Samuel II, 6:21 - BAIBLO ALOO NGMAMI KLƆUKLƆU Ɔ

²¹ David he nɔ ke, “I do kɛ wo Yawɛ hɛ mi nyami. Lɛ nɛ e hla mi ngɛ o tsɛ kɛ e weku kɛ nina nane mi, nɛ e wo mi ganɔ kɛ ha Israel ma a. Ee, ma do kɛ wo Yawɛ hɛ mi nyami daa,

Samuel II, 6:21 ပူးပေါင်းရင်းမြစ်များ

Samuel II, 5:2

Be ko nɛ be benɛ Saul ngɛ tsɛ yee ngɛ wa nɔ po ɔ, mo lɛ o nyɛɛɔ Israel hɛ mi kɛ yaa kɛ baa. Yawɛ wo mo si kaa mo lɛ o ma ba nyɛɛ e ma Israel ɔ hɛ mi, nɛ o maa ye ganɔ ha mɛ.”

Samuel II, 6:14

David wo kploba efɔd, nɛ e do kɛ e he wami tsuo kɛ wo Yawɛ hɛ mi nyami.

Samuel II, 6:16

Benɛ daka a ba su David ma a mi ɔ, Mikal, Saul biyo ɔ je e hɛ mi kpo ngɛ saflɛ mi nɛ e na Matsɛ David nɛ e ngɛ tuue nɛ e ngɛ doe kɛ ngɛ Yawɛ hɛ mi nyami woe; nɛ David he pee lɛ tai.

Samuel II, 6:22

nɛ ye hɛ mi ma pue si pe kikɛ nɛ ɔ po. E maa pee mo kaa pi nɔ ko ji mi; se mawayi ɔmɛ nɛ o tu a he munyu ɔ, mɛɛ lɛɛ a maa bu mi saminya.”

Samuel II, 6:5

Jamɛ a be ɔ, David kɛ Israel bi ɔmɛ tsuo ngɛ lae nɛ a ngɛ doe kɛ a he wami tsuo kɛ ngɛ Yawɛ hɛ mi nyami woe. A fiɛ do, nɛ a fia kpa saku slɔɔtohi, kɛ ngmlɛhi, kɛ gɔgɔhi.

Samuel II, 7:8

“Lɔ ɔ he ɔ, mo de ye tsɔlɔ David ke, imi Yawɛ Tabohiatsɛ ɔ, i ngɛ lɛ dee ke, ‘Imi nɛ i ya ngɔ mo kɛ je lohwe lɛmi he, kɛ je tohi a se, konɛ o ba ye ganɔ ngɛ ye ma, Israel nɔ.

Kronika I, 15:29

Benɛ daka a ba su David ma a mi ɔ, Mikal, Saul biyo ɔ je e hɛ mi kpo ngɛ saflɛ mi, nɛ e na Matsɛ David nɛ ngɛ tuue nɛ e ngɛ doe, nɛ David he pee lɛ tai.

Ni Tsumi 13:22

Pee se ɔ, Mawu kpa Saulo, nɛ e wo David matsɛ ngɛ e nane mi. Odase nɛ Mawu ye ngɛ e he ji nɛ ɔ nɛ: ‘I ná Ishai bi David he bua jɔmi kaa nɔ ko nɛ maa pee ye suɔmi nya ní.’

1 Korintobi 10:31

Lɔ ɔ he ɔ, nɔ́ tsuaa nɔ́ nɛ nyɛ ngɛ pee ɔ, ní nyɛ ngɛ yee jio, ní nyɛ ngɛ nue jio, nyɛɛ pee lɛ tsuo kɛ wo Mawu hɛ mi nyami.

Samuel I, 13:14

Se amlɔ nɛ ɔ lɛɛ o matsɛ yemi ɔ be si dae. Yawɛ hla lɛ nitsɛ e tsui nya nɔmlɔ, nɛ e wo lɛ ganɔ ngɛ e ma a nya; ejakaa o yi mlaa nɛ e wo mo ɔ nɔ.”

Samuel I, 15:28

Nɛ Samuel de lɛ ke, “Yawɛ hía Israel matsɛ yemi ɔ kɛ je o he mwɔnɛ ɔ, nɛ e ngɔ kɛ ha o nyɛmi ko nɛ hi pe mo.

Samuel I, 16:1

Yawɛ bi Samuel ke, “Mɛni be o maa ye Saul he kɔmɔ kɛ yaa si? O nɛ kaa i kua lɛ kaa matsɛ ngɛ Israel lo? Wo o koli ɔ mi nu nɛ e hyi tɔ, nɛ ma tsɔ mo Betlehem no, Ishai ɔ ngɔ; ejakaa i hla ye matsɛ ɔ kɛ je e binyumu ɔmɛ a kpɛti.”

Samuel I, 16:12

Lɔ ɔ he ɔ, Ishai tsɔ nɛ a ya ngɔ lɛ kɛ ba. Ke o hyɛ lɛ ɔ, e tsuɔ papaapa; e hɛngmɛ nɔ tsɔ, nɛ e he hu ngɛ fɛu. Yawɛ de Samuel ke, “Tee si nɛ o pɔ lɛ nu, ejakaa lɛ ji nɛ ɔ nɛ!”