔ kaa bɔ nɛ e to kaa a pee ɔ.”

Kronika I, 13:10

Se Yawɛ mi mi fu Uza, nɛ e fia lɛ nɔ nɛ e gbe ngɛ lejɛ ɔ, ejakaa e nine ta daka a he. Uza gbo ngɛ lejɛ ɔ ngɛ Mawu hɛ mi.

Kronika I, 15:2

Lɔ ɔ se ɔ, e de ke, “Levi bi ɔmɛ pɛ ji ni nɛmɛ nɛ maa hɛɛ somi daka a nɛ, ejakaa mɛ Yawɛ hla ke a hɛɛ somi daka a, nɛ a sɔmɔ lɛ, Yawɛ ɔ daa.”

Mose IV, 4:15

Ke be nɛ ma a maa hia kɛ je a sito he ɔ, Aaron kɛ e bimɛ ɔmɛ nɛ a ha ní klɔuklɔu ɔmɛ kɛ a he ní ɔmɛ tsuo a he, loko Kohat bi ɔmɛ nɛ a ba nɛ a ba tloo kɛ ho. Kohat bi ɔmɛ kó ta ní klɔuklɔu ɔmɛ a he, konɛ a ko gbo. Kpe he bo tsu ɔ he níhi nɛ Kohat bi ɔmɛ maa tloo be tsuaa be nɛ ma a maa hia ji nɛ ɔmɛ nɛ.

Samuel I, 25:38

Maa pee ligbi nyɔngma se ɔ, Yawɛ fia Nabal nɔ nɛ e gbo.

Samuel II, 6:8

E dɔ David kaa Yawɛ ngɔ abofu kɛ gbla Uza tue. Lɔ ɔ he ɔ, a wo lejɛ ɔ biɛ ke Perez Uza, nɛ jã a tsɛɛ lɛ kɛ ba si mwɔnɛ ɔ.

Mose IV, 1:51

Be tsuaa be nɛ nyɛ maa hia a, Levi bi ɔmɛ ji ni nɛmɛ nɛ maa gbɛ bo tsu ɔ. Nɛ ke a maa ma lɛ ekohu ɔ, Levi bi ɔmɛ nɔuu lɛ a maa ma. Ke nɔ kpa ko hɛ lɛ kɛ su he ɔ, a gbe lɛ.