Samuel II, 6:19 - BAIBLO ALOO NGMAMI KLƆUKLƆU Ɔ

¹⁹ David dla niye ní ha Israel ma kpekpemi ɔ, nyumuhi kɛ yihi tsuo. Nɔ tsuaa nɔ ná abolo bɔbɔɛ kake, kɛ lo nɛ a sã kpɔ kake, kɛ wai yiblii gbigbli nɛ a kɛ si tatale. Lɔ ɔ se ɔ, a je kɛ ho a wehi a mi ya.

Samuel II, 6:19 ပူးပေါင်းရင်းမြစ်များ

Samuel II, 6:18

Benɛ David sã bɔ ɔmɛ gbe nya a, e gbaa ma a ngɛ Yawɛ Ope ɔ biɛ mi.

Samuel II, 6:20

Benɛ David ba su we mi, nɛ e ba fɔ e yi ɔmɛ, kɛ e bimɛ ɔmɛ ɔ, Saul biyo Mikal je kpo ba kpee lɛ; nɛ e de David ke, “Lɔ ɔ ji Israel matsɛ wo lɛ nitsɛ e hɛ mi nyami mwɔnɛ ɔ nɛ! Matsɛ hɛɛ e he gu ngɛ e tsɔli a mawayi ɔmɛ a hɛ mi kaa kuasia peeɔ nɔ!”

Matsɛmɛ I, 8:66

Ligbi nɛ ji kpaanyɔ ɔ, Salomo ha ma a nane. Mɛ tsuo a je e yi saminya, nɛ a ho a wehi a mi ya kɛ bua jɔmi ngɛ ní kpakpahi tsuo nɛ Yawɛ pee ha e tsɔlɔ, David, kɛ e ma, Israel ɔ he.

Kronika I, 16:3

nɛ e dla ní ha ma kpekpemi ɔ, nyumuhi kɛ yihi tsuo. Nɔ tsuaa nɔ ná abolo bɔbɔɛ kake, lo nɛ a sã kpɔ kake, kɛ wai yiblii gbigbli nɛ a kɛ si tatale.

Kronika I, 16:43

Pee se ɔ, nɔ tsuaa nɔ je kɛ ho e we mi ya. David hu ho lɛ nitsɛ e we mi ya, nɛ e kɛ e we mi bimɛ ya hi si kɛ bua jɔmi.

Kronika II, 30:24

Matsɛ Hezekia ha ma a na ku akpe, kɛ jijɔ akpe kpaago ke a gbe nɛ a ye; nɛ ganɔ ɔmɛ hu ha mɛ na ku akpe, kɛ jijɔ akpe nyɔngma. Osɔfohi babauu pee a he klɔuklɔu.

Kronika II, 7:10

E nɔ jena nɛ ji nyɔhiɔ kpaagone ɔ we ligbi nɛ ji nyingmi enyɔ kɛ etɛ ɔ, Salomo wo ma a blɔ, nɛ a je kɛ ho a wehi a mi ya. A bua jɔ a he, ejakaa Yawɛ gbaa e ma Israel, kɛ David, kɛ Salomo tsuo.

Nehemia 8:10

Mohu nyɛɛ ya nyɛ we ɔmɛ a mi, nɛ nyɛ ya ye ní kpakpa, nɛ nyɛɛ nu wai ngɔngɔɛ. Nyɛ nyɛmimɛ ɔmɛ nɛ a be eko ɔ, nyɛ ha mɛ eko. Mwɔnɛ ligbi nɛ ɔ ji ligbi klɔuklɔu ha Yawɛ nyɛ Mawu ɔ, lɔ ɔ he ɔ, nyɛ ko pee mɔbɔmɔbɔ. Bua jɔmi nɛ Yawɛ ngɛ nyɛ hae ɔ ma ha nɛ nyɛ ma na he wami.”

Lahi 2:5

Nyɛ ha mi wai yiblii gbigbli nɛ ma ye, konɛ ma na he wami. Nyɛ ha mi tso yiblii nɛ ngɔɔ saminya nɛ ma kɛ jɔɔ ye tsui he; ejakaa suɔmi ɔ ngɛ mi gbee.

Ezekiel 45:17

Sami bɔ ɔmɛ, niye ní bɔ ɔmɛ, kɛ wai bɔ ɔmɛ nɛ a kɛ baa Nyɔhiɔhe nyami be, Hejɔɔmi ligbi, kɛ nyami be kpa amɛ tsuo nɛ Israel bi ɔmɛ yeɔ ɔ, ganɔ ɔ blɔ nya ji kaa e ha mɛ. Lɛ nɔuu lɛ e haa bɔ nɛ ɔmɛ nɛ a kɛ peeɔ kusumi kɛ kpataa Yawɛ kɛ haa Israel ma a: yayami pami bɔ, niye ní bɔ, sami bɔ, kɛ tue mi jɔmi bɔ.”

Hosea 3:1

Yawɛ de mi ekohu ke, “Yaa nɛ o ya hla yo gba puɛlɔ, nɛ o suɔ lɛ, kaa bɔ nɛ imi hu i suɔ ye ma Israel ɔ. Ye ma Israel kua mi; a ya ngɛ mawu kpahi a se nyɛɛe, nɛ a kɛ wai yiblii gbigbli sãã bɔ kɛ haa mɛ lɛɛ, se kɛ̃, i suɔ mɛ.”

Ni Tsumi 20:35

I ngɔ ní nɛ ɔmɛ tsuo kɛ to nyɛ okadi kaa jã nɛ e sa kaa a tsu ní nɛ a kɛ ye bua nihi nɛ be he wami ɔ, konɛ nyɛ kai Nyɔmtsɛ Yesu munyu nɛ lɛ nitsɛ e tu ɔ. E de ke, ‘Gbaami ngɛ nɔ́ hami mi pe nɔ́ sɔlemi mi.’ ”

Efesobi 4:8

Ngmami ɔ ke, “Benɛ e yaa hiɔwe lokoo ɔ, e ngɔ nihi nɛ e nuu nyɔguɛ ɔ kɛ ho; e ha nimli adesahi nike níhi.”

Yoshua 22:6

Yoshua gbaa mɛ, nɛ e wo mɛ blɔ. E de mɛ ke, “Nyɛ pee kplɔkɔtɔtsɛmɛ kɛ yaa we; nyɛ ngɛ nahi babauu, sika hiɔ, sika tsu, akɔblee, dade, kɛ heha ní babauu. Ke nyɛ ya su ɔ, nyɛɛ kɛ nyɛ nyɛmimɛ ɔmɛ nɛ dla ní ɔmɛ tsuo nɛ nyɛ kpɔ ngɛ nyɛ he nyɛli ɔmɛ a dɛ ɔ.” Lɔ ɔ se ɔ, a pue blɔ kɛ ho we ya. Mose ha Manase wɛtso fa kake zugba ngɛ Yordan beleku je momo. Wɛtso fa a nɛ piɛ ɔ lɛɛ Yoshua ha mɛ zugba ngɛ a nyɛmimɛ ɔmɛ a kpɛti, ngɛ Yordan pa a bonyoku je.