Samuel II, 6:13 - BAIBLO ALOO NGMAMI KLƆUKLƆU Ɔ

¹³ Benɛ ni ɔmɛ nɛ hɛɛ Yawɛ daka a hia nane ekpa a, David ha nɛ a wa, nɛ e gbe na kɛ to nɛ wo zɔ nɛ e kɛ sã bɔ ha Yawɛ.

Samuel II, 6:13 ပူးပေါင်းရင်းမြစ်များ

Kronika I, 15:15

Levi bi ɔmɛ wo somi daka a tso nɛ a kɛ fɔ a konɔ kaa bɔ nɛ Yawɛ gu Mose nɔ fa mɛ ke a pee ɔ.

Matsɛmɛ I, 8:5

Jehanɛ, Matsɛ Salomo, kɛ Israel ma kpekpemi ɔ tsuo ya bua a he nya ngɛ somi daka a hɛ mi, nɛ a gbe to, kɛ na babauu nɛ a li nya kɛ sã bɔ.

Mose IV, 4:15

Ke be nɛ ma a maa hia kɛ je a sito he ɔ, Aaron kɛ e bimɛ ɔmɛ nɛ a ha ní klɔuklɔu ɔmɛ kɛ a he ní ɔmɛ tsuo a he, loko Kohat bi ɔmɛ nɛ a ba nɛ a ba tloo kɛ ho. Kohat bi ɔmɛ kó ta ní klɔuklɔu ɔmɛ a he, konɛ a ko gbo. Kpe he bo tsu ɔ he níhi nɛ Kohat bi ɔmɛ maa tloo be tsuaa be nɛ ma a maa hia ji nɛ ɔmɛ nɛ.

Kronika I, 15:2

Lɔ ɔ se ɔ, e de ke, “Levi bi ɔmɛ pɛ ji ni nɛmɛ nɛ maa hɛɛ somi daka a nɛ, ejakaa mɛ Yawɛ hla ke a hɛɛ somi daka a, nɛ a sɔmɔ lɛ, Yawɛ ɔ daa.”

Yoshua 3:3

nɛ a de ma a ke, “Ke nyɛ na Yawɛ, nyɛ Mawu ɔ somi daka a nɛ osɔfo ɔmɛ nɛ ji Levi bi ɔmɛ tloo ɔ, nyɛ hu nyɛɛ hia kɛ je he nɛ nyɛ ngɛ ɔ kɛ nyɛɛ e se.

Mose IV, 7:9

Se Kohat bi ɔmɛ lɛɛ Mose ha we mɛ nɔ́ ko; ejakaa ní klɔuklɔu ɔmɛ nɛ a kɛ ha mɛ nɛ a hyɛ nɔ ɔ, a konɔ a kɛ maa fɔ.

Kronika II, 5:6

Jehanɛ, Matsɛ Salomo kɛ Israel ma kpekpemi ɔ tsuo ya bua a he nya ngɛ somi daka a hɛ mi, nɛ a gbe to kɛ na babauu nɛ a li nya kɛ sã bɔ.

Mateo 22:4

E kpale tsɔ ni kpahi ke a ya de nihi nɛ a kpee ɔ ke, ‘I gbe niye ní ɔ nya. A gbe na, kɛ lohwe kpakpahi nɛ wo zɔ; a gbe nɔ́ tsuaa nɔ́ nya. Nyɛɛ ba yo kpeemi okplɔɔ ɔ he koo!’