Samuel II, 6:17 - BAIBLO ALOO NGMAMI KLƆUKLƆU Ɔ

¹⁷ A ngɔ Yawɛ daka a ya ma e ma he ngɛ bo tsu nɛ David pee kɛ ha lɛ ɔ mi, nɛ David sã sami bɔhi, kɛ tue mi jɔmi bɔhi kɛ ha Yawɛ.

Samuel II, 6:17 ပူးပေါင်းရင်းမြစ်များ

Kronika II, 1:4

(Somi daka a lɛɛ benɛ David ya ngɔ lɛ kɛ je Kiriat Yearim kɛ ba Yerusalem ɔ, e pee bo tsu ha lɛ, nɛ e kɛ lɛ ma mi ngɛ lejɛ ɔ.)

Kronika I, 15:1

David po wehi ngɛ David ma a mi kɛ ha e he. Jehanɛ, e dla he ko kɛ ha Mawu somi daka a, nɛ e ma bo tsu ngɛ lejɛ ɔ kɛ ha lɛ.

La 132:8

Yawɛ, mo wo o he nɔ, nɛ o ba o he jɔɔmi he ɔ; ngɔɔ somi daka a nɛ ji o he wami okadi ɔ hu kɛ ba.

Matsɛmɛ I, 8:5

Jehanɛ, Matsɛ Salomo, kɛ Israel ma kpekpemi ɔ tsuo ya bua a he nya ngɛ somi daka a hɛ mi, nɛ a gbe to, kɛ na babauu nɛ a li nya kɛ sã bɔ.

Kronika II, 5:6

Jehanɛ, Matsɛ Salomo kɛ Israel ma kpekpemi ɔ tsuo ya bua a he nya ngɛ somi daka a hɛ mi, nɛ a gbe to kɛ na babauu nɛ a li nya kɛ sã bɔ.

Kronika I, 16:1

A ngɔ Yawɛ daka a ya ma bo tsu ɔ nɛ David pee kɛ ha lɛ ɔ mi, nɛ a sã sami bɔhi, kɛ tue mi jɔmi bɔhi kɛ ha Mawu.

Mose III, 3:9

Jehanɛ, lohwe ɔ nɛ a kɛ maa sã tue mi jɔmi bɔ ɔ, a ngɔ e he ní nɛ ɔmɛ kɛ sã bɔ nɛ a kɛ la sãã ha Yawɛ: zɔ ɔ kɛ e hlemi ɔ kulaa nɛ a je kɛ je e se tso ɔ he ɔ, zɔ ɔ tsuo nɛ ha e mi ní ɔmɛ a he ɔ,

Kronika I, 6:31

Nimli nɛ ɔmɛ ji nihi nɛ David ngɔ la he blɔ nya tomi ngɛ Yawɛ we ɔ ngɔ wo a dɛ, benɛ a kɛ somi daka a ya su lejɛ ɔ.

Kronika I, 15:3

Kɛkɛ nɛ David kpee Israel ma a tsuo kɛ ba Yerusalem, konɛ a ya ngɔ Yawɛ somi daka a kɛ ba ma he nɛ e dla kɛ to lɛ ɔ.